Mataji 26
26
1Neke baho Jesu, avye amalile pakulonga gonda amadzwi aga, neke avalongelage avańigendwa vakwe
2-5: Mal. 14, 1. 2; Luk. 22, 1. 2.
2neke atigilage: mudzelye ukuta twihwa ifigono fivili swe, apo ve twilya pasa, apo umwâna va munu alasutulilwa kuvańa-kumutovelela pakipindulihidzo. 20, 18.
3Neke ikigono kikyo navatekedzi avavina navandzagila avańa-ńi vālundine kuńumba ja mutekedzi umuvina, je vatigilaga ilitavwa je Kajifwa.
4Neke valonganage vatigilage: Jesu tumwibatage tumuvŭlagage, neke lino tuvedzage nuluhala, pe twikola mukumwibata.
5Neke vatigilage: lino tutane ukumwibata pakyâka, ukuta vatane ukutugalukila avanu vonda.
6-13: Mal. 14, 3-9; Joh. 12, 1-8 (cf Luk. 7, 36-50).
6Neke baho Jesu, avye afike mu-Betanija, pe ali muńumba ja Simono, umuńa-lińamuvili,
7neke baho ahegelelage umukiṅinavo, je akolelye isupa ja mono inalamu. Neke je amusukulilage pamutwe gwakwe, pe akoṅomye.
8Neke baho avańigendwa vakwe, pe valuvwene ulu, neke baho vakalalilage neke vatigilage: kye kiki vwivejasa-vo?
9Aka na kiki ukudzigula imono idzi nulupija ulolofu, luvedzage lwa kupela avahangala?
10Neke baho Jesu avakagulage, lwe vahodzaga neke atigilage: mukumudasa va kiki umukiṅinavo uju? Ndivwene lwe alimile, andimye june ulunofu.
11Ndivwene avahangala avo muli navo mbêpali neke unene tusivedzasa mbêpali hamu.
12Pakuva lwe ambakye mumuvili nimono, ambakye ṅani ulwa kusilila june.
13Ndakyene unene ndikuvavūla nditigila: konda kwe lilapulisa ilyevangeli lyangu ili, na ju mudala uju lulatambulika, lwe andimye unene ulu, dzilavedza dza kukumbusa pa ju mwene.
14-16: Mal. 14, 10. 11; Luk. 22, 3-6.
14Neke lino baho jumwi uva vańikyumi navavili, ali je Juda u-Sikalyoto ilitavwa, neke baho alungamilage kuvatekedzi avakomi,
15neke atigilage: mukumelaga kiki unene, ngana ndivavūliye pavwibatilo? Neke baho vakĕlanilage ulupija amakyumi gadatu (30). Joh. 11, 67.
16Neke baho amulage pakupasakula apanofu, apa kuvavūlilila. 1. Tim. 6, 9. 10.
17-19: Mal. 14, 12-16; Luk. 22, 7-13.
17Neke baho pakigono ikilongodzi ikya kulila uvugali uvudzilavuhâfu, neke baho avańigendwa vakwe neke vahegēlelage kwa Jesu neke vamuvudzage vatigilage: uveve utigye tukavujape pi apakulila akakolo ka pasa?
18Neke umwene atigilage: muhelelage ikâja jila, mukalongage kwa tunga jula, mukatigilage: umululema atigye tutigilage: isala jangu jifikye ija kulila pasa, nigye ndilile pa pako najune navańigendwa vangu. 21, 3.
19Neke baho avańigendwa vakwe neke vakalimage lulo, lwe āvalagye Jesu, neke vakavujapage ipasa.
20-30: Mal. 14, 17-26; Luk. 22, 14-23; Joh. 13, 21-26.
20Neke baho, vuvye vuhwe, neke akoṅomalage navańigendwa avańi-kyumi navavili mukulya.
21Neke atigilage: ndakyene unene ndikuvavula nditigila: ndevye twikalise vuli, pwali jumwinga umuńa-kumbulila nde mwâna va munu.
