Lɔmukalu 7
7
Misali ka bɛn fuluko ma
1M̀ badenmalu, ǹ'i kumala ài yɛ iwo mɔɔ minu ka seliya lɔn. Ài k'a lɔn ko damanda mɔɔ y'a nii la, a yi seliya fanga kɔlɔ waate wo le lɔ dein, kɛlɛ? 2A misali kɛyine iwo moso fulunin ya ko. Damanda a kɛ́ y'a nii la, a yi seliya le le ko a kà bɔ a kɛ́ kun. Kɛɛ ni a kɛ́ ka sa, a la vɛ fɛlɛ ka bɔ seliya wo ma. 3Wo le y'a kɛla, ni a ka t'i sii kɛ́ gbɛlɛ kun k'a talan a kɛ́ y'a nii la bene, ai y'a fɔle a ma ko jalon. Kɛɛ ni a kɛ́ ka sa, a la vɛ fɛlɛ ka bɔ seliya wo ma. Ni a do k'i sii kɛ́ gbɛlɛ kun, a ma jalonya kɛ wo le. 4M̀ badenmalu, wo boloɲa kelen ma, àilu gbu vɛ sa seliya ta fannɔ ka bɛn maa kafonɲɔɔya ma Masa Tɔɔmasenin falikolo kɔkan, fɔsa ài yi kɛ a dɔgbɛlɛ ta le, min lawulinin ka bɔ saya lɔ, fɔsa mɔ la yi sawati Ala yɛ. 5Kamasɔlɔn mɔ tɛɛ taamana ka bɛn mɔ falikolo niikanukolu ma waate min nɔ, maa seliya lɔnko tɛɛ julumbuta lɔɔ le lawulila, ka mɔ falikolo fannu labaale kolu la minu laban yi saya le. 6Kɛɛ tandainɔ, mɔ la vɛ fɛlɛ ka bɔ seliya fanga kɔlɔ, kamasɔlɔn ko min na mɔ kɛla jɔn ne, mɔ vɛ sa ka bɔ wo ya jɔnya kɔlɔ. Wo le y'a kɛ, m'i se ka baale kɛ Ala yɛ Nii Sɛnɛyanin ya siya kula kɔkan, siya kɔlɔ mangan tɛ min sɛvɛnin.
Seliya ni julumbu
7M'i mindɛ le fɔ butu? Jalasa m'a fɔ ko seliya gbu yi julumbuko le le? Wo tɛ dɛ! Kɛɛ ni seliyako tɛɛ tɛ, ǹ tɛɛ tɛnala julumbuko lɔnna. Ǹ tɛɛ tɛnala natako lɔnna ni a tɛɛ ma sɛvɛ seliya kitabu kɔnɔ, ko: «Ài kà ài nata la ài mɔɔɲɔɔ bolofen kɔkan.» 8Kɛɛ ka bɛn jamali wo ma, julumbu na ɲa sɔlɔnna ka natabaya suu bɛ lawuli ǹ josokun nɔ. Kamasɔlɔn ni seliyako ma kɛ je, julumbu yi fen sanin ne le. 9Waate lɔ, ǹ tɛɛ ǹ nii la seliya lɔnbaliya lɔ. Kɛɛ jamali ka na feeya, julumbuko k'i wuli ǹ josokun nɔ, ǹe do ka sa. 10Jamali wo, min tɛɛ ka kan ka na niimaya le, wo le na saya lanala m̀ ma. 11Kamasɔlɔn julumbu na ɲa sɔlɔnna jamali wo le sabu la ka ǹ janva, ka ban ka ǹ faa.
12Wo lɔ saa, seliya sɛnɛyayine, a do yi jamali min dila, wo sɛnɛyayine, ka telen, ani ka keinya. 13Jalasa wo kɔlɔ le ko kokein ne na saya lanala m̀ ma? Wo tɛ dɛ! Julumbu le kɛnin wo sabu le, kamasɔlɔn a na seliya kein wo le labaalela ka saya lana m̀ ma, fɔsa julumbu kɛɲa gbugbu la yi nkɛnɛmaya. Ado ka bɛn jamali ma, julumbu ya kɛwonya yi jiya le la bɛlɛbɛlɛ kɛ.
Kɛlɛ min yi kɛla mɔ josokun nɔ
14Mɔ k'a lɔn ko seliya bɔnin Ala le lɔ, kɛɛ ǹe do yi adamaden jɛlɛla le le min felenin ka kɛ julumbu ya jɔn ne. 15#Galatiyakalu 5.17.Kamasɔlɔn ǹ'i min kɛla, ǹ tɛ wo ɲayena. Ǹ'a fɛ ǹ'i min kɛ, ǹ tɛ wo kɛla. Mafɔ, ko min gbeyanin ǹ yɛ, ǹ'i wo gbugbu le kɛla. 16Ni a ka talan ǹ'i ko le kɛla ǹ t'a fɛ ka min kɛ, wo y'a jiya le la ko m̀'ɛ diɲa a ma ko seliya bɛnyine. 17Wo lɔ saa, ǹe gbugbu tɛ wo kɛla, mafɔ julumbu min lasawatinin ǹ nɔ. 18Ǹ k'a lɔn kokein lasawatinin tɛ ǹ nɔ, ǹ falikolo lɔ koni. Kamasɔlɔn kokeinkɛ lɔɔ yi ǹ na, kɛɛ wo kɛko see tɛ ǹ yɛ. 19Kamasɔlɔn ǹ'a fɛ ǹ'i kokein min kɛ, ǹ tɛ wo kɛla. Mafɔ, ǹ t'a fɛ ka koyon min kɛ, ǹ'i wo le kɛla. 20Wo lɔ saa, ni a ka talan ǹ'i ko le kɛla ǹ t'a fɛ ka min kɛ, wo kɛba tɛ ǹe gbugbu le, mafɔ julumbu min lasawatinin ǹ nɔ.
21Ǹ'i seliya min yena baalela ǹ nɔ, wo le ne: Ni ǹ'a fɛ ka kokein kɛ, koyon ne yi nala ǹ ɲakɔlɔ. 22Kamasɔlɔn Ala ya seliya diyanin ǹ yɛ ǹ josokun nɔ. 23Kɛɛ wo bɛ n'a kɛ, ǹ'i seliya dɔgbɛlɛ le yena baalela ǹ falikolo fannu lɔ, min yi ǹ kɛlɛla m̀ miliya lɔ ka bɛn seliya latelenko ma. Seliya wo vɛ ǹ kɛ julumbu ya jɔn ne le, min lasawatinin ǹ falikolo fannu lɔ. 24Ǹ'i mɔɔ maɲumanin ne le feu! Jene kɛtɔ ǹ lafɛlɛla ka m̀ bɔ falikolo min nɔ, min yi saya lanala m̀ ma? 25Tanuli yi Ala yɛ, ale min yi wo kɛla mɔ Tii Masa Tɔɔmasenin Isa sabu la.
Ǹ'i boloɲa min ne ma butu: Ǹ'i Ala ya seliya ya jɔn ne le m̀ miliya lɔ, kɛɛ ǹ'i julumbu ya seliya ya jɔn ne le ǹ falikolo lɔ.
Currently Selected:
Lɔmukalu 7: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
