Matayo 20

1 # Mat 21:33. “Naarai ajakanut naka akuj eputos ketuŋanan elopet etogo, lokelomuni tupuruc aiboleikin kikeswamak aswam toma amanake naka emusabibu. 2Kedau ŋesi acamanar ka ikeswamak ainakin adenari kanuka apaaran, kijuka kes amanake naka emusabibu. 3Kolom kwaka esawa lokiwuniet, koany ice ebwoete kagwelanaret ebolwaka. 4Kotema kes atiar, ‘Koloto yesi da toma amanaka naka emusabibu, karopete yes nuedolito.’ Koloto kesi. 5Kolom bobo kwape isawan ikanykape ka ikanykaoŋon da, kikon kwape kwaŋin. 6Kolom da kwaka isawan itomon kalodiopet, kodum ice ebwoete; kobala kes ebe, ‘Kanukinyo ibwoiata kane apaaran kere kobolwaka?’ 7Kobalas ebe, ‘Naarai emamei ituŋanan yenikiboleikinit.’ Kotema atiar, ‘Koloto yesi da toma amanaka naka emusabibu.’ 8#Leb 19:13; Ikis 24:15. Napekitiboŋ, kotema ejakait loka amana naka emusabibu ekapolokitonike atiar, ‘Konyarau ikeswamak, korop eropitikec, agear ka lukokau kiton lukegeete.’ 9Kepotu kwi luka isawan itomon kalodiopet, kodum ŋolituŋanan adenari. 10Kepotu lukegeete, koomitos ebe edumunete kesi iyatakina; kodumut kesi da ŋolituŋanan adenari. 11Konye kedaut adumun, kirurumakis elopet etogo, 12kobalas ebe, ‘Ŋul lukokau eswamata esawa ediopet bon, itiirian ijo kes kasio lukitapasitoi apaaran kere kikanyi adedeŋ naka akoloŋ.’ 13Konye Koboŋok ŋesi ediopet kakesi, kotema atiar, ‘Opapero, mam keswamakinit jo erono; mam kereka kiboleikinit ijo keoŋ adenari? 14Koyaŋa naerai nakon, kolot; akoto ainakin ŋol lokokau kwape kajo. 15#Rom 9:16,21; Mat 6:23. Mam kereka apedori aitwasam ikaboro kwape akotor? Arai bo erono akonikoŋu, naarai ajokuna eoŋ?’ 16#Mat 19:30; Mk 10:31; Luk 13:30. Kwape kwaŋin lukokau eraunos Iusodit, ka lusodit da eraunos lukokau.”

17 # Mk 10:32-34; Luk 18:31-33. Napedokari Yesu alosit Yerusalem, koyaŋa ikekesisiak itomon ka luarei aiyeiyea, kotema kes korot atiar, 18#Mat 16:21; 17:22,23. “Koany, kidokari alosit Yerusalem; einakinio Okoku loka etuŋanan akanin nuka isasedotin lupeti ka ikewadikak, etubokinete ŋes atwanare; 19ijaikinete ŋes Imo aboliar, ka aida, ka aibubukin, apaaran nakiwuniet ejaruni.”

20 # Mk 10:35-45. Kosodi kobu toto naka odwe luka Sebedayo nepepe kodweke mama ejai Yesu, kokukokin kilip akirot, #Mat 10:2. 21#Mat 19:28. Kotema atiar, “Ikoto inyo?” Kotema atiar, “Kicorak ebe kiboikinos odweka lu luarei, ediopet kakanikon nakoteten, ediopet da nakokediany, kotoma akonijakanut.” 22#Mat 26:39; Yok 18:11; Luk 12:50. Koboŋok Yesu ebe, “Mam ijenete nuilipete. Ipedorete kereka aimat akoli naamasi eoŋ?” Kotemasi atiar, “Kipedori,” 23Kotema kes atiar, “Imasete bo akolika, konye aiboikin akanika nakoteten ka nakokediany, mere nakaŋ aikor, konye erai nakec kaŋul kaluitemokinit Papaka.” 24#Luk 22:24-26. Kepuputu lutomon, konyunyurikis iinacan iarei. 25#Luk 22:25-26. Konye Yesu konyarau kes, kotema atiar, “Ijenete ebe ikayaitok luka atekerin eyaito kes kagogoŋ, ejaas lukapolokokec kapedor mamakec. 26#Mat 23:11; Mk 9:35; Luk 22:26. Konye mam ikote nen kamakus; konye ŋinituŋanan yenekoto araut yenikapolon kamakus korau ikusikejaanakinan, 27ŋin da yenekoto araut yenisodit korau ikusibulesit; 28#Luk 22:27; Pil 2:7; 1 Tim 2:6. kwape mam ebunitor Okoku loka etuŋanan aijaanakinio dimarai aijaanakin, ka ainakin da akeijar alakunia ikepuak.”

29 # Mk 10:46-52; Luk 18:35-43. Nakeponiata koYeriko, kotupa ŋes ekodet loepol. 30#Mat 15:22. Ido koany, kiboiete imudukiok iarei kariri kerot, nakiirariata kesi ebe itorit Yesu, kiworoto, kotemasi atiar, “Kitimoi, Ejakait, Okoku loka Daudi!” 31Kiretak ekodet kes tetere ililiŋete; konye kiyatakis aiworo kotemasi atiar, “Kitimoi, Ejakait, Okoku loka Daudi!” 32Kobwou Yesu, konyarau kes, kobala ebe, “Ikotos keswamakis inyo?” 33Kotemasi atiar, “Ejakait, kikoto kitwekeny akosikonye.” 34Kitim Yesu kes, kotiro akecekonye, atipet kokwenyut, kotupasi ŋes.

Currently Selected:

Matayo 20: AOV1961

Highlight

Copy