Sal 23
23
Re' noq xuq'or i reey David chi re' QaJaaw Dios incha'jinik reh
1Re' QaJaaw Dios incha'jinik weh,
eh i ruyeew weh chu'nchel i ajwaal wach chi weh.
2Eh i rub'an wuuk' je' rukab' i rub'an i cha'jen tentzun:
I ruk'am taqe i rutentzuun i wilik wii' i ch'ahn inkik'ux i ruyeew taqe chi hi'lik.
Eh i ruyeew kihaa' panha' ma' kow ta rooq.
3Eh re' i QaJaaw Dios i ruyeew rukowiil i wánima.
Kiruk'am chupaam i korik laj b'eeh ruuk' i ruk'axb'al.
4Atoob' ta kinik'ik paruq'equmaal i ruyohb'alil i kimik,
re' hin ma' xta nuyohb'isaj wii' wiib',
ruum re' hat wilkaat wuuk' eh kina'koleej.
I na a'n wuuk', je' rukab' i rub'an i cha'jen tentzun
ruuk' taqe rukarote i ruko'leej taqe i rutentzuun.
5Eh noq i nub'an nuwa' nah méxa, re' hat ticha'jinik weh chikiwach,
ki-ixowanik nuwach.
Re' hat i naa chihkaaj i ink'ohnik laj iq'oom wach nunaah.
Eh re' wánima xamb'ulik chik chi rusuqkiil k'uxliis,
je' rukab' noq imb'ulinik i kulk ye'aab' ha'.
6WaJaaw nuDios, xti korik noq chi juneliik i nuk'achariik naa aye'em weh aawotob'il.
Naa aketelaam nuwach. Eh ma' xata ajlamaj q'iij naa nuwihiik panapaat.
Currently Selected:
Sal 23: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
