Sal 24
24
Re' i reey xti wilik ruloq'il
1Chu'nchel i wach ak'al,
re' QaJaaw Dios inehchanik reh,
je' wo' chu'nchel i wilkeeb' chupaam,
je' wo' chu'nchel i k'achareel wilkeeb' chupaam.
2Re' wo' QaJaaw Dios xyej-anik reh i wach ak'al,
chinaah taqe i palaw je' wo' chinaah taqe i nimaq rooq ha'.
3¿Awach i naa rub'anam i johtik ruuk' i QaJaaw Dios?
¿Awach i naa ruwihiik parusantolaj ye'aab'?
4Re' i ma' mahkunik ta ruuk' i q'ab',
saq wach i ránima, ma' rub'an ta reh i xama' xta ruk'am chaloq,
eh ma' awach taj i rujot' ruuk' i ruq'oral.
5Ra'j re' re' naa ruk'ulum i rotob'il i QaJaaw Dios aj Ko'loom.
Naa ruye'ariik rukorkiil wach ruk'ux ruum.
6Ra'j taqe ruuk' re' i wili kisik'wik reh i QaJaaw Dios,
inkaaj kilom wach i Dios, re' xuloq'ej chaloq i Jacob.
7Titehoq taq i hat puerta wilkaat taq chi juneliik.
K'ul taq titehoq,
ruum naa rokiik i xti manlik Reey wilik ruloq'il.
8Eh ¿Awach i xti manlik Reey wilik ruloq'il?
Re' i QaJaaw Dios xti kow riib', xti wilik rajaawriik,
eh i ruq'at kiwach taqe aj peleto.
9Titehoq taq i hat puerta,
i wilkaat taq chi juneliik. K'ul taq titehoq,
ruum naa rokiik i xti manlik Reey wilik ruloq'il.
10Eh ¿Awach i xti manlik Reey wilik ruloq'il?
Re' i QaJaaw Dios, i wilik rajaawriik chikinaah chu'nchel chib'ih i wilik.
Eh re' reh i Reey xti wilik ruloq'il.
Currently Selected:
Sal 24: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
