Popular Bible Verses from 1 KORINTUS 13

Share

Bok de kihok ha mai kilek, ilei ajeh sabar, bor isengik, pek iri isengik, pek kibelagak, ru pek sumbong. Ilei pek kasar, pek kipenteng ha diri ilei taleh, pek deras kibelal, ru pek kibedendam.

Ilei ajeh tahan kitempeh ma-ma taleh, lekat kipecaya ha mai kilek, ineharap pek nyep, ru selalo kisabar hamapen kitempeh senusah.

Bok imai de kihok ha mai kilek, kek pek kikerakmik tentang hal de jehat, tapi kek kikerakmik tentang hal de benar.

Hunen mong nik hal de lekat hod hibeh: Hipecaya, hibeharap, ru hihakhok. Tapi de paleng penteng ju rimnik ajeh, hihakhok.

Haknok mong lei ditehjeh ru pek nyep. Tapi kurnie-kurnie doh nyep bile lei imase. Icuntoh, penanei ha perlei bengsat Jenang, penanei ha belwal ku kateh bahase-bahase kelog, ru penanei ha bepasal ilmu de jerek imaksod, doh nyep bile lei imase.

Hamapen eng dapat ngbelwal ku kateh dikdij bahase manusia ru bahase malikat, tapi amen ku eng walah haknok, bengwal eng sama begei engrok renyah de walah ireti.

Amen eng mong kurnie ha perlei bengsat Jenang, ru mong penanei tentang dikdij hal Jenang de cenem ru ihad jerek, ru eng adeh mong iman de dapat kijeg lod nu tempat kilek, tapi amen ku eng walah haknok, eng adeh pek beguna.

Hamapen eng ngog dikdij harta eng nu mai hajap ru ngog diri eng supaye bitod, tapi amen eng walah haknok, dikdij de ngbeh ajeh pek kien neuntong nu eng.

Mase eng lekat sanget, bengwal, serengngik, ru pengham eng juga begei ha sanget. Tapi bile eng ya ngraknak, kelaku eng ya pek begei ha sanget nij.