Popular Bible Verses from Lɔmukalu 7

Share

Tanuli yi Ala yɛ, ale min yi wo kɛla mɔ Tii Masa Tɔɔmasenin Isa sabu la. Ǹ'i boloɲa min ne ma butu: Ǹ'i Ala ya seliya ya jɔn ne le m̀ miliya lɔ, kɛɛ ǹ'i julumbu ya seliya ya jɔn ne le ǹ falikolo lɔ.

Ǹ k'a lɔn kokein lasawatinin tɛ ǹ nɔ, ǹ falikolo lɔ koni. Kamasɔlɔn kokeinkɛ lɔɔ yi ǹ na, kɛɛ wo kɛko see tɛ ǹ yɛ.

Kamasɔlɔn ǹ'a fɛ ǹ'i kokein min kɛ, ǹ tɛ wo kɛla. Mafɔ, ǹ t'a fɛ ka koyon min kɛ, ǹ'i wo le kɛla.

Wo lɔ saa, ni a ka talan ǹ'i ko le kɛla ǹ t'a fɛ ka min kɛ, wo kɛba tɛ ǹe gbugbu le, mafɔ julumbu min lasawatinin ǹ nɔ.

Ǹ'i seliya min yena baalela ǹ nɔ, wo le ne: Ni ǹ'a fɛ ka kokein kɛ, koyon ne yi nala ǹ ɲakɔlɔ. Kamasɔlɔn Ala ya seliya diyanin ǹ yɛ ǹ josokun nɔ.

Ni a ka talan ǹ'i ko le kɛla ǹ t'a fɛ ka min kɛ, wo y'a jiya le la ko m̀'ɛ diɲa a ma ko seliya bɛnyine.