Matay 5

O Pipasifana' ni Yis i Lotok

1Minengneng ci Yis to nika 'aloman no finawlan i, macokacok Cingra to mamang i lotok a maro' itira. Yo maro' Cingra i, raoden no nisawawaan Cingra. 2Satapang sato Cingra a pasifana' i cangraan. Sowal sa,

O Sowal to Saki Malmeday

(Luka 6.20-23)

3<<O malmeday ko mafana'ay to nika cango'ot no faloco' a mitoor to Kawas a tamdaw.

Nawhani o finawlan no Kitakit no Kawas cangra.

4<<O malmeday ko mararomay a tamdaw to nika ciraraw nangra.

Nawhani o mamahinom no Kawas cangra.

5<<O malmeday ko damsayay a tamdaw.

Nawhani o mamilayap cangra to nano nisowalan no Kawas a sapafli a pala.

6<<O malmeday ko milongocay mido^doay to nafaloco'an no Kawas a tamdaw.

Nawhani o paparahkeren no Kawas cangra.

7<<O malmeday ko adayayay a tamdaw.

Nawhani o aadayayen no Kawas cangra.

8<<O malmeday ko tingalaway ko faloco' a tamdaw.

Nawhani o mama'araw nangra ko Kawas.

9<<O malmeday ko pararihadayay a tamdaw.

Nawhani o wawa no Kawas wa han cangra a matahidang.

10<<O malmeday ko mido^doay to nafaloco'an no Kawas a makari'angay a tamdaw.

Nawhani o finawlan no Kitakit no Kawas cangra.

11<<O malmeday ko malokesay no tamdamdaw a mikari'ang a mipalafo to masamaamaanay a tatiihay a sowal tona mitoor kamo i Takowanan. 12Nawhani mahaento a makari'ang ko i 'ayaway namo a pali'ayaway to sowal no Kawas. Saka, kalipahak, kalipahak, nawhani matrek ko tadamaan a sapakaolah i tamowanan i kakarayan.

O Cilah ato Likat

(Maroko 9.50; Luka 14.34-35)

13<<O todong no cilah kamo i tini i hkal. Ano malasawad ko kahcid no cilah i, awaayto ko ^poc. Dengto o nika falah i papotal a masakasak no tamdamdaw.

14<<O todong no likat kamo i tini i hkal. O nipatirengan i lotok a niyaro' i, caay ka ^ca o mamahapinang. 15Awaay ko milikatay to dawdaw a mipatli i la^no no sato. O papatlien i padawdawan. Ta ta^ngad ko paro no loma' a ma^min. 16Orasaka, haenen ko likat namo a pata^ngad to tamdamdaw. Ta pakayni i nipipaka'araw nangra to nga'ayay a dmak namo ko sapahmek nangra to Wama namo i kakarayan.

O Sowal to Saki Rikec

17<<O saka tayni Ako i, o sapalasawadaw Ako to Rikec ni Mosi ato nipasifana'an no pali'ayaway to sowal no Kawas, aka ka saan ko piharateng namo. Caay ko sapalasawadaw Ako, o sapilahciaw Ako tonini ko sakatayni Ako. 18So'linen Ako a somowal kamo, ano iraho ko kakarayan ato hkal i, caay ko mamalasawad ko samimingay a konis ato tilid no Rikec, tangasa i pahrekan no kalomaamaan#5.18 tangasa i pahrekan no kalomaamaan -- ano ^ca i, tangasa i kalahcianto no nipasifana'an no Rikec a ma^min.. 19Orasaka, o mifalahay to samamangay nonini a limo'ot, o pasifana'ay to tamdaw to sapihaen a mifalah i, o mamalasasafaay i Kitakit no Kawas. Nikawrira, o mido^doay tonini a Rikec, o pasifana'ay to tamdaw to sapihaen a mido^do i, o mamalatadamaanay i Kitakit no Kawas. 20Pasowalen Ako kamo, ano caay ka ikaka no nika so'lin no dmak no pasifana'ay to Rikec ato Farisay a tamdaw a mido^do to nafaloco'an no Kawas ko nika so'lin no dmak namo i, caay ko mamicomod kamo i Kitakit no Kawas.

O Sowal to Pakayniay i Kter

21<<Matngilto namo ko nano sapi'met a limo'ot no iti:yaayho a tamdaw toya, <Aka pipatay to tamdaw. O mipatayay a tamdaw i, o mamasawkit,> sanay. 22Nikawrira, pasowalen Ako kamo, o makteray to salikaka#5.22 o makteray to salikaka -- ira i roma a katlangay a cudad a matilid o saolatek sanay a makter to salikaka. ningra a tamdaw i, o mamasawkit. <O awaay ko ^poc a tamdaw kiso,> sanay to salikaka ningra i, o mamaliclic no lomaocay#5.22 lomaocay -- o roma i, mikaykiay, milaocay.. <O maapaay kiso,> sanay to salikaka ningra i, o mamafahkol i pisemseman a namal. 23Ano pacakat kiso to sapaini i Kawas i pipacakatan i, ano maharateng iso itiya ko nika tatiih no harateng no salikaka i tisowanan i, 24tli hanho i ka'ayaw noya pipacakatan koya sapaini iso. Ta tayraho toya salikaka a malali'ay. Ta patiko kiso a tayra a mipacakat to sapaini iso i Kawas.

