Azaya 11
11
Gâloŋ-laai nyíi lii-sêe káa zui
1Deeƃé ŋɔsuui káa yɛ̂ɛ wúru nyíi da dèe zame fa sâai. Da dèe ŋume a tɛ̂niŋ ŋɔ́nɔ pôlu. Kâloŋ nina a pâi kulâi ŋɔ́nɔ ŋɔsuui su.
2Yâwɛɛ ŋɔmɔlêŋ a pâi kɛ̂i m̀ɛi, dáreɛɛ,
gíli ŋá ponoɔɔ nûa mɛi káa pere su.
A pâi Yâwɛɛ kɔ̂lɔni gɛ́ ƃaa kɛ́-maa tɛ̀ɛ bɔ́.
3A pâi kɛ̂i a ǹíi-laa, ƃaa kɛ́-maa tɛɛ mɛ̂ni ma Yâwɛɛ pɔ́.
Vé pâi núu da ŋɔmɛni ŋá-têei lɛ́ɛ sere-faa-woo ma kpaa máŋ núu kɛ́ pere ma.
4Kɛ́lɛ, ŋɔmɛni-teɛɛi a pâi kɛ̂i a tɔ̃yâ mɛni ŋá-teɛɛ ǹuu doo mu-ŋai mɛni ma.
A pâi diai maa kɔ̃ɔi pɔ̂ri mâa fé dîɛi.
A pâi mɛni nyɔ́mɔɔ kɛ́-ƃela kula maa kɛ̂i,
díkelee dísaa.
5A pâi ŋɔnûai mɛi kâai tɔ̃yâ-laa da teniŋ ƃô-pere su.
6Ƃála da lɔɔ-ɣîla-ŋa da pâi kɛ̂i kwaa tɔ̂nɔ ma lii-sêe su.
Kɔ́li da ƃoli-lônii da pâi kɛ̂i nyiî kwaa tɔ̂nɔ ma.
Niŋa-lônii da yala-sulu lònii da pâi kɛ̂i dí láa miî gîe ma,
nîa-pɛlɛɛ dí kɛ́ dímɛi kâa.
7Niŋa-ŋa da ditala-ŋa da pâi kɛ̂i dílaa miî gîe ma.
Dílônii da pâi kɛ̂i kwaa tɔ̂nɔ ma lii-sêe su.
Ǹyala-sulu-ŋai da pâi kɛ̂i kala ŋunu miî nɔ́ yɛ̂ɛ berei daa-tûlɛ-ŋai da gɛ̀ lai.
8Kwâtara kpîŋ a pêle kɛ̀ a kali nyɔ́mɔɔ,
maa kâlii tí fa sɛŋ da kɛ̀ la.
9Sɛŋ nyɔ́mɔɔ da kélee fé pâi lɛɛ̂i
Ɣâla Ŋɔyée maa waai Zãiyɔŋ ma.
Yâwɛɛ maa kili ŋa-ponoi kélee a pâi kɛ̂i naa,
yɛ̂ɛ berei nɔ́ yúo fa wɔ́lɔ kpàla lai.
Gɔ-sôŋ-ŋai da pâi ŋɔ́nɔ pâi pôlu
10Da pâi kâloŋ da maa sɔlɔ ƃôi Gâloŋ Deeƃé ŋɔsuui su a ɣele tɔ̂nɔ da. A pâi kɛ̂i a ŋɛi-kɛ-maa maa kɛ́tɛ ǹɔii ŋuŋ-ŋai kélee mɛni ma. Ǹɔii ŋuŋ-ŋai kélee su-ƃela da pâi díŋa tɛ̂i m̀a Deeƃé ŋɔtaa-leei su dí ƃaa-kɛ-maa tɛɛ bɔ́. 11Maa ɣêlei tí a sèri, Ǹuu-namui ŋɔnûai kélee lɛ̀ɛ Asiria, Ize, Patulo, Itiopia, Elaŋ, Babelɔŋ, Ama da yúo kɔlɛ ma lɔii-kpiniŋ-ŋai mai, a pâi díkulâi naa a ŋɔwála-walai é pá a dia pôlu. 12A pâi ƃenâ tɛ̂i ɣelêi é ǹɛ́ ǹɔii ŋuŋ-ŋai kélee su-ƃelai dîa a gɛɛ Eezuɛ da Zuda lonii kélee kɛ̀ a dítaa-tâa lɔii ŋuŋ da kpɛ́ni-ŋa su ŋ̀éniɛi m̀ela kélee mai, a díkulâi naa é pá a dia pôlu dílɔii su. 13À kɛ̀ tí, gɛ̀ ní, Eezuɛ fé ŋɔ́nɔ pâi tólo kulâi Zuda ma, Zuda ǹyaŋ fa kɛ̂ a Eezuɛ kpɔara lɔii. 14Dífeerɛ da pâi kɛ̂i a dínɛ̃ɛ. Da pâi kɔ̂i Felesia-ŋai pɔ́ vóloi liî-pere dí ǹûai díkaa vóloi kulâi-perei kɔ̃̂liŋ kula díyêei. Da pâi kɔ̂i Idɔŋ-ŋai da Môa-ŋai pɔ́ dí díyee mɛi ɣále. À kɛ̀ tí, wòo mɛni a pâi kɛ̂i Amɔŋ-ŋai yêei dímɛni ma. 15Yâwɛɛ a pâi gɛ̂i Ǹyúo-kpɔ̂lu é kpála Ize. A pâi gɛ̂i fãa su kpanaŋɔɔ é Yufeletii Ya-leei su-tée-têe a ya-ɣɛli pɛlɛɛ lɔ́ɔlu mɛi-feerɛ nyii núu a pɔ̂ri díyenîi gɔ́ɔ ŋai. 16A pâi pere lá-ƃôi Eezuɛ-ŋai mɛ̂ni ma nyii-ŋai kɛ̀ kɔ-sôŋ laa su Asiriai yɛ̂ɛ berei è gɛ̀ la Eezuɛ-ŋai mɛ̂ni ma kɛ̀ Ize lɔii sui.
Currently Selected:
Azaya 11: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
Free Reading Plans and Devotionals related to Azaya 11
The God Who Restores - Advent
Be Still: 15 More Days With God
Year of the Bible: Part Seven of Twelve
