Rommiako 6
6
Jisu Ze Sia mu Rhei Lakelie
1Siro we kedipuo pu sa ta? Ngukemezhie bu kralieketuo la kephouma nu ba zotuo me? 2Suotuo! We kephouma kitsa siaketako kikidi sünu lhou sa volie vituo ga? 3We Jisu Khrista nu dzülupfükelie pete rei puo seu nu dzülupfülieta zocü nie si mo me? 4We dzülupfükecü nu puo seu ze puo chü di u khruwate, sidi Puou zayie üse kesia nunu Khrista chü perhei lakelie mhiei u bu rei kelhou kesa se lhou tuolieketuo la.
5Kekreilamonyü we puo seu nu puo ze puo chülieta ro, puo mhiei we rei rheilakesie nu puo ze puo chülietatuo. 6We u kephouma miau pejüwa di kephouma die chü sa molieketuo la themia keweu pie puo sa krus geinu gouwatakecü si touliecie. 7Kehoupuorei siakewamia kephouma nunu phreishüta zocü la. 8We Khrista ze siawata üro, we puo ze di rhei reilieketuo pelete. 9Kekreilamonyü Khrista kesiako donunu rheikelie sie sia la salie lhotakecü we si bate; puo mho kesia puo kekuo ba sa mote. 10Puo se süu, kephouma la vapuochü sia, puo rhei tuoketa kerheiu we Ukepenuopfü kitsa la zo. 11Süla nieko rei kephoumatsa siata zo, mu Jisu Khrista nu Ukepenuopfü kitsa rhei tuota ücü leliecie.
12Süla nieko siatalie kevi chüüphou menguko dieze chü di kephoumau bu cieürietaketuo nie mo-u mho di sa hie. 13Nie mo-u gei za puorei khapie kephouma nu shü di mhatho kesuo chüketuo nya puorei chü hie, derei kesia nunu kerhei nu praketa themia chü di nie thuo nie pie Ukepenuopfü kitsa shülie, mu kemiatho mhatho chüketuo nyako chülieketuo la nie mo rei pie Ukepenuopfü kitsa shüliecie. 14Silie ro kephouma nie mho di sa lhote, nie thezho-u khrükhro monyü ngukemezhieu khro baketa la.
Kemiatho Kituo Chükelie
15Di siro kita? We thezho-u monyü ngukemezhieu khro baketa la kejokemou chü ba zotuo me? Suotuo! 16Nieko si ba mo me, nie thuo nie khapie miadie chü di mha huo dieze chüketa ki puo dieze chüyakezhau diemiate, süu kephouma diemia liro kesia nu vo iya, mu die ze üro miathokelie nu voya mo üme? 17Derei Ukepenuopfü peziewe, nie va puo kephouma die chü, derei süsie nie melou pete se ketho-u pie nie pethakeshü ngukelieu dieze chü tuote. 18Kephouma nunu nieko shüphralie di nie bu kemiatho die chüliete. 19Nie chüüphou thachücü la a themia rüli geinu nieko ki puya. Nie thiedzü nie phou kha tseipie mesa kemo mu suo miemieketau die chükewa tuoi, tsie we mesalieketuo la nie phou khapie kemiatho die chüliecie.
20Nieko kephouma die chü ketuo ki kemiatho kitsa ba mo. 21Süla nie chükewa mhathoko la tsie menga keba nunu nie kedipuo kemevi ngulie ba ga? Mha süko thelaue kesia zo. 22Derei nie tsie we kephouma cie pralie di Ukepenuopfü diemia chüte, süu siue nie chü kemesalie. Süu thelae kechachie kerhei. 23Kekreilamonyü kephouma zhakhrae kesia, sirei Ukepenuopfü u Niepu Jisu Khrista nunu methuo khapie u ketsüu we kechachie kerhei zo.
Currently Selected:
Rommiako 6: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
