Iesu: Baner ein BuddugoliaethSampl

Buddugoliaeth dros Ofn

Yn ein byd heddiw, sydd wedi ei gorlwytho gan newyddion ac yn boddi mewn llif o adroddiadau drwg, mae'n hawdd iawn cael ein gorlethu gan ofn. Dŷn ni ofn yr anesboniadwy, ofn poen a cholled, ofn nad oes gennym beth sydd ei angen i lwyddo. Ond pan groeshoeliwyd ein Gwaredwr di-fai dros ein pechod, dangosodd i ni gariad perffaith. Gorchfygodd pŵer y cariad hwnnw ganlyniadau pechod a thywyllwch yn ein byd, gan gynnwys ofn.

Mae 1 Ioan 4:18 yn dweud. "mae cariad perffaith yn cael gwared ag ofn yn llwyr." Drwy arddangos ei gariad eithaf ar y groes, hawliodd Iesu fuddugoliaeth dros ofn, ac mae e'n ein gwahodd i rannu yn ei fuddugoliaeth. Mae e am i ni fyw gyda heddwch yn ein meddwl, calon ac ysbryd. Ond mae rhaid i ni dderbyn a cherdded ym mhŵer buddugoliaethus ei gariad. Yn Rhufeiniaid 8:38 dwedodd Paul ei fod yn hollol sicr fod dim byd yn gallu'n gwahanu ni oddi wrth gariad Duw. Mae'r cyfle gynnon ni hefyd i fod yn ddisigl o hyderus yng nghariad Duw atom a byw yn yr heddwch ddaw o'r cariad hwnnw. Os wyt erioed wedi cwestiynu ehangder cariad Duw tuag atat, y cwbl sydd raid i ti ei wneud yw edrych tuag at y groes.

Pan fydd ofn yn cnocio ar y drws mae dewis gennyt i'w wneud: Gadael iddo dy lethu, neu gofio weithred buddugoliaethus Iesu a dewis credu ei fod ef wedi ennill y frwydr dros heddwch i ti. Pan mae pob dim i'w weld yn mynd o'i le yn dy fyd, saf yn gadarn gan wybod nad oes gan ofn unrhyw bŵer drosot. Hawlia ei heddwch e a cherdda ymlaen, yn hyderus dy fod wedi dy gofleidio gan ei gariad!

Lawrlwytha ddarlun heddiwyma.