Matayo 24

1 # Mk 13:1-37; Luk 21:5-36. Kolom Yesu koyekalu, ido napelosi, kopotu ikekesisiak mama ejai, kitodikis aduketa nuka eyekalu. 2#Luk 19:44. Konye Koboŋok kes kotema atiar, “Ianyut kereka nu kere? Abeit katemari yes atiar, mam esalakini ne amoru kuju kamoru, namam etiyakinio.”

3Nakiboio koMoru loka Iseitunin, kopotu ikesisiak mama ejai kaiyeiyea, kobalas ebe, “Kolimokinai, ejaunete akiro ŋun wori, anyoin da aanyunet naka abunorekon, ka naka esaŋe loka akwapin?” 4Koboŋok Yesu kotema kes atiar, “Kocoito kinyek ituŋanan aitapaar yes. 5#Mat 24:24; Yok 5:43; Asw 5:36,37; 1 Yok 2:18. Naarai epote rwaru luipu kokirorika, ebalas ebe, ‘Eoŋ arai Kristo,’ itapaarete kesi luipu. 6#Dan 2:28. Iirarete yesi nuka ijiisio ka iemuto luka ijiisio; kocoito sirikiyaloŋoŋoto; naarai ibusakinit ŋun ajaun, konye koroko awasia edoluno. 7#Isa 19:2; 2 Siit 15:6. Naarai enyoikini ateker asurokin ateker, ajakanut da asurokin ajakanut, ejaunun ebel ka amaran naka akwap aiboisio nuegelegela; 8eraas ŋun kere ageunet naka ariebo naka aidoun,

9 # Mat 10:17,22; Yok 16:2. “Kapak kaŋin kijaikinete yes aiticanio, kiarete; kiŋarunete yes atekerin kanuka ekakiror. 10#Dan 11:41. Kosodete iguikinete luipu, kes da ebilanakinos ibotei, ka aŋaranar. 11#Mat 7:15; 1 Yok 4:1. Enyounete inabin luipu lukeŋalak, itapaarete luipu. 12#2 Ses 2:10; 2 Tim 3:1-5. Ido naarai iyatakina epali, ejoniari amin naka luipu. 13#Mat 10:22; Apu 13:10. Konye ŋin yenetitiŋikini kiton awasia, ŋes itajario. 14#Mat 28:19; 10:18. Elimonokinio Akiro nu Nukajokak nuka ajakanut anatar akwapin kere, araut akajenak mama ejaas atekerin kere; kosodi konyet edoluni awasia.

15 # Dan 9:27; 11:31; 12:11. “Aso naianyuniata etal loemudiari lokinerit enabi Daniel ebwoi kotoma aibois nakalaunan (kojenu ikasoman), 16ŋes konyet ekeriata ŋul luejaas Yudaya oroŋan; 17#Luk 17:31. ituŋanan yenejai kuju togo sirikedoku ayaŋaar iboro luejaas togoke; 18ido yenejai mana da sirikeboŋu kau ayaŋaar akenapito. 19Konye itukwi kes nuepotiete, ka nuitanakete da kapaarasia kaŋun! 20#Asw 1:12. Kilipata yesi kinyek akusikerit adolun kiporo, karaida apaaran naka asabato: 21#Dan 12:1; Apu 7:14; Yok 2:2. naarai ejaunos ican luipu, lumam peŋo etakanunito ameun kageunet naka akwap kiton kwana, ido mam bobo ejaunete cut. 22Arai kedim iŋoŋaritai apaarasia ŋun, timam kitajari akuan kere; konye kanuka luseuna iŋoŋario apaarasia ŋun. 23Kapak kaŋin arai kitemari yes ituŋanan atiar, ‘Koany, ejai Kristo ne,’ arai, ‘Ejai laije’, sirikiyuut. 24#Mat 5:11; Ikis 13:1-3; 2 Ses 2:8,9. Naarai enyounete lukriston lukeŋalak, ka inabin Iukeŋalak, itoduunete ŋul aanyuneta nuepolok, ka nukaumokin da; tetere itapaarete luseuna arai epedoros. 25Koany, kadau aikwenyar yes eroko nu epona. 26#Luk 17:23-24. Aso arai kitemarete yes atiar, ‘Koany, ejai amodiŋ’; sirikiloto. Ebe da, ‘Koany, ejai toma agola’ sirikiyuut. 27Naarai kwape imiliaunia ageun kokide kotakani kiton to; ikoni nen abunore naka Okoku loka etuŋanan. 28#Yob 39:30; Kbk 1:8; Luk 17:37. Naarai neejai akuan nakatwan, etukonokinos da atarukon nen.

