1 KORINTUS 13
13
Haknok
1Hamapen eng dapat ngbelwal ku kateh dikdij bahase manusia ru bahase malikat, tapi amen ku eng walah haknok, bengwal eng sama begei engrok renyah de walah ireti. 2Amen eng mong kurnie ha perlei bengsat Jenang, ru mong penanei tentang dikdij hal Jenang de cenem ru ihad jerek, ru eng adeh mong iman de dapat kijeg lod nu tempat kilek, tapi amen ku eng walah haknok, eng adeh pek beguna. 3Hamapen eng ngog dikdij harta eng nu mai hajap ru ngog diri eng supaye bitod, tapi amen eng walah haknok, dikdij de ngbeh ajeh pek kien neuntong nu eng. 4Bok de kihok ha mai kilek, ilei ajeh sabar, bor isengik, pek iri isengik, pek kibelagak, ru pek sumbong. 5Ilei pek kasar, pek kipenteng ha diri ilei taleh, pek deras kibelal, ru pek kibedendam. 6Bok imai de kihok ha mai kilek, kek pek kikerakmik tentang hal de jehat, tapi kek kikerakmik tentang hal de benar. 7Ilei ajeh tahan kitempeh ma-ma taleh, lekat kipecaya ha mai kilek, ineharap pek nyep, ru selalo kisabar hamapen kitempeh senusah.
8Haknok mong lei ditehjeh ru pek nyep. Tapi kurnie-kurnie doh nyep bile lei imase. Icuntoh, penanei ha perlei bengsat Jenang, penanei ha belwal ku kateh bahase-bahase kelog, ru penanei ha bepasal ilmu de jerek imaksod, doh nyep bile lei imase. 9Kerana, ilmu hik ru penanei hik ha perlei bengsat Jenang ajeh pek sempurne. 10Tapi bile Jenang Kibeh dikdij hal kijadi sempurne, hal-hal de pek sempurne begei ha kurnie-kurnie ju Kelog Jenang doh nyep.
11Mase eng lekat sanget, bengwal, serengngik, ru pengham eng juga begei ha sanget. Tapi bile eng ya ngraknak, kelaku eng ya pek begei ha sanget nij. 12Jenang de hineng hunen ajeh begei ha wog de sabor ku cermin. Tapi doh buleh hineng Kek ru ihad jelas. Hunen ma de ya ngpanei pek sempurne tapi eng doh ngpanei dikdij hal sama begei Jenang de Kipanei dikdij hal tentang diri eng.
13Hunen mong nik hal de lekat hod hibeh: Hipecaya, hibeharap, ru hihakhok. Tapi de paleng penteng ju rimnik ajeh, hihakhok.
Currently Selected:
1 KORINTUS 13: AEH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
