Azaya 12
12
Sɛɣɛ-fei wule
1Ya pâi wule toôi Yâwɛɛ ma a ɣele da yɛ̂ɛ m̀ai,
“Yâwɛɛ, ŋa sɛɣɛ-fêi tɛɛ̂i ípɔ,
kpɛ́ni fêi ílii fé ŋɔ́nɔ ŋwána ní ḿâ, ya ŋ́aa nɛnɛ.
2Ɣâla, yá nɔ́ ƃé ŋ́gili káa yâ ŋ́uŋ ma ƃó mɛni ma.
Ŋa pâi lâai a yá, ǹyaŋ yao da kélee fé pâi kɛ̂i ŋ́gbonôi sɛŋ da mɛni ma.
Yá, Ɣâla Yâwɛɛ, yá nɔ́ ƃa ŋ́gbonôi kpanaŋ íkɛ wála-wala tɛ̀ɛ ḿbɔ.
Yá nɔ́ ƃa ŋ́uŋ ma ƃó-nuu.
3Ɣâla a ŋɔnûai ŋuŋ ma ƃò, lii-nɛ̃ɛ támaa a kɛ̀ dîa,
yɛ̂ɛ berei ya-lâɣi a kpele wɛ̂li ŋánaa namu líi sèe lai.”
4Ka pâi wule toôi a maa ɣêlei tí ka m̀ó kaai,
“Kwaa kú sɛɣɛ-fêe tɛɛ Yâwɛɛ pɔ́!
Kwaa dóli a gɛɛ é kpɔŋ kûa!
Kwaa gɛ́ tîi kpaya-kpayai maa mɛ̂ni ƃó ǹɔii ŋuŋ-ŋai su-ƃelai dîa.
Kwaa ŋɔkɛ́tɛ-laai maa mɛ̂ni ƃó dîa!
5Kwaa laa-maa tɛ̂ wule-ŋa too Yâwɛɛ ma, kpɛ́ni fêi, gɛ́ mɛni-ŋai kpaya-kpayai.
Kwaa gɛ́ tí a gɛɛ ŋ̀éniɛi su-ƃelai kélee dí duŋ mɛni.
6Tɔɔ diai kélee Zãiyɔŋ Yeei mai dí láɣi ɣelêi pere a wule-wôo.
Eezuɛ Ŋɔɣâla tɔnɔ maa waai kɛ̂tɛi.
Gɛ̂i nɔ́ ƃa ŋɔnûai sáma.”
Currently Selected:
Azaya 12: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
