Popular Bible Verses from Sal 23

Share

Atoob' ta kinik'ik paruq'equmaal i ruyohb'alil i kimik, re' hin ma' xta nuyohb'isaj wii' wiib', ruum re' hat wilkaat wuuk' eh kina'koleej. I na a'n wuuk', je' rukab' i rub'an i cha'jen tentzun ruuk' taqe rukarote i ruko'leej taqe i rutentzuun.

Re' QaJaaw Dios incha'jinik weh, eh i ruyeew weh chu'nchel i ajwaal wach chi weh.

WaJaaw nuDios, xti korik noq chi juneliik i nuk'achariik naa aye'em weh aawotob'il. Naa aketelaam nuwach. Eh ma' xata ajlamaj q'iij naa nuwihiik panapaat.

Eh i rub'an wuuk' je' rukab' i rub'an i cha'jen tentzun: I ruk'am taqe i rutentzuun i wilik wii' i ch'ahn inkik'ux i ruyeew taqe chi hi'lik. Eh i ruyeew kihaa' panha' ma' kow ta rooq. Eh re' i QaJaaw Dios i ruyeew rukowiil i wánima. Kiruk'am chupaam i korik laj b'eeh ruuk' i ruk'axb'al.