Mataji 23
23
1-38: Mal. 12, 38-40; Luk. 20, 45-47 (cf. Luk. 11, 39-52).
1Neke baho Jesu avalongelage avanu ikipuga nakuvańigendwa vakwe
2neke atigilage: pakitêngo kya Mose, pe pene pe vikadzile navakagulihâte nava-Fwalisaja.
3Neke lino dzonda, dze vikuvalongela, idzo dze mugendelage neke muvedzage nadzo neke amalimo ganavo, ge vilima avene, ago mutane ukuviga, pakuva ukulonga uko vilonga neke ukudzigendela vasigendela nda.
4Ukuvopa uko vivopa ifitegulo ifisito, ifisili vwinulo, fye fyene fye vikuvatwika avanu pamavega ganavo neke avene vitana nambi nukudamika ifyâla fyanavo.
5Neke amalimo ganavo, ge vilima, vilimila ukuta vatudzumage avanu. Utu-hâte twanavo, twe vakwi-kumbuhidza, tupabate neke nimidzivo gya myênda gyanavo mitali. 6, 1.
6Neke ngana avene vikoṅomala pakulya, pakwikala vakukwenda kuvuvina, na mu muńumba dza luholanilo vikwikala pafitêngo fya vutambule. Luk. 14, 7.
7Valukelye ukuta, avanu vavahungililage baha luvandza, vavatambulage ilitavwa ilya kuta Labi (mululema).
8Neke uńeńe mutane ukutigila, avanu vavata-mbulage ilitavwa ilya kuta Labi (mululema), ndivwene uńeńe muli nave umululema jumwinga hela, neke kangi uńeńe muli vavanda va jumwinga.
9Neke mutane ukumulonga umunu ukuta, je da-disu kwen’ eńi kuno, ndivwene muli nave udadeńo jumwinga hela, ju va kukyâńa.
10Nilya vulongodzi vatane ukuvalonga uńeńe avanu, pakuva uńeńe muli nave umulongodzi veńo jumwinga hela, je Kilisiti.
11Neke je itigila, ndivalutye avajangu vonda uvuvina, je avedzage mu-ńa-kuvalimilavangi mwivonda amalimo.
12Neke je akwiginya ju mwene, ujo alalevedzwa, kangi je akwilevedza ju mwene, ujo alaginalidzwa. Luk. 18, 14; 1. Pet. 5, 5.
13Iga ńe vakagulihâte najuńe, ńe va-Fwalisaja, ńe vakedus’ ańe, je mudindi-dze kuvutwa vwa kukyâńa, pe vitigila avanu twijingililage, pakuva uńeńe musikwmgila nda, kangi mukuvapilusa navitigila twijingilile.
14Iga ńe vakagulihâte najuńe, ńe va-Fwalisaja, ńe vakedus’ ańe, pakuva mwivona mulye ifya muńumba dza vadala avafwile, neke kangi mwihelela pakulapangila ululapangilo ulutali ulwa kwivulandza. Lwe lwene lwe mulalutililwa pakuhigwa, pe mulava mwihigwa.
15Iga ńe vakagulihâte najuńe ńe va-Fwalisaja, ńe vakedus’ ańe, pakuva mwigeluńasa namumibaka gyondaigya ńi, je mwilovoṅasa na dzi ndenga dzonda, pe mwitigila, tumuhambusage jumwi mujesu, kangi mwivona mumuvwene, kangi mukumu-hambusa je va kumôto gwa kuvulungu, je ilutila kangi naku kweńu (uvuvîfu).
16Iga ńe valongodzi, ńe vabofw’ ańe, pakuva mwitigila: je itambula ikyânga kya tembele, pe ijiga, ujo si nôngwa nda, neke je itambula isahabu ja pakyânga kya tembele, pe ijiga, ujo nôngwa. 15, 14.
17Ńe vapuva, ńe vabofw’ ańe, kiki ikilutye nisahabu neke nikyânga kya tembele? Kisilutye ikyânga kya tembele, ijijipelye uvwîmike na ji sahabu?
18Kangi mwitigila, je ijigila pakitekelelo, ujo si nôngwa nda, neke jeijigila pavusembe, uvuli pakite-kelelo pakyâńa, ujo nôngwa.
19Ńe vabofw’ ańe, kilutye kiki uvukomi nikitekelelo nuvusembe, si kye kyene ikitekelelo, ikikuvuhulila uvwîmike nuvusembe?
20Musidzelye lino ukuta: je ijiga kukitekelelo kya kutekelela, apo swe kwe kuva akijigile nakikyo nafyonda, ifili pakyâńa pakyene?
