Popular Bible Verses from Matayo 24

Share

Ido naarai iyatakina epali, ejoniari amin naka luipu. Konye ŋin yenetitiŋikini kiton awasia, ŋes itajario.

Elimonokinio Akiro nu Nukajokak nuka ajakanut anatar akwapin kere, araut akajenak mama ejaas atekerin kere; kosodi konyet edoluni awasia.

Iirarete yesi nuka ijiisio ka iemuto luka ijiisio; kocoito sirikiyaloŋoŋoto; naarai ibusakinit ŋun ajaun, konye koroko awasia edoluno.

Naarai enyoikini ateker asurokin ateker, ajakanut da asurokin ajakanut, ejaunun ebel ka amaran naka akwap aiboisio nuegelegela; eraas ŋun kere ageunet naka ariebo naka aidoun

Edaunos akuj ka akwapin, konye akakiro mam edaunos cut.

Naarai epote rwaru luipu kokirorika, ebalas ebe, ‘Eoŋ arai Kristo,’ itapaarete kesi luipu.

“Kapak kaŋin kijaikinete yes aiticanio, kiarete; kiŋarunete yes atekerin kanuka ekakiror. Kosodete iguikinete luipu, kes da ebilanakinos ibotei, ka aŋaranar. Enyounete inabin luipu lukeŋalak, itapaarete luipu.

Koboŋok Yesu kotema kes atiar, “Kocoito kinyek ituŋanan aitapaar yes.

Kanuka ŋun kokapakina yesi da; naarai ebuni Okoku loka etuŋanan kosawa lomam iwomito.

Aso kokwenyete; naarai mam ijenete apaaran anyoin naebunio Ejakait ikus.

“Konye akiro nuka apaaran kaya ka esawa da emamei yenejeni, karaida imalaikan luejaas toma akuj, karaida Okoku, dimikito Papa bon.

Naarai enyounete lukriston lukeŋalak, ka inabin Iukeŋalak, itoduunete ŋul aanyuneta nuepolok, ka nukaumokin da; tetere itapaarete luseuna arai epedoros.

Naarai kwape kejaatar apaarasia nuka Noa, ikonakini nen abunore naka Okoku loka etuŋanan, Naarai kwape kejaatar toma apaarasia nukegeikinete akalele, anyamete, amasete, amanyasi, amanyio da, kiton apaaran nakelomaria Noa toma ataker, komam kejenete kiton neadolunio akalele kolelea kere, ikonakini nen abunore naka Okoku loka etuŋanan.