Mataji 25
25
1A po uvutwa vwa kukyâńa pe vulaliṅana navahindza avańikyumi, avinulaga itala dzanavo dza mafuta neke vatigilage: tuhelelage tumwanukile Umutodzi. Luk. 12, 35. 36; Luv. 19, 7.
2Neke vahanu vali vapuva, vahanu vali vasugu.
3Neke avapuvavala neke itala dzanavo neke vadzińamulage neke amafuta vatane ukugańamula.
4Neke avene avańa-luhala neke vatolage nitala neke namafuta vagańa-mulage mufihava fyanavo.
5Neke baho avye ahwelelye umutodzi neke baho avenevakole mukusindzīla neke vagonelelage itulo vonda ńani.
6Neke baho pakilo muvufuku neke jikolwage ija kuta: ńame, mulole huju afikile umutodzi, muhelelage mukumwanukila.
7Neke baho valamukage avahindza vala vonda, ndevye vali, vadzivujapage itala dzanavo.
8Neke baho avapuva valongage kuvajanavo avańaluhala vatigilage: mungatupela nafwe vajińo padebe amafuta ageńo, pakuva itala dzesu dzidzima.
9Neke baho avańa-luhala vapilusage vatigilage: ulo hamu, ńe vane, gasifuluka, ngana twihanga nańe nafwe. Najuńe muhelelage kuvańa-kugula mukigulile.
10Neke baho, vavye vahelye mukugula, neke baho umutodzi neke afikage. Neke avene vala, avivujipe, neke vingilage lumwi mukulya ifilyo fya panavula. Neke kumulyango neke kudindwage.
11Neke ulwa mbele vafikage navangi avahindza vala neke vakutage vatigilage: mutw’ ave, mutw’ ave, ungatudindulila nafwe. Luk. 13, 26. 27.
12Neke baho umwene apilusage atigilage: ndakyene unene nditigila: sindivadzelye nambi ponu uńeńe. 7, 23.
13Neke lino nditigila: muvedzage mîho, pakuva musikidzelye ikigono neke na ji sala musijidzelye ja kwadzila. 24, 42.
14-30: cf. Luk. 19, 12-27.
14Ulwa kuva dzili ngita munu, je agulwime ilikasi neke avakemelage avavanda vakwe neke avalekelage amâli gakwe. 21, 33.
15Neke ujungi amule-kelage ulupija luhanu, ujungi amulekelage luvili, ujungi amulekelage lumwinga neke avagelani-hidzage pakuvapela najula paluhala lwakwe, ndevye avadzelye; neke baho umwene neke ahelelage ilikasi lyakwe. Lom. 12, 6.
16Neke baho, je anukye ulupija luhanu, ahelelage nalo mwikuvo neke baho akuvilage mululo ulungi ulupija luhanu.
17Neke na je anukye luvili neke nave agitage ndeni, nave neke akuvilage ulungi luvili.
18Neke lino, je anukye ulupija lumwinga, neke ahelelage nalo neke ajavage uvwina neke alusilage pańi ulupija lulo.
19Neke pe adzovye mbandu, neke baho adzage umutwa va vavanda vala neke atigilage: mumbalilage.
20Neke baho ahegelelage, je anukye ulupija luhanu neke alugeleńasage nalu lwa pikuvo, lwe akuvile luhanu neke atigilage: ve mutw’ ave, vwamelye ulupija luhanu, lino lolage, ńdikuvye ndongelidze ulupija ulungi luhanu.
21Neke baho umutwa vakwe atigilage: ena ndza-vo, ve muvanda vangu, ve munofu, nalino huve vwali muhuvili, ukihuvila napavudebe, neke lino ndikukutemya uvutambu-le. Vwingilage mukutinadza numutwa vako kuvunofu. v. 23; 24, 45-47; Luk. 16, 10.
22Neke na je anukye ulupija luvili neke nave ahegēlelage neke atigilage: mutw’ ave, vwamelye ulupija luvili, lino ulolage, ndongelidze pakukuvila ulungi luvili ulupija.
23Neke baho umutwa vakwe atigilage: ena ndzavo, ve muvanda vańgu, ve munofu, na lino huve vwali muhuvili, ukihuvila napavudebe, neke lino ndikukutemya uvutambule, vwingilage mukutinadza numutwa vako kuvunofu. v. 21.
24Neke na je anukye ulupija lumwinga, neke ujo adzage neke alongage atigilage: ve mutw’ ave, pakuva ndakudzelye, ukuta uli munu umukangafu, vwibena, na kwe usimidzile, vwilundahidza mufisandzi, na mwe usagehwe,
25neke baho ndogopage neke ńelelage mukulusīla pasi ulupija lwako; lino hiki ikyûma kyako.
