Mataji 24
24
24: Mal. 13; Luk. 21, 5-36.
1Neke baho Jesu avye ihuma mutembele neke ahelelage; neke avańigendwa vakwe neke vahegēlelage ukwakwe neke baho vamusonage ińumba ja tembele.
2Neke umwene apilusage atigilage: mujivwene jonda iji? Ndakyene unene ndikuvavula nditigila: lisilagelama iliganga nambi limwi pijagwe ilindzila-kumeńuka. Luk. 19, 44.
3Neke baho, pe ali pakidunda ikimono, neke avańigendwa vakwe vahegēlelage ukwakwe, pe videvwe, neke vamuvudzage vatigilage: ungatuganulila ikigono kya kwadzila dze ulongile, kye kilikwi? Nikimańilo ikya kumańila ukwadza uveve, kye kilikwi? Nikimańilo, ukuta fikwapulwa fyonda, kye kilikwi?
4Neke Jesu apilusage atigilage: mwigelage, mulolage, mutane ukudzangwa kwe jungi.
5Ndivwene avanu avolofu valadzila mwitavwa lyangu, valatigila: je nene, nde Kilisiti. Avanu avolofu valavadzanga. v. 24; Apos. 5, 86. 37; 1. Joh. 2, 18.
6Mulapulika namagoha ningōlo ja magoha. Apo mwali mulolage neke ukutinuka mwali mubihile; ndivwene lwe lunogye, ukuta lulongolage lulo; ulwene ulwa kwapulila pele lwave tândi.
7Pakuva ikipelela kimwinga ikya vanu kilakigalukila ikijagwe nuvutemi uvuńa-ńi vulavugalukila uvutemi uvujagwe. Filagwa nilipunge nifitamwa nikilindima kilali-ndima ińi dzonda.
8Neke dzonda idzi lwe lwamulilo hela lwa vuvafi.
9Pe pene pe valavasu-tulila kuvańa-kuvakinila, uńeńe valavavulaga, mulavedza vanuńwa kuvanu vonda, pakuva muli nilitavwa lyangu unene. 10, 17. 22; Joh. 16, 2.
10Idzi avolofu dzilava-mbudza neke valisutula vavo vene neke valisula vavo vene.
11Valavedza povali avolofu avavidzi va vudesi, avańa-kwadza mukuvajadza avanu avolofu. 7, 15; 1. Joh. 4, 1.
12Neke lino nulupunyo lulavedza lolofu lulakwila konda. Neke baho hela uvwênde vwa volofu vulavondela. 2. Tes. 2, 1 0; 2. Tim. 3, 1-5.
13Neke je akuligugumi-hidza ilidzwi lyangu ukufika pavwapulilo, apo ujo alanana. 10, 22; Luv. 13, 10.
14Neke inôngwa inofu idza vutwa idzi dzilatala dzipulise ku-ńi dzonda, mwe vadzengile avanu, ukuta dzivedzage dza kuvolekela avanu vonda, apo lino baho dziladza nidza vwapulilo. 28, 19; 10, 10.
15Nde lusiku, ngana mwali muvone ikińa-lugagi pavwîmike ikipalaṅasa, dze avilile umuvidzi Danyele, mwali mudzivone dzimiie pakivungu ikîmike neke je ilola ihâte neke aluvonage ulu, apo alulavage vunofu.
16Apo avagenda mu-Judaja, vali vakakimbililage kufidunda,
17neke je ali pikińa pakyâńa pańumba, ali atane ukukidukila, ukuta ndingile muńumba, ndinule ifinu fyangu. Luk. 17, 31.
18Neke na je agenda mukulima kudâsi imigunda gyakwe, ali atane ukupilukila kukâja mukutola imyênda gyakwe.
19Iga avakiṅinavo, avalavedza vańa-vuvaha navańa-końeledza avânapafigono fifyo.
20Neke uńeńe mulapangilage ukuta ulukimbila lweńo uńeńe lwali lutane ukuvafikila napakifuku napakigono kya ńwabaha. Apos. 1, 12.
21Ndivwene ulupumuko lwa kigono kikyo lulavedza lusutye lulo, lusavonike ulujagwe, ukuhuma pe jagavwaga ińi, kangi lusilavwila luvoneke ulungi nambi pambele.
22Neke lino ifigono fifyo fyali fibihile ukudumuli-ńaswa, apo asal’ apona nambi munu jumwinga. Neke filadumulililwa pava-hagulwa ifigono fifyo.
23Ifigono fifyo ngana mwali muvone munu itigila: lola huju kuno u-Kilisiti, apo mwali mutane ukumufuvwa.
24Ndivwene pene pala valivonesa nava-Kilisiti avańa-kudzanga navavidzi avańa-kudzanga neke valavonesa nifilóle nimitu igya kuvadzangila nava-hagulwa, nga sivilemwa avańa-kudzanga. v. 6. 11; 2. Tes. 2, 8. 9.
25Neke mulelage, ndi-vilye ṅani uneńe.
26Ngana muvwene vi-kuvatigila: huju muluṅalaṅala, apo uńeńe mwali mutane ukuhelela. Neke ngana vitigila: huju ali kumuginge kugati kuno, apo uneńe mwali mutane ukufuvwa.
