Ikolosain 3

1 # Sab 110:1; Kol 2:12. Aso arai kitajarunitai nepepe ka Kristo, komoenenete nuejaas kuju, neejai Kristo, iboie kakan nakoteten naka Edeke. 2#Mat 6:33. Koomoomoete nuejaas kuju, kwabo mere nuejaas akwap. 3#Rom 6:2. Naarai ipotu kotwaka, ibwaitai da akusiijar nepepe ka Kristo, toma Edeke. 4#1 Kor 15:43; Pil 1:21; Gal 2:20. Naetakanunia Kristo, ŋes aijarawok, kosodete yesi da itakanunete nepepe kaŋes kotoma aibuses.

5 # Rom 6:6; 8:13; Pes 4:19; 5:3,5. Aso kitwataniasi akusitutubeta nuejaas akwap; adoteu, asilianut, ainekit, eimiel loerono, ka airaŋaanut, ŋes aima aputosia. 6#Pes 5:6. Kanuka ŋun ŋes ebunokinia anyunyura naka Edeke odwe luiulaka. 7Ipotu yesi da kolosenenete kolo kaŋun, naijariata kotomakec. 8#Pes 4:25-31; 5:4. Konye yes da kwana kolemasi ŋun kere awai; anyunyura, adedeŋ, aronis, ainyanakin, einer nukileic kaitukekus. 9#Pes 4:22. Siriŋalaŋalas, naarai ipotu kolacasi etuŋanan lokolo nepepe kaswamisioke, 10#Age 1:26; Pes 4:24. konapa da etuŋanan lokitetet loisiteteununio kiton ajenun kwape ejaar aput naka ŋol lokesubi ŋes, 11#Gal 3:28. Emamei kanen Eyonanit, karaida Eyudayat, akepio ka amamus akepio, imoit, Esukusit, ibulesit, karaida yenijakakai, konye Kristo ŋes kere, ejai da kotoma kere,

12 # Pes 4:2,32; 5:2; 1 Pet 2:9. Aso konapenenete etau loka aitim, asianut, aitasono, aiyapepera, atitiŋikin, kwape luseuna luka Edeke, lukalaunak ka luminan da; 13#Pes 4:32; 5:2; Mat 6:14. koŋirionokinos, kisionionoros, arai ejai ituŋanan kere aŋurian kayenice, ido kwape kisionio yes Ejakait, yes da kisioniete kwape kwaŋin. 14#Rom 13:8,10; Pes 4:3. Ido aitelekarit ŋun kere konapa amin, naerai elomorut loka adolior. 15#Pes 4:4; Pil 4:7; 1 Kor 12:13,27. Kodiekenenei ainapakin naka Kristo kotoma otauonokus, nakinyarakinio da toma akuan adiopet, kimalaenenete da. 16#Pes 5:19-20. Kiboienenei akirot naka Kristo kabarara kotomakus, kacoa kere: kisisianakinete ido kikwenyanaros kisabulin, ka ikososio, ka nupwakan nuka emoyo; iyeonokinete Edeke kasianut kotoma otauonokus. 17#1 Kor 10:31; Pes 5:20. Ido nuiswamaenenete kere kakirot arai kaswam, kiswamaenenete kokiror loka Ejakait Yesu, kimalaenenete Edeke Papa kotomakeŋ.

18 # Pes 5:22–6:9; 1 Pet 3:1. Yes aŋor, kononokikis ikusikiliok, kwape ibusakinitor kotoma Ejakait, 19#Pes 5:25; 1 Pet 3:7. Yes ikiliok, kominas akusiŋor, siridedeŋanakinete kes. 20#Pes 6:1. Yes idwe, korimasi ikusikauriak kotoma akiro kere, naarai ŋin itojokit Ejakait. 21#Pes 6:4. Yes lukapapa, sirikitunyunyuranakis ikusidwe, kinyeis ajuruŋuŋ. 22#Pes 6:5-8. Yes ibulesin, korimasi ikusijaka luka akuan kotoma akiro kere; mere kaijaanakin nakokuju kwape luitoiokito ituŋa, dimarai kaipioror nakotau, koyoŋito Ejakait, 23Yeniswamaete kere, kiswamaenenete kaijar kere, bala iswamanakinete Ejakait kwabo mere ituŋa, 24Kojenete ebe kiinakini Ejakait eropit loka airumet; ijaanakinete Ejakait Kristo. 25#Ikis 10:17; Rom 2:11; Pes 6:9. Naarai yeniswamai erono, etacakinio bobo kwape ejaar akeronis, ido emamei atiakit ituŋa.

Currently Selected:

Ikolosain 3: AOV1961

Highlight

Copy