Dy Gamau CyntafSampl

CYMUNED

Dwyt ti ddim ar dy ben dy hun yn hyn o beth.

Rwyt ti wedi gwneud dewis i fyw math newydd o fywyd - bywyd sydd wedi ymrwymo i ddilyn Iesu, a gall hynny ymddangos yn anodd iawn.

Ac y mae.

Ond dwyt ti ddim ar dy ben dy hun.

Yn gyntaf, ni fydd Iesu byth yn cefnu arnat ti. Mae wedi ymrwymo'n llwyr i ti, a fydd e byth yn cefnu ar yr ymrwymiad hwnnw.

Ac yn ail, nid yn unig y mae Iesu wedi dy wahodd i fywyd newydd, ond i deulu newydd. Mae'n rhoi cymuned newydd sbon i ti ymuno â hi. Yr enw arni ydy, yr Eglwys.

A gall eglwys fod yn flêr oherwydd bod pobl yn flêr.

A gall eglwys fod yn ddiffygiol oherwydd bod pobl yn ddiffygiol.

A gall eglwys fod yn hardd oherwydd bod pobl yn hardd.

Pan fydd yr eglwys ar ei gorau, mae'n wyrthiol - trefedigaeth o'r Nefoedd yma ar y ddaear. Dŷn ni'n annog ein gilydd, ac yn gwthio ein gilydd i dyfu wrth i ni ddilyn Iesu. Daliwn ein gilydd yn atebol, a chyfeiriwn ein gilydd yn gariadus oddi wrth arferion a phatrymau dinistriol ac yn ôl ar lwybr Iesu.

Ymuna ag eglwys; cymra ran. Paid â disgwyl perffeithrwydd oherwydd wedi'r cyfan, dwyt ti ddim yn berffaith.

Ond os yw'n eglwys sy'n canolbwyntio ar Iesu ac wedi ymrwymo i fyw allan ei ffordd yn dy gymuned, yna mae'n deulu sy'n werth ymuno ag e.