Taneng 16
16
1O tamdaw ko misahalakaay to dadmaken,
nikawrira, o Tapang ko miktonay to sakalahci no dmak.#16.1 o Tapang ko miktonay to sakalahci no dmak -- ano ^ca i, o Tapang ko palalanay to saka nga'ay a maliclicay.
2O harateng no tamdaw i, matamaay ko polong no nidmakan ako saan,
nikawrira, mahapinang no Tapang ko lalngatan no faloco' ningra.
3Patorod han i Tapang ko polong no nisahalakaan iso a dmak,
ta ma^deng kiso a milahci to polong no dmak iso.
4Matatodong a ma^min to sakatayal ko nisanga'an no Tapang,
o sakatkop i pahrekan ko sakasanga' no tatiihay a tamdaw.
5Ma'osi ko Tapang to malata'angay a tamdaw,
caay ko papaliyasen Ningra cangra to satfoc.
6O nano sini'ada ato nika so'lin ko sakahpol no raraw,
o nika ngodo to Tapang ko saka^ca ka pades.
7Ano kalipahakan no Tapang ko dmak no tamdaw i,
halo'ada ningra a malawidangto ningra.
8Ka o mo^celay ko dmak to nika ^ca ka hakowa ko kinaira,
mana'ay to nika caay ka mo^cel a adihay ko kinaira.
9O tamdaw ko misahalakaay to halalan no tireng,
nikawrira, o Tapang ko mikriday to rakat no wa'ay ningra.
10Ira i sowal no hongti ko sakowan no Kawas,
caay ka patlac ko pisawkit ningra.
11O marayasay a satingting i, o no Tapang,
o marayasay a siro no satingting i, o nisanga'an Ningra.
12O ka'osian no hongti ko tatiihay a dmak,#16.12 O ka'osian no hongti ko tatiihay a dmak, -- ano ^ca i, Caay ko mamahadidi ko pidmak no hongti to tatiihay a dmak.
nawhani, o mo^celay a dmak ko sakatanektek a tomireng no sakowan ningra.
13Maolah ko hongti a mitngil to mo^celay a sowal,
maolah cingra to so'linay ko sowal a tamdaw.
14Pakapipatay to tamdaw ko marafrafay a kter no hongti,
nikawrira, o citanengay a tamdaw i, pakapipatrep to kter no hongti.
15O lipahakay a pising no hongti ko sakaci'orip no tamdaw,
matiya o mihawikiday a to'em to 'orad i katiposan ko sini'ada ningra.
16Ikaka no tada^kim ko taneng,
ikaka no ^kim ko fana'.
17O lalan no mo^celay a tamdaw i, miliyas to tatiihay,
mina'on cingra a romakat to mo^celay a lalan, madipot ko 'orip ningra.
18Pasayra i katkopan ko rakat no malata'angay a tamdaw,
o misatakaraway a tamdaw i, caay ka ^ca ka tfad.
19O misapo^neray ko faloco' a mikapot to pakosiya a tamdaw i,
ikaka noya mikapotay to malata'angay a tamdaw a mililam to ni'afasan a dafong ko nika nga'ay.
20O pakifaloco'ay to sifana' i, adihay ko ha^poc ningra,
o miti'eray to Tapang i, mida'oc a malmed.
21O citanengay a tamdaw i, o mafana'ay a tamdaw wa han cingra,
damsay ko sowal ningra, ci'icel a misolot to faloco' ko sowal ningra.
22O taneng no citangalay a tamdaw ko tatapangan no nemnem no 'orip ningra,
nikawrira, awaay ko ha^poc to pitfoc to maapaay a tamdaw.
23O citanengay a tamdaw i, misaharateratengho ta pasowal,
ci'icel ko sowal ningra a misolot to faloco' no tamdaw.
24O sida'itay a sowal i, matiya o 'odax no 'odal,
o sakalipahak no faloco' ato sakatanektek no tatirengan.
25Iraay ko roma a lalan, mo^cel a nengnengen,
'arawhani o sakatayra i kapatayan a lalan.
26O sakatayal no matayalay i, o sapafcol to fitoka,
nawhani, o sapafcolaw to tiyad saka, caay ka toka ko matayalay.
27O mari'angay a tamdaw i, misahalaka to sapiri'angaw to tamdaw,
matiya o mitodohay a namal ko sowal ningra.
28O mi'akongay to sowal i, misanga' to sakacacolicoli,
o pacfaay a sowal i, o sakalaliyas no malawidangay.
29O miforiforay a misa'fit to fiyafiyaw i,
o mikriday to tamdaw a pakaromakat to tatiihay a lalan.
30O misaknikni'ay to mata a tamdaw i, o caay ka mo^cel ko faloco',
o misatoetoemay a tamdaw to katofil i, o misahalakaay to tatiihay.
31O nika 'ofad i, o tadamaanay a tamohong,
o sapakaolah to mo^celay ko pinangan a tamdaw.
32O kodaitay a faloco' i, ikaka no cicdiay a sofitay ko nika ci'icel,
o paka'emetay to tireng i, ikaka no mi'afasay to niyaro' ko nika ci'icel.
33Miritos a mipa'edaw ko tamdaw,
nikawrira, o Tapang ko miktonay a misa'osi to 'orip no tamdaw.
Currently Selected:
Taneng 16: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
