Ikolosain 2

1Naarai akoto yes ajenun aut naetia nen naauta kanukus, kanuka ŋul da luejaas Laodikia, ka ŋul kere lumam eanyunito akakonyen toma akuan; 2#Kol 1:26; Pes 3:18. tetere italakario ikecetauon, inicakina kotoma amin, koanyut abar kere naka acoit naitogogoŋitoi, kojenut cut aiyeiyea naka Edeke, ŋes Kristo, 3#Isa 45:3; Awa 2:3,4; Pes 3:19; 1 Kor 1:24,30. loibwaitai kotomakeŋ iboro kere luketiai loepol luka acoa ka ajenun da. 4#Rom 16:18; Pes 4:17; 5:6. Enera ŋun kinyek idiotuŋanan aitapaar yes kakiro nuka aijodijod. 5#1 Kor 5:3; 14:40. Naarai karaida amamei eoŋ kotoma akuan, konye ajai kayes kotoma omoyo, eyalama da aanyun ekusipone loeteni ka aicasit naka aiyuunikus kotoma Kristo.

6 # Pes 4:17. Aso kwape ijauniata Kristo Yesu Ejakait, kolosenenete kwaŋin kotomakeŋ; 7#Pes 3:17; 2:20,22. kicasito aliasiokus, kodukokina kotomakeŋ, ido kitogogoŋitete kotoma aiyuun, kwape kisisianakinere, kilapara kaimal.

8 # Pes 5:6. Kocoito kinyek idiotuŋanan aŋatar yes kanuka aminacoa ka aiŋal naatai, kwape ejaatar iponesio luka ituŋa, kwape ejaatar nugeet nuka akwapin, kwabo mere kwape ejaar Kristo, 9#Yok 1:14,16. Naarai kotomakeŋ iboie aitekoro kere naka Eidekeone kakuan, 10#Pes 1:21. yes da itekoro kotomakeŋ, loerai akou naka ayait kere ka apolou da. 11#1 Pet 3:21; Rom 2:29. Kotomakeŋ da kikepitai yes kakepio namam iswamatai kakanin, ilacata akuan naka etuŋanan kotoma akepio naka Kristo; 12#Rom 6:4; Kol 3:1; Pes 1:19,20. kinukio nepepe kaŋes kaibatis, kaŋin da aponi kitajarun nepepe kaŋes, kanuka aiyuun aswam naka Edeke lokitajaruni ŋes kokatwak, 13#Pes 2:1-5. Yes da lukitwakito kotoma aibucanareta, ka amamus akepio naka awatekus, abu Edeke koinak yes aijar nepepe kaŋes, kedau ŋesi aisioni oni aibucanaretawok kere, 14#Pes 2:14,15; 1 Pet 2:24. kedau aimwatar aitutuket naewadikatai toma okisila nakitusurupi oni; abu kolema awai, kibubuk omusalaba. 15#Kol 1:13. Kolaca ŋesi ikayaitok ka lukapolou kitodia kes katitiŋ, kipiko kes komusalaba.

16 # Rom 14:1-6. Aso kinyek idiotuŋanan atubokin yes kakiro nuka inyamat, arai numatan, arai bo kakiro nuka epucit, karaida ailamun naka elap, karaida nuka apaaran nakasabato.

17 # Bur 8:5; 10:1. Eraas nu etoribe loka nuepote; konye akuan ŋes naka Kristo. 18Kinyek idio ademar ainakinetekus, yenekoto aitisilikin, ka aima imalaikan, kitogogoŋooro kaitapoeta, iturokina atai kanuka aomisioke nuka akuan, 19#Pes 2:21; 4:15,16. kwabo mam iketakina Akou, lokotomakeŋ akuan kere isigalikinio ka ainicakinio kanuka ailenyeta ka amoori, iyatanakin keiyas loka Edeke.

20 # Gal 4:3,9. Arai ipotu kotwaka nepepe ka Kristo ainyein nugeet nuka akwapin, kanukinyo inonokikinitotor ikisila bala iroko ijarete kotoma akwapin, 21#Gal 6:8. ebe, “Sirikitiŋ, Sirikiir, Sirikitiro”, 22#Isa 29:13; Mat 15:9. (ŋul kere eoliorete toma aitwasamao) atupar aicorakineta ka aisisianakin naka ituŋa? 23#Rom 13:14; 1 Tim 4:3. Akiro ŋun kere ejai aput naka acoa kotoma aima naepwakunete ituŋa bonik, ka aitisilikin, ka aitican akuan; emamei ŋun ajokis nepetai da aitikokinia aiŋobel naka akuan.

Currently Selected:

Ikolosain 2: AOV1961

Highlight

Copy