22Neke vavye valupulike ulu neke vahuguvalage mbandu neke vakole mukulonga jumwijumwi vatigilage: vona je nene, mutw’ ave?
23Neke atigilage: je tukikwinanila nani amavoko mukitonga, je mwene je muńa-kumbulila.
24Neke atigilage: umwene umwâna va munu, ujo je muńa-kuhelela ndeni, ndevye jilonga na ji hâte; neke iga umunu, je akumuvulila umwâna va munu; neke umunu uju al’ atane nukuvonekei’ ivala.
25Neke apilusage nu-Juda umuńa-kumuvūlila neke atigilage: ve mululem’ ave, vona je nene? Neke umwene atigilage: ena juve.
26Neke baho, pe vikola mukulya, neke baho Jesu inulage uvugali neke ahongedzage, neke ame-guliṅasage neke avapelage avańigendwa vakwe neke atigilage: kote mulidzage, uvwene uvu gwe muvili gwangu. 1. Kol. 11, 23-25.
27Neke inulage na ki kińwelo neke ahongedzage neke avapelage neke atigilage: kote muńwe-dzage mwivonda.
28Pakuva je danda jangu ja lufingo, ijikuvitikilaga avolofu, kwe dzivodzehedzwa indzanangifu.
29Neke lino unene ndikuvalongela: ukuhuma kuneṅuli unene sindilavuja mbwile ukuvuńwa uvutoṅoni uvu ukufika kukigono, kye tuladzińwelanila uvupya hela kuvutwa vwa dâda kukyâńa najune najuńeńe.
30Neke baho vimbage ulwîmbo ulwa kumulumbila Nguluvi. Neke baho vahumilage pivala neke baho valungamilage kukidunda ikimono. Luk. 22, 39; Joh. 18, 1.
31-35: Mal. 14, 27-31; Luk. 22, 31-34.
31Neke baho Jesu alongage atigilage: ikilo iki mwivonda mulatigila, nde muńa-kuvambudza, pakuva pahâte lolilwe ulwa kuta: „ndilamutova umudimi neke iṅolo dza mukipinga kyakwe dzilapalaṅana.“ Joh, 16, 32.
32Apo pe ndilava ndi-dzulubwike, apo ndilava-longolela ukukola mu-Galilaja. 28, 7.
33Neke baho apilusage Petele atigilage: nde vavedzage vakukulonga vonda ulwa kuta muńa-kutwambudza uveve, unene sindilalonga ukuta uli muńa-kutwambudza uveve nda.
34Neke baho Jesu apilusage atigilage: ndakyene unene ndikukuvula nditigila ki kilo kiki iki, pe jisina jivanga imbisi, uveve ve vwikanile kadatu, ukuta sindimudzelye. Joh. 13, 38.
35Neke kangi Petele apilusage atigilage: nalo nde luka luvedzage lwa kufwilanila swe, twifwilanila twivonda, sindikukukana hamu. Neke baho valujovelage lulo vonda navańigendwa avajagwe. v, 56.
36-46: Mal. 14, 32-42; Luk. 22, 40-46.
36Neke baho Jesu akavafikage navo paluvandza, lwe vitigila ilitavwa mwe mu-Getesemane. Neke pe akalongage navańigendwa vakwe neke atigilage: uńeńe mwikalage bahano, unene ndihelela pala mukulapangila.
37Neke avapatulage ava-Petele nava-mwa-Sebedaja ve vavīli neke ve ahelelage navo. Neke baho vumuńaṅamikage uvuhu-guvatu munumbula. Heb. 5, 7.
38Neke baho avalongelage atigilage: umutima gwangu guńeṅemye uvuhuguvafu, ndili ngita ndifwe kukufwa. Neke atigilage: uńeńe mwikale baha, munange najuńe, ulwa kuva mîho twivonda. Joh. 12, 27.
39Neke umwene ikwegage padebe hela neke baho agundamagepasi neke alapangilage atigilage: ve dâda, ikińwelo iki, ngana kili vudzumbo ukwangu, abo kidzumbe, neke lwa kiki, lwe ndikelye unene, mańi juve, lwadzage lulo, lwe ukelye juveve. Joh. 13, 11; Heb. 6, 8.
