YOHANI 15

Yesu yo mpiki gwa mafilu ugwa naloli

1“Une ne mpiki gwa mafilu ugwa naloli, umwene Tata yo ndimi. 2Kosa aka kali myangu, akasamba aka katikupa iseke, ko ikukasosyapo; kangi akasamba kosa akakikupa iseke ko ikukapatilila, ukuti kongelengepo ukupa iseke. 3Umwe mupatililigwe nganila nisyu ili mbabulile. 4Amuyege mu mmyangu, bo papo nanine ndi mmyinu. Bo apa akasamba kakabagila ukupa iseke kene itolo linga katikuya mumpiki gwa mafilu, bo mukuyaga nanumwe linga mutikuyamo mmyangu. 5Une ne mpiki gwa mafilu, umwe muli tusamba. Uyu linga ikuya mu mmyangu, nanine nikuya mu mmyake, yo ikupaga iseke si nyingi; namanga kisitakuya nanine, mukabagila ukubomba simo. 6Linga yumo atikuya mu mmyangu, yo ikutagigwa panja bo akasamba, ikumaga itolo; utusamba utumu bikutubungania nukututaga mmoto, tukupya itolo. 7Linga umwe mukuya mu mmyangu, gope namasyu gangu gikuya mu mmyinu, fyosa ifi linga mukulonda musumege, po fikubisilaga. 8Muli isi mo Tata ikukabila ubukulumba, linga mukupa iseke si nyingi, nukwipela ukuya bafundigwa bangu. 9Bo apa Tata alinganile une, mo mumo nanine nabaganile umwe; amuyege mu ndugano lwangu. 10Linga mukusikonga indagilo syangu, po mwisakuyaga mu ndugano lwangu; bo apa nanine nsikongile indagilo sya Tata, kangi ndi ndugano lwake.

11“Sisisi syo mbabulile ukuti ulusekelo lwangu luyege mmyinu, nukuti ulusekelo lwinu luyege lupelelesye itolo. 12#Yoh 13.34; 15.17; 1 Yoh 3.23; 2 Yoh 5Ululagilo lwangu lo ulu: Amugananege bo papo nanine mbaganile umwe. 13Akayako nayumo ugwa lugano ulu lulukindile ulwa mundu, uyu ikubutaga ubumi bwake panongwa ya bamanyani bake. 14Umwe muli bamanyani bangu, linga mukubomba sisyo nikubalagila. 15Lilino ndikubayobaga kangi iya butumwa, papo untumwa akasimanya isi umalafyale gwake ikubomba; loli umwe nikubayoba ukuya bamanyani bangu, buno syosa isi mbilike kwa Tata syo mbabulile umwe. 16Mungatigi yo umwe munsalile une, mma, loli yo une ne mbasalile umwe, kangi mbasalile ukuti mubukege mukapege iseke isi sikuyangako bwila; ko kuti fyosa ifi linga mukusumila kwa Tata mungamu yangu, abapege. 17Sisisi syo nikubalagila umwe ukuti amugananege.

Ulubengo lwa kisu

18“Linga ikisu kibabengile umwe, po mumanyege ukuti kyalimbengile une, bo kikali nukubabenga umwe. 19Linga mwali ba nkisu muno, po angali ikisu kifiganile ifyake; loli papo umwe mukaya ba nkisu muno, namanga nabasalile umwe ukufuma nkisu muno, fyobene ikisu kibabengile. 20#Mat 10.24; Luk 6.40; Yoh 13.16Amulikumbukege ilisyu ili nababulile ukuti, ‘Untumwa akankinda ubukulumba umalafyale gwake.’ Linga balifwimile une, bisakubafwimaga nanumwe. Linga ilisyu lyangu balikongile, po lyope ilyinu bisakulikongaga. 21Loli syosa sisisi bisakubabombelaga panongwa ya ngamu yangu, papo bakammanya uyu alindumile une. 22Linga ngalisile kukubabula, angali bakaya nubutulanongwa, loli lilino bakaya nasyo simo isya kwinokesya pabutulanongwa bwabo. 23Uyu linga ambengile une, yo ambengile na yu Tata. 24Linga ngasibombilemo mmyabo imbombo isi nayumo uyungi akasibombilemo, po angali bakaya nubutulanongwa; loli lilino batubwene, kangi batubengile une na Tata; 25#Salimo 35.19; 69.4ukuti mo lisilege ilisyu ili lisimbigwe mundagilo syabo, ili Ukuti, ‘Bambengile itolo ne nsitanongwa.’

26“Loli linga isile Unjili, uyu nisakubatumilaga ukufuma kwa Tata, yu Mbepo gwa bwanaloli umfuma kwa Tata, yo isakunsisimikisyaga une. 27Kangi nanumwe mukunsisimikisya, namanga mwali nanine ukufuma mu mbwandilo.

Currently Selected:

YOHANI 15: NNBII

Highlight

Copy