27Ndivwene ndevye lwimulika ulumuli ulwa libalamusi ukuhuma kunena lwisunga lukafike kwe lisotela ilidzuva, na ju muswamuve va munu alagita ndeni, pe alava ikwadza. Luk. 17, 23. 24.
28Ndivwene pepweguli umufimba, apo namanga-simula giva gaholine baho. Luk. 17, 37.
29Apo nakalingi, pe vahumile mukupumuka avanu ulupumuko lwa pafigono fifyo, apo mulavoha nilidzuva litilivala numwêdzi gulakepuka umwēsêla (gwe gwavalaga), ninondwe dziîagala nadzi ngufu dza kukyâńa dzitigana. 2. Pet. 3, 10.
30Apo nikimańilo kya muswamuve va munu kukyâńa kilavonekela baho. Apo filavemba filalŏgōtela ifipelela fyonda ifya kwen’ ivala kuno, pakuva valamuvona umuswamuve va munu ukwadzila mumafunde aga kukyâńa, pe ikwadzila ningufu nindolo dzakwe. 26, 64; Luv. 1, 7; 19, 11.
31Apo baho , pe alava-tumila avańa-mwandza vakwe, avatova-milemo igidzova, ve vene avalava-lundasa avahagulwa vakwe, valavahuma navo kumibepo gye gitaji, vonda hela ukuhuma kulupendzela lumwinga ulwa kuvulanga ukwapulila kulujagwe. 1. Kol. 15, 52; 1. Tes. 4, 16; Luv. 8, 1. 2.
32Mulolele mumudzombe ulwa kumańagidza, pe mwilola ifipagwa fyakwe finunika, filembulidza amalembwâna, apo mwikagulila baho, ukuta iminga jihegelye.
33Luli ndeni najuńeńe, ngana muvwene fyadzile fyonda ifyen’ ifi, apo mwali mukagulilage baho, ukuta lino ali pîpi, ali pamulyango.
34Ndakyene ndakyene unene ndikuvavūla nditigila: vasijaga avanu avalino ava, dzikuvatalila tasi ukuvoneka, dze ndilongile idzi.
35Ińi nija kukyâńa nija pasi dzilajaga, neke amadzwi gangu ago gasilajaga ponu. 5, 18.
36Neke ikigono kyen’ ikyo na ji sala ja pen’ apo nambi munu asikimańile nda, navańa-mwandza va kukyâńa vasikimańile neke na ju muswamuve nave asikimańile, ajidzelye ju dâda kukyâna. 1. Tes. 5, 1. 2.
37Neke pakwadza umuswamuve va munu palavedza ngita mwâka gwa pa-Nwaka. Luk. 17, 26. 27.
38Bahala pafigono fila, pe vwadzilaga uvulava, neke pala avene avanu valyaga, vańwaga, vatolanaga, vatavulaga ninavula, ukufika pa pakigono kikyo, kye ingilililaga u-Nwaka mukyômbo. 2. Pet. 3, 5. 6.
39Neke avene nambi vadzelage nda, neke vavonage vu vulava vukuvatipula vonda. Neke na gu mwâka, gwe aladzila umuswamuve va munu, gulavedza ndeni.
40Neke pakigono kikyo valalimanila vavili umugunda gumwinga neke ujungi alanukilwa ujungi alalekwa baho. Luk. 17, 35. 36.
41Neke avakiṅinavo vavili valahalulanila indzala pam winga neke ujungi alanukilwa neke umujagwe alalekwa baho.
42Kye ndilesile nigilage: muvedzage mîho, pakuva isala ja kwadzila umutwa vińo musijidzelye. 25, 13.
43Mungakumbuka najuńe ukuta: na ju muńa-ńumba aka alukagulage ukuta, pasala itunga ja pakilo ikwadza umuhīdzi, apo aka igona ali mîho, nga akumukana umuhīdzi, pe itigila ajave ińumba jakwe. Luk. 12, 39-46.
44Kileka nigilage: mwilinganihidzage ńani na juńeńe, pakuva umuswamuve va munu aladzila isala, je mwitigila, si je jene ija kwadzila. Luv. 16, 15.
45Je nani lino umuvanda umumasimike umuńa-luhala, je amudzagidze umutwa vakwe ku vamu-ńumba jakwe, ukuta avapelage ifya kulya, nga jifike isala ja kulila.
46Apo je inomile umuvanda jujo, ngana ikwadza umutwa vakwe neke avonage, alimile lulo, lwe alagililwe. 26, 21. 23.
47Ndakyene unene ndikuvavula nditigila: apo aladzagidzwa, ukuta je avedzage muńa-kufīmīlila ifyûma fyakwe fyonda.
48Neke ngana umuvanda jujo muhaluka, munumbula jakwe ngana itigila: umutwa vangu alahwelela pakwadza,
49neke baho image mukuvatova avavanda avajagwe neke ahangage navagadzi nukulya nukuńwa,
50apo umuvanda jujo alatinuka umutwa vakwe ifika kisatu ikigono, kye asigelye, neke baho napasala, je asikujiliṅanidza.
51Neke apo umwene alasańwa pagati neke apo valamupelelela ikigavo kimwinga navakedusi. Mwe jilavedza nińûto, mwe lulavedza nulugeledzulo lwa mîno. 8, 12.
S'ha seleccionat:
Mataji 24: II
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Bena © Bible Society of Tanzania, 1958.