Taneng 15
15
1O palasawaday to kter ko damsayay a pipaca'of,
nikawrira, o mipalowaday to kter ko ca^desay a sowal.
2Misolot to faloco' ko sowal no citanengay a tamdaw to sakafana',
nikawrira, awaay ko ^poc to sowal no maapaay a tamdaw.
3Ma'araw no Tapang i cowacowa ko dmak,
matapal Ningra ko nga'ayay ato tatiihay a dmak ita a ma^min.
4O damsayay ko caciyaw a tamdaw i, matomes no kanga'ayan,
nikawrira, o mitoleday to faloco' ko mali'akongay a sowal.
5Mi^pec to pasifana' no mama ko maapaay a tamdaw,
mica'dong to sowal no mama ko mafana'ay a tamdaw.
6Caay ka lasawad ko dafong no mo^celay a tamdaw,
nikawrira, ano ci^ta^tan ko tatiihay a tamdaw i, o pades ko pahrekan.
7Deng o sowal no citanengay a tamdaw ko sakafana' no tamdamdaw, caay ko sowal no maapaay.
8Maolah ko Tapang to pitolon no mo^celay a tamdaw,
nikawrira, ma'osi Cingra to nipato'ayaan no tatiihay a tamdaw.
9Ma'osi ko Tapang to dmak no tatiihay a tamdaw,
nikawrira, maolah Cingra to mangalayay a mo^cel ko dmak a tamdaw.
10O miliyasay to mo^celay a lalan i, o mamatfoc cingra,
o mana'ayay to pisalof a pa'icel i, o mamapatay cingra.
11O kaitiraan no mapatayay ato katkopan i, o nikowanan no Tapang,
maanen no tamdaw a misimed i ka'ayaw no Tapang ko niharatengan Ningra saw?
12O malata'angay a tamdaw i, caay pilayap to pisalof no tao a pa'icel,
caay pasayra cingra i citanengay a tamdaw a milongoc to sifana'.
13O lipahakay a tamdaw i, matawa ko pising ningra,
o mararomay a tamdaw i, matoled ko pising ningra.
14O citangalay a tamdaw i, milongoc to sakafana'aw ningra,
o maapaay a tamdaw i, mero sa to fokil ningra.
15O maksemay a tamdaw i, caay ka nga'ay ko 'orip ningra to romi'ami'ad,
o lipahakay ko faloco' a tamdaw i, mararid a mahmek to romi'ami'ad.
16O nika lapakosiya a mita'ong to Tapang ko nga'ay
to nika cidafong a adihay ko rawraw no faloco'.
17O nika komaen to kalodateng a masasiolaolah ko nga'ay
to nika komaen a mitahka to ^pah ato titi a masasi'intel.
18O karakteray a tamdaw i, mipalowad to sakacacolicoli,
o pakahadidiay a tamdaw i, o misanga'ay to sakararihaday.
19O lalan no matokaay a tamdaw i, matiya o maldefay no fadal,
o lalan no mo^celay a tamdaw i, o marayasay.
20O citanengay a wawa i, o sakalipahak no wama ningra,
o maapaay a wawa i, mi^pec to wina ningra.
21O mafokilay a tamdaw i, malipahak to apa ningra,
o citanengay a tamdaw i, mo^cel ko dmak ningra.
22Ano milayap to ci^pocay a sowal i, caay ka ^ca ka lahci ko dmak,
ano caay pisahalaka ko tamdaw to dmak i, caay ka lahci ko dmak.
23Ano matama ko sowal iso i, wata: ko nika lipahak,
ano matatodong ko sowal iso i, tadamakapahay.
24O citanengay a tamdaw i, pakayra i sakaci'orip a lalan a romakat,
miliyas cingra to katfadan a lalan i kaitiraan no mapatayay.
25O tatastasen no Tapang ko loma' no malata'angay a tamdaw,
o dadipoten Ningra ko omah no maponengay.
26O ka'intelan no Tapang ko niharatengan no tatiihay a tamdaw,
milayap Cingra to makoracay a sowal.
27O ma'anofay to caay ka mo^cel a dafong i, o sakalatiih no loma',
o mina'ayay to sapa'alofo i, o kako'daw ko 'orip ningra.
28O mo^celay a tamdaw i, misaharateratengho ta paca'of,
o tatiihay a tamdaw i, tangsol sa a paca'of to sakapades ningra.
29Mitngil ko Tapang to pitolon no mo^celay a tamdaw,
caay pitngil Cingra to pitolon no tatiihay a tamdaw.
30O matawaay ko pising a tamdaw i, o lipahakay ko faloco' ningra,
o nga'ayay a ratoh i, o mislakay to faloco' a patanektek to tireng.
31O mina'onay a mitngil to pisalof a pa'icel no tao i, o citanengay a tamdaw.
32O mina'ayay to pipasifana' i, o mi^pecay to tireng no niyah,
o mitngilay to pisalof a pa'icel i, o milongocay to sakacitaneng.
33O mingodoay to Tapang i, o pinanam to taneng,
ano sakatadamaanan ko tamdaw i, i 'ayawho a minanam a misapo^ner to faloco'.
Currently Selected:
Taneng 15: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
