Matay 6

O Sowal to Saki Pipalada'

1<<Pina'on kamo. Aka ka o sapa'araw aca i ka'ayaw no tamdamdaw ko dmak namo a mitoor to Kawas. Ano haenen namo i, caay ko mamapakaolah no Wama namo i kakarayan kamo.

2<<Orasaka, ano palada' kiso i pakoyoc a tamdaw i, aka ka matiya o misamangahay a tamdaw a mila^pa a paratoh tonini i kasa'opoan a loma', ano ^ca i, i lalan to sakahmekaw no tamdamdaw i tisowanan. So'linen Ako a somowal kamo, malayapto nangra ko tatodong nangra. 3Nikawrira, ano palada' kiso i pakoyoc a tamdaw i, aka pasifana'en ko kawili a kamay iso to dmak no kawanan a kamay iso. 4O masimeday konini a dmak, ano hatira i, oya paka'araway to masimeday a nidmakan iso a Wama i kakarayan, caay ka^ca pakaolah i tisowanan.

O Sowal to Saki Pitolon

(Luka 11.2-4)

5<<O romasato, ano mitolon kamo i, aka ka matiya o misamangahay a tamdaw. Maolah cangra a pa'araw i tamdamdaw a tomireng a mitolon i kasa'opoan a loma', ano ^ca i, i piko no tata'angay a lalan. So'linen Ako a somowal kamo, malayapto nangra ko tatodong nangra. 6Ano mitolon kiso i, picomod i kafoti'an iso. Ta 'defen ko fawahan a milonok a mitolon to caay ka 'araw a Wama iso a Kawas. Ta oya minengnengay a Wama iso to nipilonok iso a mitolon ko papakaolah i tisowanan.

7<<Ano mitolon kamo i, aka ka matiya o pitolon no mafokilay to Kawas a misaliyaliyaw to awaay ko ^poc a sowal. O harateng nangra i, ano adihay ko sowal i, matngil no Kawas saan. 8Orasaka, aka pitodong kamo i cangraan. I 'ayaw no nipilongoc namo i, mafana'ayto ko Wama namo to kacango'otan namo. 9Orasaka, haenen ko pitolon namo.

Wama niyam i kakarayan,

nanay mapahmek ko nika fangcal no ngangan Iso.

10Nanay talahkal ko pikowan Iso,

ta matiya o nika lahci no nafaloco'an Iso i kakarayan ko nika lahci no nafaloco'an Iso i tini i hkal.

11Paflien kami to no aniniay a saka'orip niyam.#6.11 Paflien kami to no aniniay a saka'orip niyam -- ano ^ca i, sakicila a saka 'orip.

12Hpolen ko raraw niyam matiya o nipihpol niyam to misatatiihay tamiyanan.

13Kriden kami to saka^caaw ka sawi niyam.

Pa'oripen kami a paliyas nai tatiihay#6.13 tatiihay -- Palafoay..#6.13 Ira ko ikoikoray a katlangay a cudad, ira ko Nawhani, o mikowanay, o ci'icelay, o ci'dilay Kiso a mida'oc, Amin sanay.

14<<Ano hpolen namo ko raraw no misatatiihay tamowanan i, hpolen no Wama namo i kakarayan ko raraw namo. 15Nikawrira, ano caay hpolen namo ko raraw no misatatiihay tamowanan i, caay hpolen no Wama namo ko raraw namo.

O Sowal to Pakayniay i Pisaliway

16<<Ano misaliway kamo i, aka ka matiya o misamangahay a tamdaw kamo a misararorarom to pising. Nawhani o sapatiri'aw aca nangra i tamdamdaw to nipisaliway saka, misararorarom cangra to pising nangra. So'linen Ako a somowal kamo, malayapto nangra ko tatodong nangra. 17Nikawrira, ano misaliway kiso i, kalesen ko fokes, lali'open ko pising iso. 18Onini i, o saka^caaw ka fana' no tamdamdaw to nipisaliway iso. O sapatiri'aw iso toya caay ka 'araw a Wama iso ta oya minengnengay a Wama iso to nipilonok iso a misaliway ko papakaolah tisowanan.