26Neke baho umutwa vakwe neke apilusage atigilage: ve muvanda, ve muhaluk’ ave, ve mugat’ ave! Ongo, ukandzelye humbi unene, ukuta ndibena, na mwe sindimidzile, ndilundabidza mufisandzi, na mwe sindigehwe!
27Ino uka na kiki, uka uvadigilage avikovońasa imâli; neke lino, pe ndijadzye, ngali ngwijinulila ulwangu, ngali ndihandza niligonyo.
28Neke baho atigilage: mulwanukage ulupijalulo, apelwage, je ali nalo ulupija uluńikyumi.
29Pakuva avali nafyo ifingi, avo vikongeledzwa ukupelwa nifingi, filemu-ke, neke ngana vasi nafyo ifingi, apo na fye vali nafyo, filanukwa fyonda. 13, 12.
30Neke umwene umuvanda umuhaluka uju mumutagage mukîsi kya mumbali, mwe jilavedza niṅūto nulugeledzulo lwa mîno. 8, 12.
31Neke ngana lusiku, alava ikwadza umuswamuve va munu mundolo dzakwe pamwi navańa-mwandza vakwe, pe alakońomala pakitêngo kyakwe ikya ndolo. 18, 27; Luv. 20, 11-13.
32Apo avanu ifipelela fyonda filalundanila apakwe. Apo umwene alava-patulińasa, ndevye umudimi ipatuliṅasa nińolo nimongo. Lom. 14, 10.
33Neke ińolo aladzivika kwivoko ilya ndyo, neke imongo kwivoko ilya ṅigi.
34Neke baho umutwa alalonga kuva kwivoko ilya ndyo alatigila: mwadzage kuno uńeńe, ńe vapogolwa va dâda, mwingilage kuvutwa vwa mapwela geńo, ge āvavīkye ju Nguluvi, ukuhuma, pe jigavwa ińi.
35Ndivwene unene ndadagine indzala, uńeńe mwasangye ifilyo, unene ndakelwike, uńeńe mwańwesidze ululenga, unene ndali ndili mugendzi, uńeńe mwangonike muńumba dzeńo,
36unene ndafūlike uvufūla, uńeńe mwafwikile umwênda, unene ndatamike, uńeńe mwadzile mukundola, unene ndali mu muńololo, uńeńe mwadzile ukwangu.
37Apo avene avagolo-fu valapilusa valatigila: mutw’ ave, twakuvwene pi uveve udagine indzala neke tukusangilage ifilyo? Twakuvwene pi nambi ukelwike neke tukuńwesage ululenga? 6, 3.
38Tukuvwene pi uveve nambi uli mugendzi neke tukugonekage muńumba dzesu? Tukuvwene pi nambi ufūlike neke tukupelage umwênda?
39Tukuvwene pi uveve utamike, nambi uli muńololo pi, pe twadzaga mukukulola?
40Apo umwene umutwa alapilusa alatigila: ndakyene unene nditigila: londa, lwe mukikumulimila umuńalukolo vangu uva kulubali hela, kwe kuva mukikundimila june. Heb. 2, 11.
41Neke baho alavalonga na va kwivoko ilya ṅigi, pe alatigila: muhege apangu apa, ńe valekelwa-ndekw’ ańe, muhelelage kumôto gwa mbêpali, gwe ndimukodzehidze u-Setano navańa-mwandza vakwe. 7, 23; Luv. 20, 10. 15.
42Ndivwene unene ndadagine indzala, uńeńe musasangye ifilyo; unene ndakelwike, uńeńe mwandzimile ululenga ukuńwa.
43Unene ndali ndili mugendzi, neke uńeńe musandzanukilaga muńumba dzeńo, unene ndafūlike uvufūla, uńeńe musafwikile imyênda; unene ndatamike, ndali muńumba ja vańa-ńololo, uńeńe musadzile ukwangu mukundola.
44Apo navo valapilusa valatigila: mutw’ ave, twakuvwene pi uveve udagine nambi uli niṅĕlu ja lulenga nambi uli mugendzi nambi ufūlike uvufūla vwa mwênda nambi utamike ikitamwa nambi uli muńololo, neke tubihile ukukulimila?
45Neke baho umwene pe alapilusa alatigila: ndakyene unene ndikuvavula nditigila: ifigono fyonda, fye musikikumulimila uva kulubali jula, kwe kuva musikikundimila june.
46Neke baho avene ava valakola kulupumuko lwa mbêpali neke avagolofu valakola kuvûmi vwa mbêpali, uvusjsila ponu. Joh. 5, 29.
S'ha seleccionat:
Mataji 25: II
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Bena © Bible Society of Tanzania, 1958.