Popular Bible Verses from Salāmo 91

Share

‘Ou te fa‘apea atu i le ALI‘I, “O lo‘u malu o ia ma lo‘u ‘olo; o lo‘u Atua ‘ou te fa‘atuatua ‘iā te ia.”

O le nofo i le mea lilo o i ai lē Silisili‘ese, e mau o ia i le paolo o Lē e ona le malosi uma lava.

E vala‘au mai o ia ‘iā te a‘u ‘ona ‘ou tali atu ai lea ‘iā te ia; o a‘u, ‘ou te ‘iā te ia i le puapuagā; ‘ou te lavea‘iina o ia ma ‘ou fa‘atupuina lona mamalu.

Auā e poloa‘i atu ia i ana agelu ‘iā te oe, e tausi ‘iā te oe i ou ala uma.

E ufiufi ifo o ia ‘iā te oe i ona ‘apa‘au, ‘e te sulufa‘i fo‘i i lalo o ona ‘apa‘au; e faia lona fa‘amaoni māu talipupuni ma mea e puipuiina ai oe.

Auā o oe, le ALI‘I e, o lo‘u malu oe, na e faia lē Silisili‘ese ma mea ‘e te nofo ai. E lē o‘o ‘iā te oe se mea leaga e le tāitāi ane fo‘i se mala i lou fale ‘ie.

Auā o ia na te lavea‘iina oe i le mailei a lē fai manu, ma le fa‘ama‘i e oti ai.

E pa‘u‘ū se to‘aafe i ou tafatafa, ma le manoi lou itū taumatau; ‘ae lē tāitāi ane ‘iā te oe.

‘E te lē mata‘u i le mea mata‘utia i le po, ma le ū fanafana e lele i le ao. O le fa‘ama‘i e fealua‘i i le pogisā, ma le mala e fano ai i le aoatea.