Popular Bible Verses from Ikolosain 3

Share

koŋirionokinos, kisionionoros, arai ejai ituŋanan kere aŋurian kayenice, ido kwape kisionio yes Ejakait, yes da kisioniete kwape kwaŋin.

Koomoomoete nuejaas kuju, kwabo mere nuejaas akwap.

Yeniswamaete kere, kiswamaenenete kaijar kere, bala iswamanakinete Ejakait kwabo mere ituŋa

Aso konapenenete etau loka aitim, asianut, aitasono, aiyapepera, atitiŋikin, kwape luseuna luka Edeke, lukalaunak ka luminan da

Kiboienenei akirot naka Kristo kabarara kotomakus, kacoa kere: kisisianakinete ido kikwenyanaros kisabulin, ka ikososio, ka nupwakan nuka emoyo; iyeonokinete Edeke kasianut kotoma otauonokus. Ido nuiswamaenenete kere kakirot arai kaswam, kiswamaenenete kokiror loka Ejakait Yesu, kimalaenenete Edeke Papa kotomakeŋ.

Ido aitelekarit ŋun kere konapa amin, naerai elomorut loka adolior.

Aso arai kitajarunitai nepepe ka Kristo, komoenenete nuejaas kuju, neejai Kristo, iboie kakan nakoteten naka Edeke.

Kodiekenenei ainapakin naka Kristo kotoma otauonokus, nakinyarakinio da toma akuan adiopet, kimalaenenete da.

Aso kitwataniasi akusitutubeta nuejaas akwap; adoteu, asilianut, ainekit, eimiel loerono, ka airaŋaanut, ŋes aima aputosia.

Naarai ipotu kotwaka, ibwaitai da akusiijar nepepe ka Kristo, toma Edeke.

Konye yes da kwana kolemasi ŋun kere awai; anyunyura, adedeŋ, aronis, ainyanakin, einer nukileic kaitukekus.

Siriŋalaŋalas, naarai ipotu kolacasi etuŋanan lokolo nepepe kaswamisioke, konapa da etuŋanan lokitetet loisiteteununio kiton ajenun kwape ejaar aput naka ŋol lokesubi ŋes

Yes ikiliok, kominas akusiŋor, siridedeŋanakinete kes.

Yes idwe, korimasi ikusikauriak kotoma akiro kere, naarai ŋin itojokit Ejakait.

Yes aŋor, kononokikis ikusikiliok, kwape ibusakinitor kotoma Ejakait