Popular Bible Verses from Taneng 16

Share

Patorod han i TAPANG ko polong no nisahalakaan iso a dmak, ta ma^deng kiso a milahci to polong no dmak iso.

O tamdaw ko misahalakaay to halalan no tireng, nikawrira, o TAPANG ko mikriday to rakat no wa'ay ningra.

O sida'itay a sowal i, matiya o 'odax no 'odal, o sakalipahak no faloco' ato sakatanektek no tatirengan.

O tamdaw ko misahalakaay to dadmaken, nikawrira, o TAPANG ko miktonay to sakalahci no dmak.

O kodaitay a faloco' i, ikaka no cicdiay a sofitay ko nika ci'icel, o paka'emetay to tireng i, ikaka no mi'afasay to niyaro' ko nika ci'icel.

Pasayra i katkopan ko rakat no malata'angay a tamdaw, o misatakaraway a tamdaw i, caay ka ^ca ka tfad.

O harateng no tamdaw i, matamaay ko polong no nidmakan ako saan, nikawrira, mahapinang no TAPANG ko lalngatan no faloco' ningra.

O pakifaloco'ay to sifana' i, adihay ko ha^poc ningra, o miti'eray to TAPANG i, mida'oc a malmed.

Ka o mo^celay ko dmak to nika ^ca ka hakowa ko kinaira, mana'ay to nika caay ka mo^cel a adihay ko kinaira.

Iraay ko roma a lalan, mo^cel a nengnengen, 'arawhani o sakatayra i kapatayan a lalan.

O mi'akongay to sowal i, misanga' to sakacacolicoli, o pacfaay a sowal i, o sakalaliyas no malawidangay.