Ioan Marc 16
16
1-8A gwedi darfod y Seibiaeth, Mair y Fagdalëad, a Mair mam Iago a Salome, á brynasant beraroglau, fel yr eneinient Iesu. Ac yn fore iawn y dydd cyntaf o’r wythnos, y daethant at y tomawd o gylch codiad haul. A hwy á ddywedasant wrth eu gilydd, Pwy á dreigla i ni y maen ymaith oddwrth ddrws y tomawd? (canys yr oedd efe yn fawr iawn.) Ond pan edrychasant, hwy á ganfuant bod y maen wedi ei dreiglo ymaith. A gwedi iddynt fyned i fewn i’r tomawd, hwy á welent fab ieuanc yn eistedd o’r tu dëau, gwedi ei ddilladu â gwisg wenllaes; a hwy á ddychrynasant. Ond efe á ddỳwedodd wrthynt, Na ddychrynwch; ceisio yr ydych Iesu y Nasarethiad, yr hwn á groeshoeliwyd. Efe á gyfododd: nid yw efe yma: wele y màn y dodasant ef. Eithr ewch, dywedwch iddei ddysgyblion ef, ac i Bedr, Y mae efe yn myned o’ch blaen chwi i Alilea; yno y cewch ei weled ef, fel y dywedodd i chwi. Yna gwedi i’r gwragedd ddyfod allan, hwy á ffoisant oddwrth y tomawd, wedi eu taro â chryndod â braw; ond ni ddywedasant ddim wrth neb, yr oeddynt wedi dychrynu cymaint.
9-11Iesu gwedi adgyfodi yn fore y dydd cyntaf o’r wythnos, á ymddangosodd yn gyntaf i Fair y Fagdalëad, o’r hon y bwriasai efe allan saith o gythreuliaid. Hithau á aeth ac á fynegodd i’r rhai à fuasent gydag ef, y rhai oeddynt mewn galar ac wylofain. Ond pan glywsant ei fod ef yn fyw, ac iddi hi ei weled ef, ni chredent.
12-13Gwedi hyny yr ymddangosodd efe mewm gwedd arall i ddau o honynt, fel yr oeddynt yn ymdeithio i’r wlad. Y rhai hyn wedi dychwelyd, á fynegasant i’r dysgyblion ereill, ond ni chredent iddynt hwythau chwaith.
14-18O’r diwedd efe á ymddangosodd i’r unarddeg, fel yr oeddynt yn bwyta, ac á ddannododd iddynt eu hannghrediniaeth a’u cildynrwydd, yn annghoelio y rhai à’i gwelsent ef àr ol ei adgyfodiad. Ac efe á ddywedodd wrthynt, Ewch drwy yr holl fyd, cyhoeddwch y Newydd da i bob creadur. Y neb á gredo ac á drocher, á fydd cadwedig; ond y neb ni chredo, á gollfernir. A’r galluoedd gwyrthiol hyn á ganlynant y credinwyr: – Yn fy enw i y bwriant allan gythreuliaid. Llefarant â thafodau anadnabyddus iddynt o’r blaen. Gafaelant mewn seirff gyda diogelwch. Ac os gwenwyn á yfant, ni wna iddynt ddim niwaid. Y cleifion á iachâant drwy osod eu dwylaw arnynt.
19-20A’r Arglwydd wedi iddo lefaru wrthynt, á gymerwyd i fyny i’r nef, ac á eisteddodd àr ddeheulaw Duw. Hwythau á aethant allan ac á gyhoeddasant y newydd yn mhob màn, a’r Arglwydd yn cydweithio â hwynt, ac yn cadarnâu eu hathrawiaeth drwy y gwyrthiau y rhai oedd yn ei chanlyn.
Dewis Presennol:
Ioan Marc 16: CJW
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Yr Oraclau Bywiol gan John Williams 1842. Cafodd y testun ei ddigideiddio gan Gymdeithas y Beibl yn 2021.