Ikolosain 4
4
1 #
Pes 6:9; Leb 25:43,53. Yes ijaka, kokorakis ikusibulesin nukadolit ka aitiirian, kojenete ebe ejai yes da Ejakait toma akuj.
2 #
1 Ses 5:17; Pes 6:18; Pil 4:6. Kicebokinito kotoma ailip, kokwenyenenete kotomake kaimal. 3#Rom 15:30; Pes 6:18,19; 2 Ses 3:1; 1 Kor 16:9. Kilipanakinete sio da, ebe koŋaik Edeke sio ekek kanuka akirot, einer aiyeiyea naka Kristo, nakaenitere eoŋ kanukeŋ; 4#Pes 6:20. tetere etodiari kwape kebusakinitor einer,
5 #
Pes 5:15,16; 1 Ses 4:12. Kolosenenete kacoa mama ejaas ŋul lukokiŋa, koyuununete apak.
6 #
Pes 4:29; Mk 9:50; 1 Pet 3:15. Kinerenenasi apaarasia kere kasianut, kokonyite abalaŋ, tetere ijenete kwape ibusakinitor aboŋonokin ŋinituŋanan,
7 #
Asw 20:4; 2 Tim 4:12; Pes 6:21. Kitejenikini yes Tukiko nukadoikis kere; erai ŋesi onace lominat ka ekejaanakinan lomunot, ido ebulesit aupakosi kotoma Ejakait. 8#Pes 6:22. Ejuk ŋes mamakus kanuka akirot kana, tetere ijenunete nukidoikis sio, ido kitalaka ŋesi ikusitauon, 9#Plm 1:10-12. nepepe ka Onesimo, onace lomunot ka lominat da, lokobukus. Kitejenikinete kesi yes akiro kere nukane.
10 #
Asw 12:12,25; 13:13; 15:37-39; 18:27; 19:29; 27:2; Plm 1:24. Kiyogai yes Arisitariko, ekijoreoritono aupaka, ka Marako ecen loka Baranaba, (Ioaponi kicorakin yes kanukeŋ; arai ebuni mamakus, kisukunyikis ŋes), 11ka Yesu loenyaritai Yusito, Eraas lu lukotoma luekepitai, kes bonik ikeswamak lukaupaka kanuka ajakanut naka Edeke, luapotu ketalakasi eoŋ noi. 12#Kol 1:7; Plm 1:23. Kiyogai yes Epapurasi, loerai lokobukus, ebulesit loka Kristo Yesu, euta apaarasia kere kanukus kotoma ailipike, tetere ibwoenenete kopolok, kitogogoŋito da kere nuekot Edeke. 13Naarai etejenaara kanukeŋ ebe itaaritoi ŋesi noi kanukus, kanuka luko Laodikia da, kanuka luko Kierapoli da. 14#2 Tim 4:10,11; Plm 1:24. Kiyogai yes Luka emurwon lominat, ka Dema da. 15Kiyogaete iinacan luejaas Laodikia, Numpa da ka ekanisa loejai togoke. 16Ido naidauniata yesi asoman ebalua lo, kosiomata da kotoma okanisa loka Laodikia; kosiomata yesi da loebuni koLaodikia. 17#Plm 1:2. Kolimokis da Arikipo ebe, “Kocoite aijaanakin naibu kodum kotoma Ejakait, tetere itodoli.”
18 #
1 Kor 16:21; 2 Ses 3:17. Eoŋ Paul ewadikai ayogan na kakakan elopet. Kiitununete akaenio. Asianut kojai mama ijaas.
Currently Selected:
Ikolosain 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
