Param Marikanka 5
5
Ulbi karban wauhkataya ba bara Sîp Luhpia ba
1King iwaika ra iwi ba mihta aihkika ra wauhtaya karban kum bri kan kaikri, bara baha bîla tani ra bara lata tani ra sin ulban kan,#Ais 29.11; Isi 2.9-10; Sak 5.1. bara sîl 7 ni prakan kata. 2Insal karnakira kum kaikri, bara witinka ba ai bîla baikra tara ni wini, makabi wali kan: “¿Ya ba aitani sa sîl nani ba kriki, wauhkataya ba kwâkaia?” 3Sakuna kasbrika purara, tasba ra, bara tasba mununhtara sin kumi âpu kan baha wauhkataya kwâki, bahara kaikaia sip kaia. 4Bara yang uya ini kapri, wauhkataya ba kwâki kaikaia upla kumi sin aitani sip sakras kan bamna. 5Bara almuk nani ba wina kum mita ai win: “Kau inpara. Kaiks Juda taika Layanka ba,#Bla St 49.9. witinka king Debit kiamka ba,#Ais 11.1,10. baha ba pura luan sa,#Jn 16.33; Par M 3.21. bara sip sa sîl 7 ba kriki wauhkataya ba kwâkaia.”
6Bara king iwaika ba diara rayakira walhwal ba lilapas, almuk nani ba lilapas kat, Sîp Luhpia kumi bûi kan kaikri,#Ais 53.7. baha ba ikan baku kata. Witin ba aringka 7 bara nakra sin 7 bri kan;#Sak 4.10. baha Gâd spiritka nani 7 tasba aiska ra blikan ba. 7Baha Sîpka Luhpia ba bûi wan, bara king iwaika ra iwi kan ba mihta aihkika wina baha wauhtaya ulbi karbi swin ba brin; 8witin baha wauhkataya ba prak brin ba ra, diara rayakira walhwal ba bara almuk 24 ba, Sîp Luhpia ba mawan kat ai lula krikan. Witin nani sut arp kum bri kan, gul ni daukan kapka sin dus mâka kîa pain banhki bri kan, bara baha nani ba lika Gâd uplika nani pura sunra nani sa.#Law 141.2; Par M 8.3. 9Witin nani naha lawana raya na aiwani kan:#Law 33.3; 98.1; Ais 42.10.
“Man lika wauhkataya ba briaia
bara sîl nani ba krikaia sin aitani sip sma.
Kan man lika mai ikan kata,
bara tâliam ni yang nani na
Gâd luhpia nani wisi wan atkram,
taya sâtka bani wina,
bîla sât aisi ba wina,
nisan sâtka bani wina sin.
10Witin nani ba wal king tasbaya kum
prîs nani daukram,
wan Gâdka warkka daukaia dukiara,#Imp St 19.6; Par M 1.6; 20.6.
witin nani tasba ra karnika alki bri kaia.”
11Baha ningkara kaikri, bara insal ailal bîla baikra walri; baha nani ba king iwaika ba kir, diara rayakira nani ba, bara almuk nani ba sut kir kata. Witin nani ba milian bara milian kan,#Dn 7.10. 12bara ai bîla baikra karna ni aisin:
“¡Sakripais daukan Sîp Luhpia ba
aitani sip sa pura aimakan karnika nani sut ba briaia,#Jn 1.29; 2 Ko 5.7.
sins lâka ba, baha kukan ba,
pain kulkan lâka ba,
prana ba bara mayunra ba sin!”
13Gâd mita diara paskan nani ba sut sin walri, baha nani kasbrika purara ba, tasba ra ba, tasba mununhtara nani ba, kabu ra nani ba, bara baha nani ra kan ba sut naku aisi kan:
“¡Mayunra ba, pain kulkan lâka ba,
prana ba, karnika ba sin,
king iwaika ra iwi ba ra yan kabia, Sîp Luhpia ba ra sin,
ban kaia ban kaia ra!”
14Diara rayakira walhwal ba naku aisi kan: “¡Baku kabia!” Bara almuk nani 24 ba ai lula krikan bara mayunan.
Currently Selected:
Param Marikanka 5: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
