Popular Bible Verses from Matay 6

Share

Orasaka, nanay i'ayawen a milongoc ko sakalahciaw no pikowan no Kawas ato pido^do to nafaloco'an Ningra, ta halonini a saka'orip a ma^min a mapafli no Kawas kamo.

Orasaka, aka ka rawraw ko faloco' namo to sakicila. O sakicila i, anocila a miharateng. O nika roray to ccay a romi'ad i, pa^deng han toya romi'ad.

<<Saka, pasowalen Ako kamo, o maan ko kakaenen, o maan ko sasariko'en ako, aka ka saan a marawraw ko faloco' namo a miharateng to pakayniay i saka'orip. Caay hakiya ka ikaka no kakaenen ato riko' ko nika o kalimlaan ko 'orip ato tireng?

Ano mitolon kiso i, picomod i kafoti'an iso. Ta 'defen ko fawahan a milonok a mitolon to caay ka 'araw a Wama iso a Kawas. Ta oya minengnengay a Wama iso to nipilonok iso a mitolon ko papakaolah i tisowanan.

Orasaka, haenen ko pitolon namo. Wama niyam i kakarayan, nanay mapahmek ko nika fangcal no ngangan Iso. Nanay talahkal ko pikowan Iso, ta matiya o nika lahci no nafaloco'an Iso i kakarayan ko nika lahci no nafaloco'an Iso i tini i hkal.

Paflien kami to no aniniay a saka'orip niyam.

Hpolen ko raraw niyam matiya o nipihpol niyam to misatatiihay tamiyanan.

Kriden kami to saka^caaw ka sawi niyam. Pa'oripen kami a paliyas nai tatiihay.

<<Ano hpolen namo ko raraw no misatatiihay tamowanan i, hpolen no Wama namo i kakarayan ko raraw namo.

Nengnengen ko ma^feray a 'ayam hna. Caay pifolsak to sapaloma, caay pilitod, caay pina'ang i 'ariri cangra. Nikawrira, pakaenen no i kakarayanay a Wama namo cangra. Caay hakiya ka ikaka no nika limla no Kawas to 'ayam ko nika limla no Kawas i tamowanan?

<<Aka pina'ang i tini i hkal to malodafong namo. Nawhani ano haenen namo i, ira ko aayad a mikaen, o mamatayi' a mapohed. O romasato, o mamatakaw no mitakaway a tamdaw. Na'angen i kakarayan ko malodafong namo. Nawhani awaay ko aayad a mikaen. Caay ko mamatayi' a mapohed, awaay ko mamitakaw a tamdaw itira. Nawhani ano i cowa ko dafong iso i, itira ko faloco' iso.

<<Caay ka nga'ay a tosa ko tapang no ccay a matayalay a koli. Nawhani ano haenen ningra i, ka'osien ningra ko ccay, kaolahen ningra ko ccay. Ano ^ca i, kangodoen ningra ko ccay, ^pecen ningra ko ccay. Orasaka, ano palcaden namo ko harateng to saki Kawas ato saki dafong i, caay ka nga'ay.

Oya mamalokasoy i parod anocila a ma'oripayho anini i palapalaan a talod i, madipot no Kawas konini. Mangalef ko nipidipot no Kawas i tamowanan. Aya: ko nika tadanca no piti'er namo to Kawas!

Nikawrira, ano palada' kiso i pakoyoc a tamdaw i, aka pasifana'en ko kawili a kamay iso to dmak no kawanan a kamay iso. O masimeday konini a dmak, ano hatira i, oya paka'araway to masimeday a nidmakan iso a Wama i kakarayan, caay ka^ca pakaolah i tisowanan.

<<Pina'on kamo. Aka ka o sapa'araw aca i ka'ayaw no tamdamdaw ko dmak namo a mitoor to Kawas. Ano haenen namo i, caay ko mamapakaolah no Wama namo i kakarayan kamo.

<<Ano misaliway kamo i, aka ka matiya o misamangahay a tamdaw kamo a misararorarom to pising. Nawhani o sapatiri'aw aca nangra i tamdamdaw to nipisaliway saka, misararorarom cangra to pising nangra. So'linen Ako a somowal kamo, malayapto nangra ko tatodong nangra. Nikawrira, ano misaliway kiso i, kalesen ko fokes, lali'open ko pising iso. Onini i, o saka^caaw ka fana' no tamdamdaw to nipisaliway iso. O sapatiri'aw iso toya caay ka 'araw a Wama iso ta oya minengnengay a Wama iso to nipilonok iso a misaliway ko papakaolah tisowanan.