Matayo 21

1 # Mk 11:1-10; Luk 19:29-38; Yok 12:12-19. Naeapiariata kesi Yerusalem, kodolot Betapage, moru loka Iseitunin, kosodi Yesu kijuka ikesisiak iarei, 2kotema kes atiar, “Koloto ore loisesenete, atipet idumunete asigiria naeenitai, ka ikekoku, kolacut, koinut eoŋ. 3#Mat 26:18. Arai kitemari idiotuŋanan akirot, iboŋokinete ŋes ebe, ‘Ejakait ipuda kes.’ Kosodi atipet kijaikini kes.” 4Kojaut ŋun tetere edoli akirot nakinerit enabi ebe,

5 # Sek 9:9; Isa 62:11. “Kolimokis yesi akoku naka Sion ebe,

Koany, ebunit Ekabakakon mamakon,

Loitasono, ibwanenit asigiria,

Ibwanenit ikoku, ikoku yenikatiaŋ nakebwokan.”

6Koloto ikesisiak, kiswamata kwape kicorakinitor Yesu kes. 7Koinut ŋes asigiria, ka ikekoku, kopetanakis ikecenapen; kibwanen ŋesi. 8#2 Ika 9:13. Kopetanakis ituŋa luipu lukotoma okodet ikecenapen orot, ice da kojepununut atenieik kokito, kopetanakis kes da orot. 9#Sab 118:25-26; 2 Sam 14:4. Kiworoto ikodeta lukiŋarenikinito ka luketupakinito ŋes ebe, “Kosana mama ejai Okoku loka Daudi! Isirereŋitoi loebunit kokiror loka Ejakait! Kosana kuju noi kakuj!” 10Nakelomaria ŋesi Yerusalem, korieŋut lukore kere, kobalas ebe, “Iŋai bo lo?” 11#Mat 21:46. Koboŋokis ikodeta ebe, “Ŋol ŋes enabi Yesu loko Nasaret nako Galilaya.”

12 # Mk 11:11-24; Luk 19:45-48; Yok 2:14-16. Kosodi koloma Yesu toma oyekalu loka Edeke, kireŋea kere lukegwelanarete ka lukegwelete kotoma oyekalu, kobuburiana imesan luka ikesiecanarak arupian, ka iicoloŋo luka ŋul kalukegwelanarete ajeleik, 13#Isa 56:7; Yer 7:11. kotema kes atiar, “Iwadikatai ebe, ‘Ekatogo enyaritai etogo lokilipet,’ konye yes ituluosi abua naka ikaŋatak.”

14Kopotu imudukiok ka luicodos mama ejai oyekalu, kitaŋaleu kes. 15#Sab 118:25. Konye nakeanyuniata isasedotin lupeti ka ikewadikak nukaumokin nukiswamai, ka idwe lukiworoete koyekalu ebe, “Kosana mama ejai Okoku loka Daudi!” konyunyurikinos; 16#Sab 8:3. kotemasi ŋes atiar, “Ipupi ijo nuinerasi lu?” Kotema kes Yesu atiar, “Eebo, mam isiomitos ebe,

‘Kaituke nuka idwe ludidik ka luenakete,

Itodol aiturit?’ ”

17Kinye kes, koloma kiŋa ka ere kiton Betania, koper ŋina.

18Tupuruc, nakeboŋoria ore, korieb eteŋei, 19#Luk 13:6. Koany etini kariri kerot, kolot neejai, mam eanyuna ibore kokujuke dimarai akui bon. Kolimok ŋes ebe, “Mam bobo iraenenei araito ikar kere!” Atipet korinyo etini. 20Nakeanyuniata ikesisiak, koumokis, kobalas ebe, “Ekonaki bo ai etini erinyori atipet?” 21#Mat 17:20; 1 Kor 13:2. Koboŋok Yesu kotema kes atiar, “Abeit katemari yes atiar, Arai ijaas kaiyuun komam ibuonokinos, mam iswamaete ŋin naka etini bon, konye arai ilimokinete eroŋat lo ebe, ‘Koukor kocakar aŋolol,’ iswamaun. 22Kere da nuilipete kailipikus iyuunito, idumunete.”

