Matayo 23

1 # Mk 12:38-40; Luk 20:45-47; Luk 11:39-52. Kosodi kotema Yesu ikodeta ka ikekesisiak atiar, 2“Iboikinos ikewadikak ka Iparisayon oicoloŋ loka Musa; 3#Mal 2:7,8. aso nukilimokinete kere kiswamata, koricito da, konye sirikiswamata nuiswamaete kesi; naarai inerasi kesi kwabo mam iswamaete. 4Eenete arita nuelaŋir nuetioko aibwok, kisirioŋata ituŋa; kwabo mam kes ikulepek ekotosi atiror kebokoritikec, 5#Mat 6:1; Mar 15:38; Ikis 6:8; Any 13:9. Iswamaete aswamisiokec kere tetere eanyunete ituŋa; naarai italalaarete ikuniaikec luetoronokinete oreeta; itoojaete da atokito nuka inapenekec. 6#Luk 14:7; Mat 6:5. Ekotosi aibois nakapolon kopucin, ka iicoloŋo lukapolou kotoma atukosia, 7ka ayogao kagwelanareta, konyaritos ituŋa kes ebe Rabi. 8Konye yes, sirikinyaritai Rabi, naarai ejai yes ekesisianakinan ediopet, yes da kere iraas iinacan. 9Sirikinyarata ediotuŋanan papa kakwap, naarai ejai yes Papakus ediopet, loejai toma akuj. 10Sirikinyaritai da ikeŋarenok, naarai ejai yes ekeŋarenon ediopet, ŋes Kristo. 11#Mat 20:26-27; Mk 9:35; 10:43-44; Luk 22:26. Konye loerai lokapolon kotomakus eraun ekusikejaanakinan. 12#Luk 14:11; 18:14; Awa 29:23; Yob 22:29; Esk 21:26; 1 Pet 5:5. Yenitopoloor bon itidisiario, yenitidisiar bon da itopoloorio.

13“Itukwi yes, ikewadikak ka Iparisayon, lukesoswai! Naarai igolokinete ituŋa ajakanut naka akuj; naarai yes ikulepek mam ilomarete, kwabo luelomarete da mam icamakinete alomar. [14Itukwi yes, ikewadikak ka Iparisayon, lukesoswai! Naarai icamete itogoi luka apuserun, kanuka ejose da ilipete ailipasia nueojak; kanuka ŋun kitubokinio aitelekarit.] 15Itukwi yes, ikewadikak ka Iparisayon, lukesoswai! Naarai irimirimete aŋolol ka akwap, tetere ibelokinete idiopetuŋanan, kedau aibelokin ituluorete ŋes ikoku yenika Geena irwan aarei aitelekarit yes ikulepek.

16 # Mat 15:14. “Itukwi yes, ikeŋarenok lumudukiok, luibalas ebe, ‘Arai kiyapo ituŋanan kolimite eyekalu, mam akiro; konye ituŋanan yeniyapoi kolimite esabu loka eyekalu, aenikin.’ 17Ibaŋiok yesi, imudukiok! Naarai ali bo epol!, esabu arai bo eyekalu loitalauni esabu? 18Ebe da, ‘Arai kiyapo ituŋanan kolimite otem, mam akiro; konye ituŋanan yeniyapoi kolimite asubanit naejai otem, aenikin.’ 19#Any 29:37. Imudukiok yesi! Naarai ani bo epol, ainakinet, arai bo etem loitalauni ainakinet? 20Aso yeniyapoi kolimite etem, iyapoi kolimite ŋes ka ŋinibore kere yenejai tomake; 21ŋin da yeniyapoi kolimite eyekalu, iyapoi kolimite ŋes ka ŋol da loiboie kotomakeŋ; 22#Isa 66:1; Mat 5:34. ŋin da yeniyapoi kolimite akuj, iyapoi kolimite eicoloŋ loka Edeke, ka ŋol da loiboikin tomakeŋ.

23 # Leb 27:30; Mik 6:8. “Itukwi yes, ikewadikak ka Iparisayon, lukesoswai! Naarai itacakinete iitomoneta luka emopim, ka aneta ka ekumin, konye inyeis akiro nuepolok nuka ikisila, kes etube ka aitim ka aiyuun; ibusakinit yes aswam ŋun, komam inyeinete kwa da. 24Yes ikeŋarenok lumudukiok, ijililiete esirut, ilikorete da akaala!

25 # Mk 7:4. “Itukwi yes, ikewadikak ka Iparisayon, lukesoswai! Naarai itesegarete kiŋa kakolin, ka asanin, konye kotoma ileleba aiŋat ka airaŋanut, 26#Tit 1:15; Yok 9:40. Ijo Eparisayot lomuduk! Kilot ber toma akoli ka asanit, tetere kiŋa da elauni.

27 # Asw 23:3. “Itukwi yes, ikewadikak ka Iparisayon, lukesoswai! Naarai iputosi katesina nuiworiworitai kakwanis, etakanete kokiŋa ejokuka, konye toma ileleba akojo nuka lukatwak ka amodokok da kere, 28#Luk 16:15. Yes da kwape kwaŋin itakanete kokiŋa kaneejaas ituŋa koraas luidolito, konye kotomakus ileleba aisoswanut ka epali.

29“Itukwi yes, ikewadikak ka Iparisayon, lukesoswai! Naarai idukete atesin nuka inabin ka aitubus ailiin nuka ikadolitok, 30ka einer ebe, ‘Arai kiija isio kolo kapaarasia nuka lukapapaakosi, timam kiimorikikin kakes toma abukor aokot nuka inabin.’ 31#Asw 7:52. Kanuka ŋun itejenunos bonik ebe iraas yesi ikecedwe kalukearete inabin. 32Aso kilelebata aitemis naka lukapapaakus. 33#Mat 3:7; 12:34; Luk 3:7. Yes imunwo, yes ailwek naka imusagan, ikuete biai atubokinio naka Geena? 34#Mat 13:52; 10:23; 1 Ses 2:15. Kanuka ŋun koany, kejukakini yes inabin, ka lukacoa, ka ikewadikak; iarete ice kakesi, ka aibubuonokin, idaete ice kotoma atukosiakus, irukitotor da koreria kere. 35#Age 4:8; 2 Siit 24:20-21. Tetere kibeikinete yes aokot kere nuka ikadolitok nukebukokinos kakwap, ageun kaokot nuka Abel ekadoliton, kiton aokot nuka Sakaria okoku loka Barakia, lokiarakinete kidiŋ aibois nakalaunan ka etem, 36Abeit katemari yes atiar, Eponikinete akiro ŋun kere atur na.

37 # Luk 13:34,35; Asw 7:59; 1 Ses 2:15. “Wu okwe, Yerusalem, Yerusalem, loeari inabin, ka aibiribir kamor ŋul lukiyakunio mamakon! Irwan imwa ai abu kakotor atukonokin ikonidwe, kwape etukonokinia akokor ikemiyoi kwap abebenokake, konye mam yes ekotokino! 38#Yer 22:5; 12:7; 1 Ika 9:7,8. Koany kinyeinere yes ekusitogo esil. 39#Sab 118:26; Mat 21:9. Naarai katemari yes atiar, Mam kianyunete eoŋ bobo cut, aitodol naitemariata ebe, ‘Isirereŋitoi ŋol loebunit kokiror loka Ejakait.’”

Currently Selected:

Matayo 23: AOV1961

Highlight

Copy