40Neke apilukilage, pe āvalekile avańigendwa vakwe neke adzage avone vagonelye. Neke baho alongage nu-Petele neke atigilage: humbi ve mulivo? pavalemile ukuva mîho napasala jimwinga hela?
41Lino muvedzage mîho, mulapangilage, ukuta uńeńe ulugemyo lutane ukuvagwila. Umubepo (gwa mugati) ugo hugo gwidike, ijene ińama ja muvili ijo ndzilangufu. Heb. 2, 14; 4, 15.
42Neke baho avwilage kangi ulwa kulapangua neke atigilage: ve dâda, ikińwelo iki, ngana si popali apavudzumbilo, apo swe ndińwedzage, apo mańi juve, lwe vwivedza ukelye.
43Neke avye adzile neke adzage avone kangi dzivatolile itulo, pakuva itulo dzavasumile.
44Neke baho swe avalekage neke kangi umwene ahelelage akalapangilage neke alongage gago amadzwi, ge alongile pamwandi. 2. Kol. 12, 8.
45Neke kangi adzage baho, pe āvalekile avani-gendwa vakwe, neke baho atigilage: swe mugonelele, mwapulage, mupole tândi, lolage isala jifikile; nde mwâna va munu ndikola mukusevulilwa mumavoko ga vahosi.
46Mwimage tuhelelage, afike umuńa-kumbulila unene.
47-56: Mal. 14, 43-50; Luk. 22, 47-53; Joh. 18, 3-12.
47Neke lino baho, pe avye ilonga amadzwi aga, huju u-Juda uva pikyumi navavili, akiletile ikipuga kya vanu, vakolelye namasâla nisondzo, avahumile na kuvatekedzi avavina na kuvandzagila ikisina.
48Neke umwene umuńa-kuvulila āvalongye nikimańilo ātigye: neke ngana muvwene ndikumunonela pamulomo, apo je mwene je mukamwibate vunofu.
49Neke baho nakalingi angupilage kwa Jesu neke atigilage: ndikukuhungila ve mwiganidzi; neke baho amunonelage kumulomo.
50Neke baho Jesu atigilage: ve mu, lwe vwadzye uveve? Neke baho vahegelelage avańa-kumwibata Jesu.
51Neke avene, avali nu-Jesu, neke ujungi ingi-dzage ilivoko lyakwe mukigono neke akwegage umumage neke amusandzage umuvanda va mutekedzi umuvina neke alidumulage ilisikidza lyakwe.
52Neke baho Jesu atigilage: ugomohedzage ikyūfya kyako mukigono kyakyo. Ndivwene vonda, avihumya imigoha, navo valafwa gu mugoha.
53Uveve vona vwihambula ndilemilwe ukuńilika avańa-kunanga kwa dâda, vwihambula aka ikana pakunumila ifīpuga fya vańa-mwandza, ifilutye nakwikyumi limwi nafivili uvolofu?
54Neke ihâte dzika dzikwapukaga vuli, pakuva luńa-kugendela baho.
55Neke baho alongage kukipuga neke atigilage: neke lino, pe mwadzile mukundzibata unene, muli ngita mukumwibata umukufi, mukolelye nimi-goha nisondzo! Ka mbēpali, pe ndaviganidzaga munumba mutembele, musandzibataga kiki?
56Neke dzonda idzi dzivonike ukuta dzapukage ihâte dza vavidzi. Neke baho avańigendwa vakwe neke vamulekage neke vonda avene neke vakimbilage. v. 31.
57-75: Mal. 14, 63-72; Luk. 22, 54-71; Joh. 18, 13-27.
57Neke baho avene, avamwibite Jesu, neke vamuhelelage nave kwa Kajifwa kwa mutekedzi umukomi, ulwa kuva kwe kwene, kwe valundanye navakagulihâte navandzagila avańa-kisina.
