Matayo 22

1Koboŋok Yesu bobo, kiner kakes kawaragasia ebe, 2#Luk 14:16-24. #Yok 3:29. “Ajakanut naka akuj eputos bala ekabaka lokipoikini okokuke epucit loka eiterane. 3Kijuka ikebulesin anyaraun lukenyaritai aponare opucit; konye kogiroto kwi aponare. 4#Mat 21:36. Kijuka bobo ibulesin ice, kobala ebe, ‘Kolimokis kwi lukenyaritai ebe, Koany, etemonok ikanyamat, adau aiar ikamoŋin ka ikatak lurobok, adau aitemonokin kere; kopotu do opucit.’ 5Konye kes mam apotu kopodos, koloto, ediopet omanikorike, ece agwelanarike, 6lukesalete da kikamut ikebulesin, kiswamakis nukepali, koarata, 7#Mat 24:2. Kosodi konyunyurikin ekabaka, kijuka akejore komudia ikaarak kwi, kicwe da erekec, 8Kosodi kotema ikebulesin atiar, ‘Itemokino epucit, konye lukenyaritai mam ibusakinito. 9#Mat 13:47; 21:43. Aso koloto asisiarin nuka irotin, konyarautu ŋinituŋanan kere yenidumunete kobu opucit.’ 10Konyoutu ibulesin ŋul koloto orotin, kotukonokis lukedumunete kere, lueroko ka luejok da; kilelebun etogo loka epucit ipejok. 11Konye nakelomaria ekabaka aanyun ipejok, koany kanen etuŋanan lomam enapit anapito nakepucit. 12Kotema ŋes atiar, ‘Opapero, kilomuni ne biai komamei anapito nakepucit?’ Kobuta. 13#Mat 8:12; 25:30; Luk 13:28. Kosodi kotema ekabaka ikejaanakinak atiar, ‘Koenata akanin ka akeje, koyaŋaasi kocakakis amuton nakokiŋa; kaŋina ejaun aimony ka airiamanakin ikel.’ 14Naarai ipu luenyaritai, konye luseuna ikidioko.”

15 # Mk 12:13-17; Luk 20:20-26. Kosodete koloto Iparisayon kinerut ailok ŋes kakiroke. #Yok 8:6. 16#Mk 3:6; Yok 3:2. Kiyakikis ŋes ikesisiakakec, nepepe ka Ikerodian, kobalas ebe, “Ekesisianakinan, kijeni ebe irai ijo lokabeit, isisianakini da erot loka Edeke kotoma abeit, kwabo mam ipodo idiotuŋanan kere; naarai mam iseseni ejautene loka ituŋa. 17Aso kolimokinai iwomit biai? Ibus kereka ainakin Kaisar esolo, arai bo mam?” 18Konye Yesu kojen akeceronis, kotema atiar, “Yes lukesoswai, kanukinyo kikoduniata eoŋ? 19Kitodikinai cani apesa naka esolo.” Koinunai adenari. 20Kotema Yesu kes atiar, “Nakaŋai aput na, ka nuiwadikatai?” 21#Rom 13:7. Kotemasi atiar, “Nuka Kaisar.” Kosodi kotema kes atiar, “Aso kotacakis Kaisar nueraas nuka Kaisar, ka Edeke da nueraas nuka Edeke.” 22#Yok 8:9. Kepuputu kesi koumokis; kinyeis ŋes koloto.

23 # Mk 12:18-27; Luk 20:27-40. Kapaaran kaŋin kopotu Isadukayon mamakeŋ, luebalas ebe emamei ajarun; kiŋita ŋes, #Asw 23:8. 24#Ikis 25:5,6; Age 38:8. kobalas ebe, “Ekesisianakinan, abu Musa kobala ebe, ‘Arai ketwana etuŋanan, komameete idwe, emanyi onaceke akeberu, tetere edumakini onaceke aur.’ 25Aso, kejaas iinacan ikanykaarei kamakosi; komany losodit, kotwana, ido naarai emamei ŋes aur kinyeinia onaceke akeberu; 26kwape kwaŋin lokiareit, ka lokiwuniet, aitodol kere ikanykaarei. 27Akaulo kakere, kotwana aberu ŋin da. 28Aso, kotoma ajarun, eraun ŋin aberu naka ŋai kakwi kalukanykaarei? Naarai kere apotu kojaas kaŋes.” 29Koboŋok Yesu kotema atiar, “Ipaarete yesi, naarai mam iienete nuiwadikatai karaida apedor naka Edeke. 30Naarai kotoma ajarun mam emanyete karaida adukokinio, konye eraas bala imalaikan kotoma akuj. 31Bobo da kakiro nuka ajarun kokatwak, mam isiomito akirot nakinerit Edeke ebe, 32#Any 3:6; Mat 8:11. ‘Arai eoŋ Edeke loka Aburaam, Edeke loka Isaak, ka Edeke loka Yakob da’? Mam ŋes erai Edeke loka lukatwak, konye loka lukaiarak.” 33Nakiirariata ikodeta, koumokis akeisisianakin.

34 # Mk 12:28-31; Luk 10:25-28. Kosodete kiirasi Iparisayon ebe etubuta Isadukayon, kotukokinos, 35#Luk 10:25-28. Ediopet kakes, ericakisila, kiŋit ŋes aiŋiset naekoduni, 36ebe, “Ekesisianakinan, aicorakinet ani erai nakapolon kotoma okisila?” 37#Ikis 6:5. Kotema ŋes atiar, “Komina Ejakait Ekonideke kekonitau kere, ka akoniijar kere, ka akonicoa da kere. 38Na ŋes aicorakinet nakapolon nasodit. 39#Leb 19:18. Ejai da nakiareit naeputotor ebe, Komina ikoniidunyet kwape iminar bon, 40#Mat 7:12; Rom 13:10; Gal 5:14. Kotoma aicorakineta nu aarei kes icatunitotor ikisila kere ka inabin da.”

41 # Mk 12:35-37; Luk 20:41-44. Ketukokinos Iparisayon, kiŋit Yesu kes ebe, 42#Yok 7:42. “Anyoika nuiwomito kanuka Kristo? Erai Okoku kaŋai?” Kotemasi ŋes atiar, “Loka Daudi.” 43Kiŋit kes ebe, “Aso kikwaikini ai Daudi enyarit ŋes Ejakait, koMoyo ebe, 44#Sab 110:1; Mat 26:64. ‘Abu Ejakait kotema Ekajakait ebe,

Kiboikin akanika nakoteten,

Aitodol neebwaikinia lukasurupokon kwap kakejekon’?

45Aso arai enyarit Daudi ŋes Ejakait, kikonakini bo ai erai ikekoku.” 46Mam apedorit ituŋanan aboŋokin ŋes akirot, ido ameun kapaaran kaŋin amamei bobo yeniketitiŋikinit aiŋit ŋes adiokirot.

Currently Selected:

Matayo 22: AOV1961

Highlight

Copy