Salmos 96
96
1Häˊ hnähꜘ kihꜗ DSAˉJØ̱Ø̱Hˈ jnänˋ kya̱a̱hˊ su̱ꜚ hmëëꜘ.
Hnähꜘ hi̱ˉ tä̱ä̱hˊ läꜙka̱a̱ˉ hwaꜗ,
häˊ hnähꜘ kihꜗ DSAˉJØ̱Ø̱Hˈ jnänˋ.
2Häˊ hnähꜘ kihꜗ DSAˉJØ̱Ø̱Hˈ jnänˋ, jmeeˊ hnähꜘ jʉʉhˉ kiyhꜗ.
Läꜙjëꜙ jmɨɨˊ baˊ hlë̱ë̱hˊ hnähꜘ dsaˉ haˉ läꜙ lä̱ä̱y˜ jneˊ.
3Hlë̱ë̱hˊ hnähꜘ dsaˉ kihꜗ läꜙjëꜙ heˉ jʉhˉga̱a̱ˉ heˉ jmeeyꜙ.
Waˊ hlë̱ë̱hnˊ läꜙjë̱ë̱ꜙ dsaˉ kihꜗ taˊ heˉ jmeeyꜙ.
4Jëëhꜘ hñiiꜘ baˊ Dio la̱a̱ꜗ jø̱ø̱hˈ, hi̱ˉ lleˋ hänˊ kihˈ chaˉmiihˉ.
Kihꜗ hñiiꜘ bihꜗ lleˋ jmeenˊ ga̱hnꜙ chaˉgaˊmiihˉ läꜙko̱hꜘ gaˊ kihˈ jeeˊ läꜙjë̱ë̱ꜙ dio hi̱ˉ naˉla̱a̱ꜚ ka̱a̱h˜ dsaˉ.
5Läꜙjë̱ë̱ꜙ dio kya̱a̱ꜗ dsaˉ, saꜙ chaˉ heˉ la̱a̱yꜗ niꜙ miihˉ.
Jëëhꜘ DSAˉJØ̱Ø̱Hˈ jnänˋ baˊ hi̱ˉ gaꜙjmeeꜘ gyʉʉhˈ jmɨˉgyʉʉꜙ.
6Peerꜙ jihˈgye̱hꜗ jnäꜘ hiꜙ ta̱hꜙ jmëëꜗ jeeˊ gyayˈ.
Gwahꜙ kiyhꜗ miˉjnääꜙ haˉ ko̱hꜘ saꜙ chaˉ beꜘ kiyhꜗ
hiꜙ haˉ ko̱hꜘ saꜙ la̱a̱yꜗ naˊhñaahꜗ.
7Hnähꜘ dsaˉ hi̱ˉ tä̱ä̱hˊ läꜙka̱a̱ˉ jeeˊ jwɨɨˉ,
jmeeˊ hnähꜘ jʉʉhˉ kihꜗ DSAˉJØ̱Ø̱Hˈ jnänˋ hi̱ˉ chaˉ beꜘ kihꜗ.
8Jmeeˊ hnähꜘ jʉʉhˉ kihꜗ DSAˉJØ̱Ø̱Hˈ jnänˋ läꜙko̱o̱ˉ lleˋ kiyhˈ.
Yaˉnääꜘ hnähꜘ jeeˊ chihˈ gwahꜙ kiyhꜗ
mahꜗ kye̱ˉ miihˉ heˉ kwëëhˈ hnihꜘ.
9Jmeeˊ hnähꜘ jʉʉhˉ kiyhꜗ läꜙ gaꜙtëꜘ gwahꜙ naˉjngɨɨˈ jeeˊ laˈ naˊhñaahꜗ kiyhꜗ.
Läꜙjë̱ë̱ꜙ dsaˉ hi̱ˉ tä̱ä̱hˊ läꜙka̱a̱ˉ hwaꜗ waˊ ga̱yhꜙ.
10Jmeehˋ hnähꜘ juuˈ kihꜗ dsaꜙ,
DSAˉJØ̱Ø̱Hˈ jnänˋ baˊ hi̱ˉ gyaꜗ jmeeꜙ hihꜙ.
Gaꜙjmeeyꜘ gaꜙjä̱ꜘ ko̱o̱ˉ hwehˉ jmɨˉgyʉʉꜙ,
mahꜗ saꜙ saˊjehꜗ ji̱hˊko̱hꜘ.
Kya̱a̱hˊ juꜗdsooꜘ jmahꜗ baˊ llayꜗ taˊ kihꜗ läꜙjë̱ë̱ꜙ dsaˉ jmɨˉgyʉʉꜙ.
11Waˊ jë̱ë̱ˉ hohꜘ hnähꜘ hi̱ˉ tä̱ä̱hˊ gyʉʉhˈ jmɨˉgyʉʉꜙ,
läꜙja̱ˉ hi̱ˉ tä̱ä̱hˊ hwaˈ laˉ kaˉlähꜘ.
Waˊ hi̱i̱ˊ ki̱i̱ˉ heˉ hlu̱hꜙ jmɨˉñeehꜚ
hiꜙ läꜙja̱ˉ waˊ cha̱a̱ˉ lluꜗ läꜙjë̱ë̱ꜙ hi̱ˉ tä̱ä̱hˊ nehꜙ jmɨɨꜙ.
12Waˊ jnäꜘ eehˉ ja̱hꜘ läꜙka̱a̱ˉ jeeˊ nuuˉ.
Läꜙja̱ˉ läꜙjëꜙ chahˈhmaˉ heˉ chaˉ mohꜘ, waˊ eehˉ ja̱hꜘ.
13Ko̱ˉjø̱hꜘ baˊ häˊ hnähꜘ chaˊnëˊ DSAˉJØ̱Ø̱Hˈ jnänˋ,
jëëhꜘ hñiiꜘ bihꜗ jä̱yhꜘ yaˉllayˉ taˊ kihˈ dsaꜙ.
Yaˉllayˉ taˊ kihˈ läꜙjë̱ë̱ꜙ dsaˉ kya̱a̱hˊ juꜗdsooꜘ jmahꜗ.
Currently Selected:
Salmos 96: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
