Param Marikanka 4
4
Kasbrika purara mayunra daukan ba
1Naha diara nani ningkara, diara aihka wala kum kaikri: kasbrika purara dur kum kwâkan kan; bara baha bîla baikra trumpit baku pas pali yang ra aisan kata ba ai win: “Nâra uli bal, bara naha ningkara diara nani takaia ba mamrikamni.”
2Baha pali piua ra Spirit ba ai karnika munhtara ai brin, bara kasbrika purara king iwaika kum bâra kan kaikri, bara kingka iwaika ba ra upla kum sin iwi kata. 3Iwi kan ba lika jasper walpaya ingnikira, apia kaka karnilian walpaya baku kan; kingka iwaika ba kir kumadura kum bâra kan, bara baha ba lika esmeralt walpaya ingnika baku ingwi kan.#Isi 1.26-28; 10.1. 4Naha kingka iwaika ba kir, king iwaika kau 24 bâra kan kaikri, bara baha nani ra almuk 24 iwi kan, baha nani ba kwala pihni dimi bara ai lal purara gul kraunka nani bri kan. 5King iwaika ba wina imyula nani, bin nani bara alwani nani sin taki kan;#Imp St 19.16; Par M 8.5; 11.19; 16.18. bara king iwaika mawanra pauta lakni lampka 7 klauhi kan,#Isi 1.13. baha nani lika Gâd spiritka 7 ba.#Sak 4.2; Par M 1.4. 6King iwaika mawanra glas kabuka baku bâra kan, glas sangni pali baku.#Isi 1.22.
King iwaika ba lilapas ra bara baha kir sin diara rayakira walhwal bâra kan, bara baha nani ba nakra baman banhki kan, mawan tani ra bara nina tani ra sin. 7Diara rayakira pas ba layan baku kan; wala ba bîp bul baku kan; yumhpika ba mawan lika upla mawan baku kan; walhwalka ba lika yakal kum pâli baku kan.#Isi 1.5-10; 10.14. 8Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan:#Isi 1.18; 10.12.
“¡Holi, holi, holi,
Dawan, Gâd karnika sut bri ba,
witinka kaina wina bâra kata ba,#Ais 6.2-3.
bâra ban ba, bara naika balaia ba!”
9Bara diara rayakira nani ba mayunra, prana bara tingki sin king iwaika ra iwi ba ra yabuya piua bani, witinka ban kaia ra ban raya ba, 10almuk 24 ba witin mawanra ai lula krikuya, bara ban kaia ra raya iwi ba ra ai pura suni mayunisa, bara king iwaika mawanra ai kraunka nani ba mangki, wisa:
11“Dawan wan Gâdka,
man lika mayunra ba,
prana ba bara karnika ba briaia aitani sma;
kan man sika diara sut paskram ba,
bara man kupiam lâka mita sika
baha nani ba ban sa bara paskan kata.”
Currently Selected:
Param Marikanka 4: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua