Popular Bible Verses from YOHANI 15

Share

Une ne mpiki gwa mafilu, umwe muli tusamba. Uyu linga ikuya mu mmyangu, nanine nikuya mu mmyake, yo ikupaga iseke si nyingi; namanga kisitakuya nanine, mukabagila ukubomba simo.

Amuyege mu mmyangu, bo papo nanine ndi mmyinu. Bo apa akasamba kakabagila ukupa iseke kene itolo linga katikuya mumpiki gwa mafilu, bo mukuyaga nanumwe linga mutikuyamo mmyangu.

Linga umwe mukuya mu mmyangu, gope namasyu gangu gikuya mu mmyinu, fyosa ifi linga mukulonda musumege, po fikubisilaga.

Mungatigi yo umwe munsalile une, mma, loli yo une ne mbasalile umwe, kangi mbasalile ukuti mubukege mukapege iseke isi sikuyangako bwila; ko kuti fyosa ifi linga mukusumila kwa Tata mungamu yangu, abapege.

Akayako nayumo ugwa lugano ulu lulukindile ulwa mundu, uyu ikubutaga ubumi bwake panongwa ya bamanyani bake.

Kosa aka kali myangu, akasamba aka katikupa iseke, ko ikukasosyapo; kangi akasamba kosa akakikupa iseke ko ikukapatilila, ukuti kongelengepo ukupa iseke.

Ululagilo lwangu lo ulu: Amugananege bo papo nanine mbaganile umwe.

Muli isi mo Tata ikukabila ubukulumba, linga mukupa iseke si nyingi, nukwipela ukuya bafundigwa bangu.

“Une ne mpiki gwa mafilu ugwa naloli, umwene Tata yo ndimi.

Linga yumo atikuya mu mmyangu, yo ikutagigwa panja bo akasamba, ikumaga itolo; utusamba utumu bikutubungania nukututaga mmoto, tukupya itolo.

“Sisisi syo mbabulile ukuti ulusekelo lwangu luyege mmyinu, nukuti ulusekelo lwinu luyege lupelelesye itolo.

Linga mukusikonga indagilo syangu, po mwisakuyaga mu ndugano lwangu; bo apa nanine nsikongile indagilo sya Tata, kangi ndi ndugano lwake.

Sisisi syo nikubalagila umwe ukuti amugananege.

Linga mwali ba nkisu muno, po angali ikisu kifiganile ifyake; loli papo umwe mukaya ba nkisu muno, namanga nabasalile umwe ukufuma nkisu muno, fyobene ikisu kibabengile.