25<<Ano ira ko pakokotay to dmak iso a pacakat i pilaocan, i 'ayaw no nika liclic namo i, kalamkamen a masasinga'ay. Ano caay haenen iso i, latek lahci han noya pakokotay to dmak iso ko nipipatayra tisowanan i misawkitay. Ta patoroden no misawkitay kiso i citodongay to pirofoan. Ta rofoen ningra kiso. 26So'linen Ako a somowal kiso, ano caay ka lpon iso a pasadak to sapatfoc a ma^min i, caay ko mamasadak kiso nanipirofoan.

O Sowal to Pakayniay i Ma'odangay

27<<Matngilto namo koya, <Aka ka 'odang#5.27 'odang -- o roma i, tadang (ka'amis), 'ofil (Posong).,> ya sanay a sowal. 28Nikawrira, pasowalen Ako kamo, ano cima ko ci'anofay ko faloco' a minengneng to fafahiyan i, o ma'odangayto cingra i faloco' ningra toya fafahiyan. 29Ano sakaciraraw iso ko kawanan a mata iso i, dicohen a mifalah. O nika awa no ccay a mata iso ko nga'ay to nika fahkol no polong no tireng iso i pisemseman. 30Ano sakaciraraw iso ko kawanan a kamay iso i, ktonen a mifalah. O nika awa no ccay a ca'ang no tireng ko nga'ay to nika falah no polong no tireng iso i pisemseman.

O Sowal to Pakayniay i Nika Sasawad no Mararamoday

(Matay 19.9; Maroko 10.11-12; Luka 16.18)

31<<O romasato, <O misawaday to fafahi a tamdaw i, paflien koya fafahi to sakalaliyas a tilid,> saan ko sowal a matilid i Fangcalay Cudad. 32Nikawrira, sowalen Ako kamo, ano cimacimato a fa'inayan i, ano caay ko nika'odangan no fafahi ningra ko sakapisawad ningra to fafahi i, o paka'odangay cingra to fafahi ningra. Nawhani ano cifafahi tonini a nisawadan a fafahiyan ko cima a fa'inayan i, o ma'odangay cangra.

O Sowal to Saki Miktonay to Faloco'

33<<Matngilto namo ko nano nisowalan to iti:yaayho a tamdaw toya, <Aka piliyang to miktonan namo a sowal. O niktonan namo a faloco' i ka'ayaw no Tapang i, lahcien a ma^min,> sanay. 34Nikawrira, sowalen Ako kamo, ano mikton to faloco' i, aka patdo a mitoro' to maan. Aka pitoro' to kakarayan a mikton to faloco', nawhani o kamaro'an no Kawas korira. 35Aka pitoro' to sra a mikton to faloco', nawhani o pasaripa'an no Kawas ko sra. Aka pitoro' to Yirusalim, nawhani o niyaro' no tadamaanay a Hongti korira. 36Aka pitoro' to fongoh iso a mikton to faloco', nawhani caay ka filo iso a misakohcal a misakohting ko ccaccay aca a fafokesan iso. 37Orasaka, ano hai i, <Hai> han. Ano caay i, <Caay> han ko sowal namo. Ano pakinali ko sowal iso i, o nai Palafoayto korira.

O Sowal to Saka^caaw Pico'ay

(Luka 6.29-30)

38<<Matngilto namo koya, <Ano milimataay i, dicohen ko mata noya milimataay. Ano mingito'ay to wadis i, ngito'en ko wadis noya mingito'ay,> ya sanay a sowal. 39Nikawrira, sowalen Ako kamo, aka pico'ay to miri'angay tisowanan a tamdaw. 40Ano patpihen no nima ko kawanan a paci'eng#5.40 paci'eng -- o roma i, kaci'eng (katimol), fihid (ka'amis). iso i, pahalaen haca to kawili a paci'eng iso. Ano mapakokot no nima ko dmak iso a pacakat i pisawkitan to sapialaaw to riko' iso i, halokafafangen a pafli cingra. 41O romasato, ano paci^cien no kitado sanay a maro' i kitakit namo a sofitay kiso a papi'orong to lalosidan ningra a pakaromakat to ccay a kongli i, tosaen a kongli ko nika romakat iso. 42Ano ira ko milongocay i tisowanan a tamdaw to maan i, paflien. Ano ira ko sapicaliwananay i tisowanan a tamdaw i, pacaliwen.

O Sowal to Kaolahen ko 'Ada

(Luka 6.27-28, 32-36)

43<<Matngilto namo koya, <Olahen ko widang iso. Ka'intelen ko 'ada iso,> yasanay a sowal. 44Nikawrira, sowalen Ako kamo, olahen ko 'ada namo. Pitolon kamo to mikari'angay i tamowanan a tamdaw. 45Ta nga'ay malawawa no Wama namo i kakarayan kamo. Nawhani malcad ko nipipacidal Ningra to mari'angay ato nga'ayay a tamdaw. Pa'oraden Ningra ko nga'ayay a tamdaw ato tatiihay a tamdaw. 46Ano o maolahay i tamowanan a tamdaw a ccay ko kaolahan namo i, o maan ko mamalayap namo to sapakaolah no Kawas saw? Halomilisataay a mahaen ko dmak. 47O romasato, ano deng o salikaka namo a ccay ko nita'ongan namo i, hakowa ko nika tadamaan namo saw? Caay ka hatira ko dmak no roma a finacadan saw? 48Haenen o nika songila' no Wama namo i kakarayan ko nika songila' namo.

Currently Selected:

Matay 5: AMIS2019

Highlight

Copy