23 # Mk 11:27-33; Luk 20:1-8. Nakedaunia alomar toma oyekalu, kopotu lusasedotin lupeti ka imakio luka ituŋa mamakeŋ napisisianakini, kobalas ebe, “Iswamai ijo nu kapolou anyoin? Iŋai da kiinakini jo apolou ŋin?” #Yok 2:18. 24Koboŋok Yesu kotema kes atiar, “Eoŋ da keŋisi yes akirot adiopet; arai kiboŋokinete eoŋ, ŋes konyet kalimokiniata yes apolou nakeswamaa nu. 25Aibatisa naka Yokana kebuni kai? Kebuni kotoma akuj, arai bo kotuŋa?” Kiŋitanakinos bonik ka bonik, kobalas ebe, “Arai kiitema ebe, ‘Kebuni kotoma akuj’; kitemari ŋesi oni ebe, ‘Aso kanukinyo mam kiyuuniata ŋes?’ 26#Mat 14:5. Arai kiitema ebe, ‘Kebuni kotuŋa,’ kikuriana ekodet; naarai eomito ituŋa kere ebe kerai Yokana enabi.” 27Koboŋokis Yesu kobalas ebe, “Mam kijeni.” Kotema kes atiar, “Eoŋ da mam kalimokini yes apolou nakeswamaa nu.”

28“Konye iwomito biai? Kojaas etuŋanan idwe iarei; kolot mama ejai losodit kotema atiar, ‘Ikakoku, kolot lolo kiswama toma amana naka emusabibu.’ 29#Mat 7:21. Koboŋok ebe, ‘Alosi Ipapa,’ konye mam eloto. 30Kolot mama ejai lokiareit kinera ŋupeŋun; Koboŋok ebe, ‘Mam akoto,’ kokau abu kitoronikin, kolot. 31#Luk 18:14. Aso ali ka luarei kaŋul loabu kiswama nuakoto papake?” Kotemasi atiar, “Lokiareit.” Kotema Yesu kes atiar, “Abeit, katemari yes atiar, Kigeikinete yes iketelemak esolo ka nudotea alomar toma ajakanut naka Edeke. 32#Luk 3:12; 7:29-30. Naarai abu Yokana kobu mamakus korot loka adolit, mam yes iyuuna, konye apotu iketelemak esolo ka nudotea kiyuutu ŋes; yes da nakianyuniata, mam ipotu kitoronikinos kokau, ka aiyuun ŋes,

33 # Mk 12:1-12; Luk 20:9-19. “Kopupokis awaragan ace. Kejai kolo etuŋanan elopet etogo, kira ŋesi amana naka emusabibu, kirigak abwas, kobokik aipany nacues tomake, koduk aiteis, kititiŋ ikeswamak, kolot akwap ace. #Isa 5:1-2; Mat 25:14. 34Keapu apak naka araito, kijuka ikebulesin mama ejaas ikeswamak, adumun akeraito. 35Konye kikamut ikeswamak ikebulesin kodaata ece, koarata ece, ka ece da kibiribiroto kamor. 36Kijuka bobo ibulesin ice luipu adepar lusodit; kikonakis ŋul da nepenen. 37Kokau kijuka okokuke mamakec, kobala ebe, ‘Eyoŋete okokuka.’ 38#Mat 27:18. Konye nakeanyuniata ikeswamak okoku, kineranakinos bonik ka bonik kobalas ebe, ‘Erai lo ekeruman; aso kaarata ŋes, kabeata oni akeirumet.’ 39Kikamut ŋes kocakas kiŋa kamana naka emusabibu koarata. 40Aso naebunio ejakait loka amana naka emusabibu ikonakini ai ikeswamak kwi?” 41Kotemasi atiar, “Emudiari erono ikaronok kwi, ititiŋi amana naka emusabibu ikeswamak ice lueinanakinete araito kedolo apak.” 42#Sab 118:22-23; Asw 4:11; Rom 9:33; 1 Pet 2:6-8. Kotema Yesu kes atiar, “Mam isiomito nuiwadikatai ebe:

‘Amoru nakeŋerete ikadukok

Ŋin ŋes keponi kitaraunai nakapolon naka agor;

Abuni akirot ŋin kama ejai Ejakait,

Erai nakaumokin kakonyenewok.’

43Kanuka ŋun katemari yes atiar, Elemario ajakanut naka Edeke kamakus, einakinio ateker ace naerai akeraito.” 44#Dan 2:34,35,44,45. Yenibirokini kuju amoru ŋin ebilibiliun; konye ŋin yenibirokin amoru, ipicipicari ŋes cut.

45Nakiirariata isasedotin lupeti ka Iparisayon awaragasiake, kojenut ebe inerakinit kes. 46Nakemoiata aikamun ŋes, kokuriakata ikodeta, naarai aomito ebe erai ŋesi enabi.

Currently Selected:

Matayo 21: AOV1961

Highlight

Copy