Popular Bible Verses from Param Marikanka 5

Share

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.

bara ai bîla baikra karna ni aisin: “¡Sakripais daukan Sîp Luhpia ba aitani sip sa pura aimakan karnika nani sut ba briaia, sins lâka ba, baha kukan ba, pain kulkan lâka ba, prana ba bara mayunra ba sin!”

Witin nani ba wal king tasbaya kum prîs nani daukram, wan Gâdka warkka daukaia dukiara, witin nani tasba ra karnika alki bri kaia.”

Gâd mita diara paskan nani ba sut sin walri, baha nani kasbrika purara ba, tasba ra ba, tasba mununhtara nani ba, kabu ra nani ba, bara baha nani ra kan ba sut naku aisi kan: “¡Mayunra ba, pain kulkan lâka ba, prana ba, karnika ba sin, king iwaika ra iwi ba ra yan kabia, Sîp Luhpia ba ra sin, ban kaia ban kaia ra!”

Bara almuk nani ba wina kum mita ai win: “Kau inpara. Kaiks Juda taika Layanka ba, witinka king Debit kiamka ba, baha ba pura luan sa, bara sip sa sîl 7 ba kriki wauhkataya ba kwâkaia.”