Salmos 95
95
1Yaˉnääꜘ hnähꜘ,
waˊ cha̱a̱ˉ jneˊ lluˈ waˊ hänˊ kihˈ DSAˉJØ̱Ø̱Hˈ jnänˋ.
Waˊ hänˊ läꜙka̱a̱ˉ tuhˉdsëˉ jneˊ kihꜗ hi̱ˉ chehꜗ nëˊ jnänˋ hi̱ˉ lä̱ä̱˜ jneˊ.
2Waˊ llaˉnøøꜗ jneˊ chaˊnëyˊ mahꜗ kwanˊ tiˊhmaahˊ kiyhˈ.
Waˊ hänˊ su̱ꜚ hiꜙ waˊ jmeenˊ jʉʉhˉ kiyhꜗ.
3Jëëhꜘ DSAˉJØ̱Ø̱Hˈ jnänˋ, la̱a̱ꜗ Dio jø̱ø̱hꜗ,
hi̱ˉ la̱a̱ꜗ Rey jø̱ø̱hˈ gaˊ kihꜗ jeeˊ läꜙjë̱ë̱ꜙ dio hi̱ˉ naˉla̱a̱ꜚ ka̱a̱h˜ dsaˉ.
4Hñiiꜘ bihꜗ häˊ gooyˉ läꜙko̱o̱ˉ ñiihˊ kyeˉ hwaꜗ laˉ.
Kihꜗ bihꜗ laꜗ mohꜘ heˉ ñiiꜘ gaˊ.
5Kihꜗ bihꜗ laꜗ jmɨˉñeehꜚ, jëëhꜘ hñiiꜘ bihꜗ gaꜙjmeeyꜘ.
Kya̱a̱hˊ gooyˉ gaꜙjmeeyꜘ hwaꜗ laˉ.
6Yaˉnääꜘ hnähꜘ, waˊ ju̱hnˊ jnënˊ waˊ jmeenˊ jʉʉhˉ kiyhꜗ.
Waˊ ju̱hnˊ jnënˊ chaˊnëˊ Dio hi̱ˉ gaꜙjmääꜗ jneˊ.
7Jëëhꜘ hñiiyꜘ la̱a̱yꜗ Dio jnänˋ.
La̱a̱ꜗ jneˊ läꜙko̱hꜘ borrego mähꜗ kya̱a̱yꜗ.
Hiꜙ hñiiyꜘ la̱a̱yꜗ jnänˋ läꜙko̱hꜘ hi̱ˉ hä̱ä̱˜ jahꜘ.
8Cherˊmahꜗ naꜗ nuuhˈ hnähꜘ juuˈ kiyhꜗ.
Taꜙ jmeeˉ hnähꜘ hwehˉ tuhˉhohꜘ hnähꜘ,
läꜙko̱hꜘ gaꜙjmeeꜘ dsaˉ jeeˊ laˈ hwaꜗ Meriba,
ja̱ˉbaˊ jeeˊ che̱e̱ˉ Masah jeeˊ laˈ hwaꜗ ki̱i̱ꜙ ja̱ˉ.
9Jeeˊ ja̱ˉ dsaˉ maˉgyu̱hˉ kya̱a̱ꜗ hnähꜘ gaꜙkooyꜘ kya̱a̱hˊ jnäꜘ,
maˊ jëëy˜ heˉ gaˊ naˉ maˊ jmeenꜙ kya̱a̱yhˊ.
Gaꜙka̱yꜗ dsënꜙ maꜙkeꜙ gaꜙjëëyꜗ heˉ jʉhˉga̱a̱ˉ heˉ gaꜙjmeenꜗ kya̱a̱yhˊ.
10To̱ꜗlooꜗ ji̱ˉñeˉ maˊ jä̱ä̱ꜙ jnihꜘ
saꜙ gaꜙtɨhꜗ dsënꜙ heˉ maˊ jmeeyꜙ.
Heˉja̱ˉ gaꜙjwahnꜗ:
“Dsaˉ laˉ tä̱ä̱hˊ läꜙ hyohˉ dsëꜗ,
saꜙ jmeeyꜙ heˈ madaꜚ kinꜙ.”
11Heˉja̱ˉ gaꜙtä̱ä̱nˋ hñiinꜙ,
maˊ gaꜙyaꜙjë̱ë̱ˈ dsënꜙ kya̱a̱hˊ dsaˉ heꜘ:
“Saꜙ he̱yhꜗ jeeˊ te̱e̱hnˊ dsënꜙ”, gaꜙjähꜘ Dio.
Currently Selected:
Salmos 95: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