O Sowal to Saki Dafong i Kakarayan

(Luka 12.33-34)

19<<Aka pina'ang i tini i hkal to malodafong namo. Nawhani ano haenen namo i, ira ko aayad a mikaen, o mamatayi' a mapohed. O romasato, o mamatakaw no mitakaway a tamdaw. 20Na'angen i kakarayan ko malodafong namo. Nawhani awaay ko aayad a mikaen. Caay ko mamatayi' a mapohed, awaay ko mamitakaw a tamdaw itira. 21Nawhani ano i cowa ko dafong iso i, itira ko faloco' iso.

O Dawdaw no Tireng

(Luka 11.34-36)

22<<O todong no dawdaw no tireng ko mata. Saka, ano manga'ay ko mata iso i, ta^ngad ko tireng iso a ma^min. 23Nikawrira, ano tatiih ko mata iso i, to'man ko tireng iso a ma^min. Orasaka, ano caay ka ta^ngad ko laloma' iso i, mangalef ko nika to'man iso.

O Kawas ato Dafong

(Luka 16.13; 12.22-31)

24<<Caay ka nga'ay a tosa ko tapang no ccay a matayalay a koli. Nawhani ano haenen ningra i, ka'osien ningra ko ccay, kaolahen ningra ko ccay. Ano ^ca i, kangodoen ningra ko ccay, ^pecen ningra ko ccay. Orasaka, ano palcaden namo ko harateng to saki Kawas ato saki dafong i, caay ka nga'ay.

25<<Saka, pasowalen Ako kamo, o maan ko kakaenen, o maan ko sasariko'en ako, aka ka saan a marawraw ko faloco' namo a miharateng to pakayniay i saka'orip. Caay hakiya ka ikaka no kakaenen ato riko' ko nika o kalimlaan ko 'orip ato tireng? 26Nengnengen ko ma^feray a 'ayam hna. Caay pifolsak to sapaloma, caay pilitod, caay pina'ang i 'ariri cangra. Nikawrira, pakaenen no i kakarayanay a Wama namo cangra. Caay hakiya ka ikaka no nika limla no Kawas to 'ayam ko nika limla no Kawas i tamowanan? 27Ano maroraroray ko cima namo a miharateng to pakayniay i 'orip i, ma^deng cingra a misofac to 'orip#6.27 misofac to 'orip -- ano ^ca i, ma^deng cingra a mitongal to takaraw. ningra to mamamamang aca hakiya?

28<<Nawiro roray sa kamo a miharateng to maloriko' namo saw? Nengnengen ko lahad no yolinohana i palapalaan hna. Caay ka tayal, caay pisanga' caira to riko'. 29Sowalen Ako kamo, ano ci Solomonto o tadamaanay ko 'orip i, caay pakapilcad to ccaccay aca nonini a hana ko nika kapah no riko' ningra. 30Oya mamalokasoy i parod anocila a ma'oripayho anini i palapalaan a talod i, madipot no Kawas konini. Mangalef ko nipidipot no Kawas i tamowanan. Aya: ko nika tadanca no piti'er namo to Kawas!

31<<Orasaka, o maan ko kakaenen, o maan ko nananomen, o maan ko sasariko'en, aka ka saan a marawraw ko faloco' namo. 32Deng onini a ccay ko nilongocan no mafokilay to Kawas a tamdaw. Nikawrira, mafana' ko Wama namo i kakarayan to nika cango'ot namo tonini a ma^min. 33Orasaka, nanay i'ayawen a milongoc ko sakalahciaw no pikowan no Kawas ato pido^do to nafaloco'an Ningra, ta halonini a saka'orip a ma^min a mapafli no Kawas kamo. 34Orasaka, aka ka rawraw ko faloco' namo to sakicila. O sakicila i, anocila a miharateng. O nika roray to ccay a romi'ad i, pa^deng han toya romi'ad.

Currently Selected:

Matay 6: AMIS2019

Highlight

Copy