Popular Bible Verses from Rommiako 6

Share

Kekreilamonyü kephouma zhakhrae kesia, sirei Ukepenuopfü u Niepu Jisu Khrista nunu methuo khapie u ketsüu we kechachie kerhei zo.

Silie ro kephouma nie mho di sa lhote, nie thezho-u khrükhro monyü ngukemezhieu khro baketa la.

We dzülupfükecü nu puo seu ze puo chü di u khruwate, sidi Puou zayie üse kesia nunu Khrista chü perhei lakelie mhiei u bu rei kelhou kesa se lhou tuolieketuo la.

Nie mo-u gei za puorei khapie kephouma nu shü di mhatho kesuo chüketuo nya puorei chü hie, derei kesia nunu kerhei nu praketa themia chü di nie thuo nie pie Ukepenuopfü kitsa shülie, mu kemiatho mhatho chüketuo nyako chülieketuo la nie mo rei pie Ukepenuopfü kitsa shüliecie.

We u kephouma miau pejüwa di kephouma die chü sa molieketuo la themia keweu pie puo sa krus geinu gouwatakecü si touliecie.

Süla nieko rei kephoumatsa siata zo, mu Jisu Khrista nu Ukepenuopfü kitsa rhei tuota ücü leliecie.

Siro we kedipuo pu sa ta? Ngukemezhie bu kralieketuo la kephouma nu ba zotuo me? Suotuo! We kephouma kitsa siaketako kikidi sünu lhou sa volie vituo ga?

Nieko si ba mo me, nie thuo nie khapie miadie chü di mha huo dieze chüketa ki puo dieze chüyakezhau diemiate, süu kephouma diemia liro kesia nu vo iya, mu die ze üro miathokelie nu voya mo üme?

Derei Ukepenuopfü peziewe, nie va puo kephouma die chü, derei süsie nie melou pete se ketho-u pie nie pethakeshü ngukelieu dieze chü tuote. Kephouma nunu nieko shüphralie di nie bu kemiatho die chüliete.