29 # Isa 13:10; 34:4; 2 Pet 3:10. “Konye atipet, ketuboros ican luka apaarasia kakwa, itumutonorio akoloŋ, mam elap ecauni, ibirununos aacer kotoma akuj, iianiianio da nukapedor nuka akuj; 30#Dan 7:13; Sek 12:10-14; Apu 1:7; 19:11; Mat 26:64. kosodi konyet etakanuni aanyunet naka Okoku loka etuŋanan kokuju; kosodete konyet ibworos atekerin kere nuka akwap, eanyunete Okoku loka etuŋanan ebuni kodouon luka akuj kapedor ka aibuses naepol. 31#1 Kor 15:52; 1 Ses 4:16; Apu 8:1,2; Isa 27:13; Sek 2:6; Ikis 30:4. Ijukuni ikemalaikan keporoto loepol loka arupepe, etukonokinete luseunake anyoun kokwamin iwoŋon, ameun kosaŋe ediopet loka akuj kiton loce.

32“Kisisiautu akewaragan kama ejai etini; kedaut aketenieik alibun, itolomuni akekui, ijenunete ebe eapie apak naka aidweny; 33aso yes da naianyuniata ŋun kere, kojenut ebe eapie ŋesi, kokek, 34Abeit katemari yes atiar, mam atur na edaun aitodol naedolioto akiro ŋun kere, 35#Mat 5:18. Edaunos akuj ka akwapin, konye akakiro mam edaunos cut.

36 # 1 Ses 5:1,2. “Konye akiro nuka apaaran kaya ka esawa da emamei yenejeni, karaida imalaikan luejaas toma akuj, karaida Okoku, dimikito Papa bon. 37#Age 6:5-8; Luk 17:26,27. Naarai kwape kejaatar apaarasia nuka Noa, ikonakini nen abunore naka Okoku loka etuŋanan, 38#2 Pet 3:5,6; Age 7:7. Naarai kwape kejaatar toma apaarasia nukegeikinete akalele, anyamete, amasete, amanyasi, amanyio da, kiton apaaran nakelomaria Noa toma ataker, 39#Age 7:6-24. komam kejenete kiton neadolunio akalele kolelea kere, ikonakini nen abunore naka Okoku loka etuŋanan. 40#Luk 17:35,36. Kapak kaŋin ejaikinos ituŋa iarei omanikor; eyaŋaario ediopet, inyeinio loce. 41Ejaikinos aŋor aarei iriete; eyaŋaario adiopet, inyeinio nace. 42#Mat 25:13. Aso kokwenyete; naarai mam ijenete apaaran anyoin naebunio Ejakait ikus. 43#Luk 12:39-40. Konye kojenutu na ebe, arai kejeni elopet etogo apak naka akuare naebunio ekokolan, tikekweny, kwabo timam kejalaki eketogo abokio. 44#Apu 16:15. Kanuka ŋun kokapakina yesi da; naarai ebuni Okoku loka etuŋanan kosawa lomam iwomito.

45“Aso iŋai bo ebulesit lomunot loepiriana da, lokedakakini ejakaitike ayait lukokaleke akoranakin kes ikecenyamat apakio nuedolito? 46Isirereŋitoi ebulesit ŋol loedumuni ejakaitike iswamai kwaŋin naebunio. 47#Mat 25:21,23. Abeit katemari yes atiar, Edakakini ŋes ayait luejaatar kere. 48#Lim 8:11. Konye arai ketema ebulesit ŋol lokaronon kotauke atiar, ‘Eyapa papaka,’ 49kogeu aibuŋa ibulesin lukaupake, ainyam ka aimat nepepe kalukamerak, 50ebuni ejakait loka ebulesit kaŋol kapaaran namam ŋes eomit, ka esawa da lomam ejeni, 51#Mat 8:12. etubi ŋes katutubeta aarei, itebei ekewai nepepe ka lukesoswai; ejaun kanen aimony ka airiamanakin ikel.

Currently Selected:

Matayo 24: AOV1961

Highlight

Copy