Salāmo 91
91
O le Manuia o ē Amio Atua; o le Atua e Mamalu ai i Latou
1O le nofo i le mea lilo o i ai lē Silisili‘ese,#Sala 32.7; 121.5; Isai 25.4; 32.2
e mau o ia i le paolo o Lē e ona le malosi uma lava.
2‘Ou te fa‘apea atu i le ALI‘I,
“O lo‘u malu o ia ma lo‘u ‘olo;
o lo‘u Atua ‘ou te fa‘atuatua ‘iā te ia.”
3Auā o ia na te lavea‘iina oe i le mailei a lē fai manu,#Sala 124.7
ma le fa‘ama‘i e oti ai.
4E ufiufi ifo o ia ‘iā te oe i ona ‘apa‘au,
‘e te sulufa‘i fo‘i i lalo o ona ‘apa‘au;
e faia lona fa‘amaoni māu talipupuni ma mea e puipuiina ai oe.
5‘E te lē mata‘u i le mea mata‘utia i le po,#Iopu 5.19; Fa‘ata 3.23; Isai 43.1-2
ma le ū fanafana e lele i le ao.
6O le fa‘ama‘i e fealua‘i i le pogisā,
ma le mala e fano ai i le aoatea.
7E pa‘u‘ū se to‘aafe i ou tafatafa,
ma le mano#91.7 mano po o to‘atele na‘uā po o e lē mafaitauina.i lou itū taumatau;
‘ae lē tāitāi ane ‘iā te oe.
8Na ‘ona va‘ai i ai ou mata,
‘e te iloa atu fo‘i le taui o ē amio leaga.
9Auā o oe, le ALI‘I e, o lo‘u malu oe,
na e faia lē Silisili‘ese ma mea ‘e te nofo ai.
10E lē o‘o ‘iā te oe se mea leaga#Fa‘ata 12.21
e le tāitāi ane fo‘i se mala i lou fale ‘ie.
11Auā e poloa‘i atu ia i ana agelu ‘iā te oe,#Mata 4.6; Luka 4.10
e tausi ‘iā te oe i ou ala uma.
12Latou te ‘ave ‘iā te oe i o latou lima,#Mata 4.6; Luka 4.11
ne‘i tū‘ia lou vae i se ma‘a.
13‘E te solia le leona ma le asipi;#Luka 10.19; Galu 28.5
‘e te solia lava le leona ta‘anoa ma le tanimo.
14‘Ona ‘ua naunau mai o ia ‘iā te a‘u,
o le mea lea ‘ou te fa‘aolaina ai o ia;
‘ou te fa‘amamalu ‘iā te ia ‘ona ‘ua iloa e ia lo‘u igoa.
15E vala‘au mai o ia ‘iā te a‘u ‘ona ‘ou tali atu ai lea ‘iā te ia;#1 Samu 2.30; Iopu 12.4; Sala 50.15; Iere 33.3; Saka 13.9; Ioane 12.26
o a‘u, ‘ou te ‘iā te ia i le puapuagā;
‘ou te lavea‘iina o ia ma ‘ou fa‘atupuina lona mamalu.
16O le olaga fa‘afualoa e malie ai o ia ‘iā te a‘u;#1 Tu 3.14; Sala 21.4; 50.23
‘ou te fa‘aali atu fo‘i ‘iā te ia la‘u fa‘aolataga.
Currently Selected:
Salāmo 91: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
