Popular Bible Verses from Romans 1

Share

Aman i gi hori ma mbela'a azɓai. Nenga'a wuƋi Zhiklè, man a mbel ta ndohi tèlèba, man ta cè a ndav; nshèlèkura'a ndohi Juif, te deɓa'a ndohi man Juif ka ɓai.

Aman te ma mbela'a skwi nzura'a a Zhiklè a ngredè auda, skwi nzura'a man kin ngècè te ncè-a-ndav, aman kin Ƌè a ma ma te ncè-a-ndav, ara man ta windo: Ndo man a ngots ngizura'a, te ncè-a-ndav a da nzi a nshèffè.

Skwi Zhiklè, man ndo a slaha a nrka a di ɓai, ara wuƋi nenga'a a mèdèp, ara ngi nenga'a, ndo a shinè daga ngakaƋ herkeda, te skwi man Zhiklè a ngau. Gar haha Bi Zhiklè a jèke ta azɓai.

Ta suna, Bi Zhiklè a zhè, aman ta slébèrdè nenga'a ara Zhiklè azɓai, ta ga na susi azɓai. Gar haha te skwi man ta hérè'a ta zlak ta, a ndav tenga'a, man a sun maya ɓai, n'ndha a ruva.

a gèƋ man ta ngwoda ma Zhiklè nzura'a a ncèkèlma, a ta kalahai a deɓ sak skwi n'nga'a, a ta gu ɓèl nenga"a. Ta jèkeda Zhiklè, man a gu skwai, man n"njèlè nenga"a a zhè a mèdèp. Amen.

Ndzoan Bi Zhiklè a ngredè auda te zhiklè a géƋ ndohai, a géƋ skwi ambaɓia'a, a skwi nzura ka ɓi tenga'a tèlèba. A skwi tenga'a man zura ka ɓai, ta gseda ma nzura'a a hai.

Gar haha Zhiklè a njèke ta a ri ntètèkè man hori a gèƋè`a. Ngwozi tenga`a ta jèkeda civèƋ nyakaƋ ta, a ngwozi ta mènè a va ta, a ngurhi ta mènè a va ta. A ntètèkè a vècè te ndav ta ara vogwa, a ta gi skwi hori a va ta, a ta ngècè kita ta arsa, a gèƋ man ta beza zlawa. Arsa, a géƌ man ta huro nshin Zhiklè, skwi ambalai, Zhiklè a njèke ta a ri a maya tenga'a ambaɓia'a, a ta gi skwi horai.

Ta fí va, ta hérè'a, nga ndohi maya, a ta ndeda va ta a ndohi nrzla'a, a ta ngwoda n'njèl Bi Zhiklè man a ngwèdè azɓai, a skwi man lèmèlèmè ara ndo man a gèƋèsh na, ara ƌiakihai, a skwi ndzhamhai, a skwi nda a hwaƌhai.