Popular Bible Verses from Azaya 11

Share

Yâwɛɛ ŋɔmɔlêŋ a pâi kɛ̂i m̀ɛi, dáreɛɛ, gíli ŋá ponoɔɔ nûa mɛi káa pere su. A pâi Yâwɛɛ kɔ̂lɔni gɛ́ ƃaa kɛ́-maa tɛ̀ɛ bɔ́. A pâi kɛ̂i a ǹíi-laa, ƃaa kɛ́-maa tɛɛ mɛ̂ni ma Yâwɛɛ pɔ́. Vé pâi núu da ŋɔmɛni ŋá-têei lɛ́ɛ sere-faa-woo ma kpaa máŋ núu kɛ́ pere ma.

Deeƃé ŋɔsuui káa yɛ̂ɛ wúru nyíi da dèe zame fa sâai. Da dèe ŋume a tɛ̂niŋ ŋɔ́nɔ pôlu. Kâloŋ nina a pâi kulâi ŋɔ́nɔ ŋɔsuui su.

Kɛ́lɛ, ŋɔmɛni-teɛɛi a pâi kɛ̂i a tɔ̃yâ mɛni ŋá-teɛɛ ǹuu doo mu-ŋai mɛni ma. A pâi diai maa kɔ̃ɔi pɔ̂ri mâa fé dîɛi. A pâi mɛni nyɔ́mɔɔ kɛ́-ƃela kula maa kɛ̂i, díkelee dísaa.

A pâi ŋɔnûai mɛi kâai tɔ̃yâ-laa da teniŋ ƃô-pere su.

Sɛŋ nyɔ́mɔɔ da kélee fé pâi lɛɛ̂i Ɣâla Ŋɔyée maa waai Zãiyɔŋ ma. Yâwɛɛ maa kili ŋa-ponoi kélee a pâi kɛ̂i naa, yɛ̂ɛ berei nɔ́ yúo fa wɔ́lɔ kpàla lai.

Ƃála da lɔɔ-ɣîla-ŋa da pâi kɛ̂i kwaa tɔ̂nɔ ma lii-sêe su. Kɔ́li da ƃoli-lônii da pâi kɛ̂i nyiî kwaa tɔ̂nɔ ma. Niŋa-lônii da yala-sulu lònii da pâi kɛ̂i dí láa miî gîe ma, nîa-pɛlɛɛ dí kɛ́ dímɛi kâa.

Da pâi kâloŋ da maa sɔlɔ ƃôi Gâloŋ Deeƃé ŋɔsuui su a ɣele tɔ̂nɔ da. A pâi kɛ̂i a ŋɛi-kɛ-maa maa kɛ́tɛ ǹɔii ŋuŋ-ŋai kélee mɛni ma. Ǹɔii ŋuŋ-ŋai kélee su-ƃela da pâi díŋa tɛ̂i m̀a Deeƃé ŋɔtaa-leei su dí ƃaa-kɛ-maa tɛɛ bɔ́.