Jakob 4

Kijüu Ze Khriethokecü

1Nie donu kegei mu keprülikecüko kirapuo nu vorya ga? Süko nie menguko nie geinu kegei sei bayakezha nunu parya mo me? 2Nie mha menguya, derei süko ba mo; süla nie mia dukhriya. Mu nie mha mehouya, derei süko ngulieya mo, süla nie mia ze keprüli mu kegeitaya. Nie chaya kemo la, ngulieya mo. 3Nie chakesie ki süu ngulieya mo, kekreilamonyü nie nei nie nyü chü di cha zhü kemoko chakezha la nie cha rei ngulieya mo. 4Harie, pieümiako! Kijü hau ze khrietho kechüe Ukepenuopfü ngumvü zo ükecü nieko si mo me? Süla kehoupuorei kijü hau ze khrietho chü ro puo Ukepenuopfü ngumvümia zo. 5Morei kethodie nu, “Ukepenuopfüe ruopfü khapie u nou shüwaketau la mha mengu kelho baya,” idi kepuu kemethuoü leya me? 6Derei puo ngukemezhie kha pekrashüya; süla süu dze,

“Ukepenuopfü kemiakokezhamia mese chüya,

derei ngukemezhie pie kokemoko tsüya.”

7Süla nie khapie Ukepenuopfü tsülie. Terhuokesuou mese chülie, sitse puo ta nie therütatuo. 8Nieko Ukepenuopfü penuo volie, sitse puo rei nie penuo vorlietuo. Nie dzie chü kemesalie, nie kephoumako, mu nie nou chü kemesalie, nie nou kenieko. 9Nie thekrü chülie, nie nousuolie mu kralie. Nie kenyü chüpie kekra chüwalie tsiu kenei chüpie thedzü kezei chüwalie! 10Niepuu mhodzünu nie chü kerünuolie, sitse puo nie chü kerükrieshütuo.

Huoniehuo Le Pejo Hie

11A kezeko,#4:11 Gk Siezedzürieko. nie huoniehuo tha hie. Kehoupuorei puo zemia tha morei puo zeu le pejo ro, thezho-u tha mu thezho-u pejoya; no thezho-u pejota ro, no thezho-u chüüzeyakezhamia monyü capimiate. 12Thezho khashüyakezhae mia puo rübei zo mu puoe süu kela rei shü morei peka reiwalie vi. No n zanuou le pejoyakezhau n thuo n üse supuo üya mu?

Kemiakokecüko la Tarhokeshü

13Siro rünyüliecie, nieko we, “Thie morei sodu we rüna puo nu vo di cie puo sünu batuo, sidi thelhi chü di raka pfhülietuo, isiya.” 14Sirei nieko sodu kedipuo vortie shicü si mo. Nie kelhou ha kicüpuo mu? Nieko mha kekhu zopuoki par di ngu mo latayakezha kemhie kro puo zo. 15Süla nieko, “Niepuu medo ro, we rhei ba di mha hau morei luu chütuo,” ikecü pu zhü. 16Sümhie nieko tsie rei kemiako mu kemelha tuoya; kemelhakecü süko pete kekrü. 17Süla mia puoe chü kezhüu si zorei chü moro puo phoumata zo.

Currently Selected:

Jakob 4: ANBRBSI

Highlight

Copy