58Neke umwene Petele neke aninilage pavutali-tali ukudzifika navo kuńumba ja mutekedzi umukomi; neke ingilage neke ikalanilage navivaha. Atigye ndilolele, kwe dzikwapukila.
59Neke avene avatekedzi avavina navandzagila avańa-kisina nulukoṅano londa ulwa vahiga-nôngwa neke vasakulage hela ingomedzo dzimwi, idza kumugomehedza idza vudesi idza kumuvulagila.
60Neke valemwage; na pe vavonekaga avolofu, avańa-kufila uvudesi, napo valemwage ndesi. Ulwa mbele neke vadzage avangi vavili
61neke avo vatigilage: umunu uju unefwe tuvwene. itigila, unene ndi-dzelye ukumamula ikyânga kya tembele ja Nguluvi, kangi ndilajidzenga ifigono fidatu swe pakujidzusa. Joh. 2, 19-21.
62Neke baho image umutekedzi umuvina, amuvudzage atigilage: dzonda, dze vakukoleka ava idzi, uveve usipilusa nambi limwinga ndakyene?
63Neke umwene Jesu dzidzidzi ndeni, neke baho umutekedzi umukomi neke amuvwilage kangi ukumuvudza neke atigilage: uveve ujigage kwa Nguluvi umûmi, utulongelage, nde ndakyene nde uli Kilisiti, nde uli muswamuve va Nguluvi ndakyene uveve? 27, 12.
64Neke Jesu atigilage: e ndevye ululongile. Neke kangi ndikuvavūla unene nditigila: ulwihuma kuneṅuli mukumuvonaga umwâna va munu mulavona akoṅomye kwivoko ilya ndyo ilya muńangufu, kangi mulavona, pe ikwadza, igendela muma-funde aga kukyâńa. 16, 27; 21, 30.
65Neke baho umutekedzi umuvina neke ademulage nimyênda gyakwe neke atigilage: ehe, amuligile Nguluvi ululi fivi, pe tukatigye tufwahile mwe kiki ukuvasakula avangi avańa-kolela? Lolage, mulupulike mwivonda, pe akumuliga ululi fivi Nguluvi. Joh. 10, 33.
66Ndavuli lino, ńe vane? Neke baho avene vatigilage pakupilusa: akĕlwage ulwa kufwa. Joh. 19, 7.
67Neke baho vamufuńilage namati kumîho neke vamudzagulage nifivâte neke vamuvulikage nifundzi.
68Neke vatigilage: lino uvilage, pakuva uli Kilisiti, lino je nani, j’ aka mukukutova?
69Neke lino umwene Petele ujo akoṅomye pivala paluhegele, neke avonage huju umuvanda umudala ihegēlela apakwe itigila: najuve mwavedzasaga nu-Jesu uva mu-Galilaja.
70Neke baho umwene Petele neke akanage, pe vipulika vonda, neke atigilage: ndisidzikagwe na dze vwilonga.
71Neke avye ihuma mumulyango neke amuvonage ujungi umukiṅinavo, neke nave avalongelage, avali baho, neke atigilage: na juju avedzasaga na Jesu uva mu-Nasalete.
72Neke umwene kangi neke akanage kangi neke ongeledzage na lu lwa kujiga neke atigilage: gindimudzelye nambi ponu umunu uju.
73Neke pe vatinidze padebe, neke baho vahegēlelage kwa Petele va ve fimanye baho neke vatigilage: bela, ndakyene najuve uli mujanavo va jula, tuvwene jikuvulye indongele jako.
74Neke baho umwene ijigilidzage ahandze nukujiga atigilage: unene umunu, je mukumulonga, sindimudzelye nambi ponu. Neke baho imbisi neke jivangage.
75Neke baho Petele image nukukumbuka ilidzwi, lye amupavye u-Jesu, lye atigye: pe jisina jivanga indzogolo, uveve ve uńanile kadatu unene, neke baho ahumilage kwivala neke akole mukuvemba amohodzi, agidinda na kusingo. v. 34.
S'ha seleccionat:
Mataji 26: II
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Bena © Bible Society of Tanzania, 1958.