Popular Bible Verses from Salmos 96

Share

Jëëhꜘ hñiiꜘ baˊ Dio la̱a̱ꜗ jø̱ø̱hˈ, hi̱ˉ lleˋ hänˊ kihˈ chaˉmiihˉ. Kihꜗ hñiiꜘ bihꜗ lleˋ jmeenˊ ga̱hnꜙ chaˉgaˊmiihˉ läꜙko̱hꜘ gaˊ kihˈ jeeˊ läꜙjë̱ë̱ꜙ dio hi̱ˉ naˉla̱a̱ꜚ ka̱a̱h˜ dsaˉ.

Häˊ hnähꜘ kihꜗ DSAˉJØ̱Ø̱Hˈ jnänˋ, jmeeˊ hnähꜘ jʉʉhˉ kiyhꜗ. Läꜙjëꜙ jmɨɨˊ baˊ hlë̱ë̱hˊ hnähꜘ dsaˉ haˉ läꜙ lä̱ä̱y˜ jneˊ.

Häˊ hnähꜘ kihꜗ DSAˉJØ̱Ø̱Hˈ jnänˋ kya̱a̱hˊ su̱ꜚ hmëëꜘ. Hnähꜘ hi̱ˉ tä̱ä̱hˊ läꜙka̱a̱ˉ hwaꜗ, häˊ hnähꜘ kihꜗ DSAˉJØ̱Ø̱Hˈ jnänˋ.

Hlë̱ë̱hˊ hnähꜘ dsaˉ kihꜗ läꜙjëꜙ heˉ jʉhˉga̱a̱ˉ heˉ jmeeyꜙ. Waˊ hlë̱ë̱hnˊ läꜙjë̱ë̱ꜙ dsaˉ kihꜗ taˊ heˉ jmeeyꜙ.

Jmeeˊ hnähꜘ jʉʉhˉ kiyhꜗ läꜙ gaꜙtëꜘ gwahꜙ naˉjngɨɨˈ jeeˊ laˈ naˊhñaahꜗ kiyhꜗ. Läꜙjë̱ë̱ꜙ dsaˉ hi̱ˉ tä̱ä̱hˊ läꜙka̱a̱ˉ hwaꜗ waˊ ga̱yhꜙ.