Acts 28

1Aman nga mbel nga ma, nga tsena'a, herkeda nte ndev iyam matsa, nzlembaƋ na Malte. 2A ndohi ta ce nga amba a vata. Ta vatsa vogwa, a géƋ man iyam a gai, a mtasl a keƋ nga. 3Aman Paul a mpor shègwa, a mpeda a vogwa, ntümsho a mshkè auda, aman vogwa a dza na, a mpaƌa na va a ri a Paul. 4Aman ndohi ta rka zhüzhok a zhutera a ri Paul, ta goƋ a va ta:

Ndo haha ndo nkeƋ ndo, ko a mbèl na te va iyam mbia'a, Zhiklè a da jèka na nshèffè azɓai.

5Aman Paul a nktsaɓda zhüzhok a va vogwa, a skwi ambaɓia'a a n'nga na ɓai. 6A tengahi ta zhoro, aman ri nenga'a a da hézl na, a kèlèhai, a metsi na. Aman ta zhoro n'nzi a zhè, ta rka skwi ambaɓia'a a ga na azɓai, ta hur tsaƌ, a ta gaƌa:

Nenga'a a zhiklè.

7A sama'a ndo mbia'a, nzlembaƋ na Publius, na a gi mbia'a, a mpe nga a gi a mbrok, a ndav amba, m'mèn makar. 8A bab Publius m'mana t'hai, vogwa a va, hwaƋ a haƋa. A Paul a mdo a sam na, a ntsu rai, a mfa na ri a gèƋ, a mbela'a. 9Aman a gu arsa, ko ndohi ngiƌè a sama'a te ndev iyam, man skwa a dza ta, ta shkè, a ta mbel ta te matakwan.

10A ta nzal nga a vata. Aman ngo do a ma, ta va nga skwi tèlèba man nga tèkwènè'a. 11Te deɓ ki makar, nga jèkeda sama'a te wurom Alexandrie, man a nza a sam nte ndev iyam a via, nzlembaƋ na Tsakalai. 12Aman nga ndika a kokwar Syracuse, nga nza a pa m'mèn makar. 13Aman nga tèuda a wurom, nga ndika a ma Reggio. Te deɓ m'mèn staƋ, aman kozlar te dukwaƋ a nslambaƋa, nga ndika a Pouzzoles, te mangoslèma'a.

14Te pa nga ngots kramamhai, a ta tsa nga rai, aman nga nzi a sam ta m'mèn tsaraƋ. 15Arsa nga ndika a kokwar Rome. Te pa, aman kramamhi ta tsena labar ma nga, ta shkè, aman ta zli gèƌ a nga, te kokwar Appius, a TroisTavemes. Aman Paul a rka ta, a nshüd gèƋ a Zhiklè, a m'mana ndav na.

16Aman nga ndika a kokwar Rome ma, Paul a n'ngots civèƋ, aman a nzi a géƋ na, ta a sojè man a ɓirè'a. 17Tedeɓ m'mèn makar, Paul a mbaba ta ndohi mbibihia"a te ndev ndohi Juif tèlèba. Aman ta ɓica va, a ngaƋa ta:

Kinè ndohai, kramamhi ga, ko i ga ta skwi a ndohi nga ɓai, a i gedassa skwi man bababhi nga ta gia ɓai, i shkè te kokwar Jérusalem, ndzawa'a, a ta viyè a ri a ndohi Rome. 18Tengahi man ta tsena ma ga, ta woy a ta priyè, te man ta ngatsa ma a sam ga ɓai, a géƌ nenga'a man i da metsi ga.

19Aman ndohi Juif ta woya ɓai, sèi i boho bi César. I baba ɓai, a géƌ man i pin ta ndohi kokwar ga. 20A géƌ nenga'a i tsu rai, aman i rka kinè, a i gaƋa kinè. I zhè te cèlèlèu haha a géƌ skwi man lsrael a zhèrè'a.

21A tenga'a ta gaƋa na:

Nga ngots Ƌèlèwèr te kokwar Judée a géƌ ngaya ɓai, a kramam nga ngiƌè a mshkè ɓai, aman a ngreda nga skwi man ambaɓai a géƌ ngaya.

22Aman nga woy a nga tsena ma man ka suna; nga sun skwi ngiƌè a géƌ civèƌ haha ɓai, sèi ara man ta gèƌe skwi ambaɓia'a a gèƋè'a.

23Aman ta pasla ri a gèƋ pats staƋ, a ndohi kumba ta shkè a sam na, a gi man nte pa, nenga'a a njè ta, a n'ngreda ta kokwar Bi Zhiklè, a nsenda ta ma Yèsu, a hüno te ma kita Zhiklè, a nda na ma a ndohi nhadka ma; a hüno a prèk te gai, ha nƋè a ma vaƋ. 24Matrhia'a ta co ma nenga'a, matrhia'a ta ca ɓai. 25Aman ndav tenga`a ndzakaɓa, ta venda gèƋ, aman Paul a goƋ ma staƋ:

Mèzhèɓ Zhiklè a ngaƌa ta bababhi kinè amba te ma Esaie, ndo nhadka ma, man a gaƌa: 26Do a sam ndohi haha, a ka gaƋa ta: Kin fi zlembaƋ, aman kin tsena ɓai, a kin pi dai, aman kin rka ɓai. 27Aman ndav ndohi haha nsassaya, a ta nƋè zlembaƋ dislè'a, a ta pizlè di ticè'a, a gèƋ man pats ngiƋè ta rka di asaɓai, a ta tsena zlembaƋ asaɓai, a ndav tenga'a a sun asaɓai, a ta menkaƌa deɓa ɓai aman i mbél ta.

28Anai i ngreda kinè, aman skwi m'mbel ndo Zhiklè haha, ta zlündo a sam ndohi nte deɓa; a tenga'a ta da cinè'a.

30A Paul a n'nza a pa mvi cèw, a nce ta ndohi tèlèba man ta shkè a sam na. 31A njè ta ma kokwar Bi Zhiklè tèlèba, a m'menda ta ma Bi Yèsu Kristi a mwuffè, ndo a ngedassa civèƋ nenga'a ɓai.

Currently Selected:

Acts 28: MAFNT

Highlight

Copy