21Neke na je ijiga kukyânga kya tembele, apo ujo kwe kuva ajigile kujijo na kwa jujo, je ali mugati.
22Neke na je ijigila kukyâńa, nave kwe kuva ajigile nakukitêngo kya Nguluvi, kwe kuva ajigile na kwa mwene, je akoṅomye pakitêngo. 6, 34.
23Iga ńe vakagulihâte najuńe ńe va-Fwalisaja, ńe vakedus’ ańe, pakuva napambwiga napabânge napańungu apo mwipatula ifya pikyumi neke ingomi idza mumilagililwe idzo mukudzikańanga hela nidza kugolosa pamihigile inôngwa nidza kwipyanila nidza lufuvo idzo mudzilekile. Kiba muka mutigilage, idzingi dzila tudzilimage neke na dzi dzingi tutane ukudzileka, apo ngali kiba.
24Ńe mikilongodzi, ńe vapuv’ ańe, utuhâdzi uto mwihudza neke ingamila idzo mukudzimila hela.
25Iga ńe vakagulihâte najuńe, ńe va-Fwahsaja, ńe vakedus’ ańe, pakuva uńeńe mulubali lwa ndeve dzeńu nututonga tweńu mukufihogofya, neke mugati mumemile nulupupo nuvulyamuno. Mal. 7, 4.
26Ve mu-Fwalisaja, ve mubofw’ ave, ka ungahogofya tândi mugati ifitonga nifihelo, apo nuvwa mulubali finogelanila. Tit. 1, 15.
27Iga ńe vakagulihâte najuńe, ńe va-Fwalisaja, ńe vakedus’ ańe, pakuva muli ngita mombwe, dze vakuvulye ningesi, pe ukudzivona dzili ngita nofu, humbi mugati fimemile ifidzege fya vafwe nuvulamafu mumo mugati. Apos. 23, 3.
28Najuńeńe ve mulivo ndeni, pakuvoneka kuvanu muli ngita muli vagolofu, humbi mugati mumemidze uvukedusi nulu-punyo.
29Iga ńe vakagulihâte najuńe, ńe va-Fwalisaja, ńe vakedus’ ańe, pakuva mukudzidzengelela imombwe dza vavidzi neke mwinodzehedza imombwe dza vagolofu namaganga ga kukumbukila.
30Kangi mwitigila: twali tuvedzage pe twali pamyâka gila, pe vali povali avadadisu, apo ngali tusitanganye pakujisukula idanda ja vavidzi iji.
31Neke lino kwe kuva mukelidze nukuva mwi vâna vanavo, avavavulige avavidzi vala. Apos. 7, 52.
32Ongo lino mwapulidzage ikigelelo kya lwîmbo lwa vadadińo kila.
33Ńe ndzok’ ańe, ńe kipelela kya lihatw’ ańe, mulapona ndavuli ukukĕle-lwa umôto gwa kuvulungu? 3, 7.
34Kye ndilesile nigilage: lolage ndilavatumila navavidzi navańa-luhala navakagulihâte; neke ve vene avangi, je mulavavŭlaga, avangi mulavato-vela pakipindulihidzo, avangi mulavatova nisondzo, mulavatovela mu muńolanilo dzeńo, mulavalyundzalyundza mukâja dzonda. 13, 52.
35Pakuta idanda ja vagolofu, je musukwe kwen’ eńi kuno, jivadzilage juńe jonda hela, ukuhuma padanda ja Hebele umugolofu ukufika padanda ja Sakalija umwa-Belekija, jula je mwamuvŭlagye gatinagati nikyânga kya tembele nikitekelelo kya kwitekelela.
36Ndakyene uńeńe ndikuvavūla nditigila: dzen’ idzi dzonda dzikuvavona avanu va li lino ava, pele kovali ndeni.
37Uveve, ve Jelusalem’ ave, ve Jelusalem’ ave, je vwivŭlaga navavidzi, je vwikuvatova namaganga navatumilwe ku kwako, ńumile patali, pe ngatigye ndivalundase avâna vako, ndevye ińuku jikūvatila ifyâna fyajo mufipiko fyakwe, neke uńeńe mukanile. Luk. 13, 34. 35.
38Neke lolage, ińumba jeńo alavalekela lilungulu.
39Neke uńeńe ndikuvavula nditigila: lino musilambona nambi ponu ukufika pakigono, kye mulalongela ukuta: „hongela, je vwikwadzila mwitavwa lya mutwa.“ 21, 3.
S'ha seleccionat:
Mataji 23: II
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Bena © Bible Society of Tanzania, 1958.