Romans 1

1Paul, ɓèl Yèsu Kristi, man Bi Zhiklè a babayè a ndo sak na, a nciyè auda man i njè ma mbela'a; 2ma mbela'a man a mpasla nga ri nshèlèkura'a te ma ndohi nhadka ma nenga'a te Ƌèlèwèr Zhiklè nkezla'a. 3Ma mbela'a sa a géƋ kra nenga'a (man ta yu ara ndo, te verzi David; 4nenga'a kra Zhiklè man Mèzhèɓ Zhiklè nkezla'a a mva na wuƋai, a nslambaƋkaƋ na te ndev ndohi m'metsa'a).

5A géƋ Yèsu Kristi, Bi nga, nga ngots pombai, nga ngots mizlinè ndo sak, aman a nzlembaƋ nenga'a ndohi herkeda tèlèba ta cè a ndav, a ta fi gèƋè'a. 6Kinè te Rome ba, te va tenga'a. Yèsu Kristi a baba kinè, 7Zhiklè a woy kinè tèlèba, a baba kinè a ndohi nenga'a nkezla'a: Pombai a nda kinè, a gumi te Zhiklè, Bab nga, a Bi Yèsu Kristi.

8Nshèlèkura'a i gi susai a Zhiklè ga te Yèsu Kristi a géƋ kin tèlèba; aman herkeda tèlèba a ntsena labar ma ncè-a-ndav kinè. 9Zhiklè, nenga'a man i gi mizlinè nenga'a a ndav ga tèlèba, a i njè ma mbela'a a géƋ kra nenga'a, a suna, a gi malwuƋi a géƋ ga: i hér kinè pèc pècèk, 10a i tsi ri a géƋ kinè, a i jhèƋè aman i ngècè civèƋ ndè a sam kinè, man Zhiklè a woya'a.

11Mpataka kinè a keƋyè, a i woy a i Ƌè a i va kinè skwi man Mèzhèɓ Zhiklè a mvayè, a kin ngècé wuƋai'. 12A woy i zhè a sam kinè, aman nga bidè va nga te ncè-a-ndav nga. 13I woya aman kin suna, dalahimam ga: pats ngiƋè i huro i gaƋa i Ƌè a sam kinè, aman i ngècè skwi ntul mizlinè ga a sam kinè ba, lèmèlèmè ara man a sam ndohi herkeda ngiƋè; aman i ngatsa ria di ɓai.

14Mizlinè ga, aman i njè ta ndohi Grec, a ndohi man ta Grec ka ɓai; a ndohi maya, a ndohi man maya ta azɓai. 15Gar haha, man i slaha, i woy a i njè kinè ma mbela'a te kokwar Rome ba. 16Aman i gi hori ma mbela'a azɓai. Nenga'a wuƋi Zhiklè, man a mbel ta ndohi tèlèba, man ta cè a ndav; nshèlèkura'a ndohi Juif, te deɓa'a ndohi man Juif ka ɓai. 17Aman te ma mbela'a skwi nzura'a a Zhiklè a ngredè auda, skwi nzura'a man kin ngècè te ncè-a-ndav, aman kin Ƌè a ma ma te ncè-a-ndav, ara man ta windo:

Ndo man a ngots ngizura'a, te ncè-a-ndav a da nzi a nshèffè.

18Ndzoan Bi Zhiklè a ngredè auda te zhiklè a géƋ ndohai, a géƋ skwi ambaɓia'a, a skwi nzura ka ɓi tenga'a tèlèba. A skwi tenga'a man zura ka ɓai, ta gseda ma nzura'a a hai. 19Skwi man ndohi ta slaha ta shinè te Bi Zhiklè, ar ta suna; Bi Zhiklè a n'ngreda ta ma. 20Skwi Zhiklè, man ndo a slaha a nrka a di ɓai, ara wuƋi nenga'a a mèdèp, ara ngi nenga'a, ndo a shinè daga ngakaƋ herkeda, te skwi man Zhiklè a ngau. Gar haha Bi Zhiklè a jèke ta azɓai.

21Ta suna, Bi Zhiklè a zhè, aman ta slébèrdè nenga'a ara Zhiklè azɓai, ta ga na susi azɓai. Gar haha te skwi man ta hérè'a ta zlak ta, a ndav tenga'a, man a sun maya ɓai, n'ndha a ruva. 22Ta fí va, ta hérè'a, nga ndohi maya, a ta ndeda va ta a ndohi nrzla'a, 23a ta ngwoda n'njèl Bi Zhiklè man a ngwèdè azɓai, a skwi man lèmèlèmè ara ndo man a gèƋèsh na, ara ƌiakihai, a skwi ndzhamhai, a skwi nda a hwaƌhai.

24Gar haha, Zhiklè a njèke ta a ri nté tékè ndav ta, a skwi nlizhèa, a ta gedassa va ta a ri ta, 25a gèƋ man ta ngwoda ma Zhiklè nzura'a a ncèkèlma, a ta kalahai a deɓ sak skwi n'nga'a, a ta gu ɓèl nenga"a. Ta jèkeda Zhiklè, man a gu skwai, man n"njèlè nenga"a a zhè a mèdèp. Amen.

26Gar haha Zhiklè a njèke ta a ri ntètèkè man hori a gèƋè`a. Ngwozi tenga`a ta jèkeda civèƋ nyakaƋ ta, a ngwozi ta mènè a va ta, 27a ngurhi ta mènè a va ta. A ntètèkè a vècè te ndav ta ara vogwa, a ta gi skwi hori a va ta, a ta ngècè kita ta arsa, a gèƋ man ta beza zlawa.

28Arsa, a géƌ man ta huro nshin Zhiklè, skwi ambalai, Zhiklè a njèke ta a ri a maya tenga'a ambaɓia'a, a ta gi skwi horai.

29Ndav ta n'ndha a skwi nzura ka ɓi tsaƌ tsaƌ tèlè, skwi ambaɓia'a, ngi keda, shèwa, ngi srak, nkéƌ ndo, ndzoan, ngi rai, n'ngwèdè ndo; 30ta ngrè ndo, ta tsi demgasl, ta derƌ Zhiklè, ndohi man ta gaƌa: nga ɓi wa? Ta fì va, ta tsi wai, ta hér skwi man ambaɓi tsaƌ tsaƌ, ta gi mèdègèƌ a sam bab ta a mam ta, 31ta hér skwa azɓai, ta léɓèsl ɓai, ta woy ndo ɓai, ndo a se ta te va azɓai.

32Ta sun ma nkwèr Zhiklè, a ta suna, ndohi man ta gi skwi ambaɓia arsa, sèi ta ngecè kita m'metsi ta; aman ta gia'a genè. Ta gia genè ka ɓai, aman ta nzala tengahia ba, a géƌ man ta gia'a.

Currently Selected:

Romans 1: MAFNT

Highlight

Copy