Param Marikanka 6
6
Sîl walhwal nani pas ba
1Bara Sîp Luhpia ba sîl 7 ba wina pas ba krikan ba kaikri, bara diara rayakira walhwal ba wina kum ba ai bîla baikra ba sin alwani baku naku aisan walri: “¡Man nani bal!” 2Yang kaikri, bara bahara aras pihni kum kata,#Sak 1.8; 6.3,6. bara purara uli kan ba lika ai mihta ra pantamangka kum bri kan. Witin ra kraun kum yan, bara witin ba sip muni pura lui bal takan, bara pura luaia mata.
3Sîp Luhpia ba sîl wâl ba krikan ba ra, diara rayakira walhwal ba wina wâlka ba naku aisan walri: “¡Man nani bal!” 4Bara aras wala kum bal takan, baha ba lika pauni kan,#Sak 1.8; 6.2. bara purara uli kan ba karnika bri kan, tasba aiska wina kupia kumi lâka ba sakaia, bara yaka upla nani ba aiklabi pana pana prui tiwaia; bara witin ra sord tara kum sin yan kata.
5Sîp Luhpia ba sîl yumhpika ba krikan ba ra, diara rayakira walhwal ba wina yumhpika ba naku aisan walri: “¡Man nani bal!” Yang kaikri, bara bahara aras siksa kum kan.#Sak 6.2,6. Baha purara uli kan ba ai mihta ra paun kum bri kan. 6Bara diara rayakira nani walhwal tila ba wina bîla baikra kum naku aisi kan walri: “Plawar kwart kumi mana ba silin kumi, bara barli mâ kwart yumhpa ba silin kumi; sakuna oliv batana laya bara wain ba sin man bui yarka tiwbiara.”
7Sîp Luhpia ba mita sîl walhwalka ba krikan ba ra, diara rayakira walhwal ba win: “¡Man nani bal!” 8Yang kaikri, bara bahara aras lalahni kum kata. Baha purara uli kan ba nina Prura. Bara baha ninara pruan nani tasbaya wina ba aula kan, witin nani ra karnika yan kan tasba mânka walhwal ba wina mânka kumi ba purara karnika alkaia, bara war daukaia, plun tiwan nani sin bri balaia, siknis nani bara tasba daiwra wail nani ni sin bri balaia upla ikaia.#Isi 14.21.
9Sîp Luhpia ba sîl matsip ba krikan ba ra, altar mununhtara Gâd sturka yamni tâwan bara baha witniska nani taki kan tâwan ikan sulka ba kaikri. 10Naha nani ai bîla baikra karna wini kan: “Dawan, man holikira sma ba bara kasak kat pramis daukisma ba, ¿ahkia kat man ba lâ daukma naha tasba ra iwi nani ra, bara pana ikma wan pruanka nani ra?” 11Bara witin nani bani ra kwala pihni kum yan kan; witin nani ra sin win kata piu wiria ris bribia, ai muihni nani Gâd warkka dauki ba sut daukbia ba kat, bara baha nani ba sin witin nani ra ikan ba baku ikaia kan.
12Sîp Luhpia ba sîl matlalkahbika ba krikan ba ra, yang kaikri bara tasba nikban tara takan.#Par M 11.13; 16.18. Lapta ba siksa takan#Ais 13.10; Jl 2.10,31; 3.15; Mt 24.29; Mk 13.24-25; Lk 21.25. sim sari kwalka siksa baku, bara kati ba pauni pali takan tala baku;#Jl 2.31. 13slilma nani kasbrika purara ba, tasba ra kauhan, kwah damni dusa ai mâ kura nani, pâsa karna mita nikbuya ba ra bataki ba baku. 14Kasbrika purara lap tiwan wauhtaya kum karbi blaki ba baku,#Ais 34.4. bara il nani ba sut, kî dakura nani ba sin ai pliska nani wina kitban kan.#Par M 16.20. 15Bara tasba kingka nani ba, upla tara nani ba kira, lalahkira nani ba, suldiar wihtka tara nani ba,#Ais 2.19,21. karnakira nani ba, alba nani ba bara pri uplika nani sut sin, kipla unta nani ra bara il walpakira nani ra sin wih yukuwan; 16bara il nani ra bara walpa nani ra sin, witin nani naku wi kan: “Yang nani purira kauhs, bara baha king iwaika ra iwi ba mawan wina wan yukuks,#Os 10.8; Lk 23.30. Sîp Luhpia mita lawanka tara yabaia ba wina sin. 17Kan lawanka tara yua ba balan sa, ¿bara ya baha mapara ban buaia sip kabia ki?”#Ais 13.6; Isi 30.2-3; Jl 1.15; 2.11; Em 5.18-20; 8.9-14; Sof 1.14-18; Mal 3.2.
Currently Selected:
Param Marikanka 6: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
